خبراء البلوفرونتد

[vipaltear]

شكرا أخي طير الهوى وماقصرة وانا متأكد أنهوا أورنج وينج ومو مختلف معاك
ولكن أخي العزيز فواز مو مقتنع
وبصراحه في أحد الشباب في منتدى ثاني عارض هذا الطير وقال انهو بلوفرونتد وهذا الشخص
يوم يشتري الطير قالوا له انهوا بلوفرونتد ، وانا يوم قلت له ان طيرك مو بلوفرونتد مسكين زعل
وهو مخدوع ايضا .


وشكرا لكم جميعا والله يعطيكم الف عافية

[vipaltear]

والله حيرتنا يا أخي سكر

[سكر]

المشاركة الأصلية كتبت بواسطة vipaltear

والله حيرتنا يا أخي سكر

ههههه ايش تبغى أحلف لك على المصحف ؟

والله هذا بلو فرونتد يا قمر

والرجال اللي زعل معاه حق... روح اعتذر له ولا تستحي من الحق,,

ربي يوفقك

[vipaltear]

اهلا أخي سكر وشكرا لك
بصراحه اعتذرة الى الشخص من يوم أختلفة الآراء في الطير

وقلت له ويش الي صار في هذا الموضوع
ولكن عندي تعليق على كلامك أخي سكر انت قلت ان طيرك البلوفرونتد والله يخلي طيرك ان شاء الله
ويطول في عمره انهوا تتغير ألوانه في عدة مراحل ولو نلاحظ ان التغيير يكون في لون الريش فقط وليس في المنقار ومنقار البلوفرونتد يكون اسود بالكامل
وأثبت أخي العزيز مجنون الأمازون في موضوعه الجميل عن انواع الأمازونات والفروقات

http://www.2zoo.com/vb/showthread.php?t=170169


وما تعليقك يا أخي سكر ؟

[سكر]

تعليقي يا قمر ان لون المنقار عبارة عن علامة واحدة فقط ما تكفي انك تقول انه اورنج,,,

وعشان تقدر تقرر لابد ان يكون لديك عدة علامات كافية لإتخذا قرارك

مثل اللي يشتكي مرض ماء أو علة معينة,, ممكن تتشابة بعض الأعراض ,, لكن مو معناته كلها نفس المرض..

وظيفتي هنا اني اجاوبك على سؤالك اذا كان بلوفرنت او اورنج..

أما مسألة الإقناع والإقتناع هذا موضوع ثاني يا غالي يعتمد على ثقتك في المجيب وفي معلوماته

بس صدقني ما تتخيل قد ايش انا مستغرب من إختلاف الأعضاء في نوع الببغاء اللي سألت عنه

ربي يوفقك

[vipaltear]

ما عليش اتحملني أخي سكر وانا اذا ناقشتك مو معناته أني مو واثق فيك
بالعكس منزود ثقتي فيك وفي الأخوان وانا رايي مثل راي أخي طير الهوى
ان لون المنقار يكون ثابت لا يتغير لونه على حسب العمر وهذا الكلام مو من عندي
قريته في أحدى مواقع الأجنبيه

وشكرا

[oO مشــعل Oo]

بكل تأكيد ان هذا الطير بلو فرنتد وليس اورنج

الطير ماشاء الله رووعه ومميز خذه وتوكل على الله

[طير الهوى]

،،

سبحان الله العظيم .. مادام أخونا سكر قال ان هذا بلو فرونتد فهو بلو فرونتد ان شاء الله .. لأن سكر استاذنا ومافيه كلام ان شاء الله ..

انا بصراحه قبل الرد اعتمدت على أمرين .. الأول معرفتي بالطيور .. والثاني بالاستفادة من المراجع ..

راجعت مراجع البلوفرونتد جميعها .. وشفت مقارنات بين انواع البلوفرونتد وبحثت عن لون المنقار هل يختلف في بعض الانواع ؟ لأني ابي اي نوع يقول انه ممكن يجي لون المنقار مخلوط اي لون مع الاسود علشان اقول انه بلوفرونتد .. بس ماحصلت .. الرابط هنا فيه مقارنة بين انواع البلوفرنتد الثلاثه ..

http://www.parrot-link.co.uk/blue-fronted-amazons.htm

على حسب الجدول الموجود في المرجع السابق .. يذكر ان جميع انواع البلوفرونتد لها لون منقار ولسان اسود .. ولو كان فيه مخلوط لون ثاني بالمنقار كان كتبوه مثل لما ذكروا هالنقطه في ( كير ) الطير ..

بعد ما اعتمدت على معرفتي وشفت المرجع السابق يقول هالكلام .. حكمت ان هالطير اورنج وينج .. لكن مادام الاخوان قالوا بلوفرونتد .. ليه ما يكون بلوفرونتد

وان شاء الله بموضوع ثاني يحالفنا الحظ اكثر ونعطيك الجواب كافي وافي

موفق يالغلا

،،

[fawzi]

والله انا قلت له بس هو مومقتنع الله يهديه ويصلحه

[طيري وياكل من يد غيري]

كلامك درر درر يافوزي وانا اكدت كلامك في بداية الموضوع بس بغيت اشوف لين وين بيوصلون الشباب لانه فيه فرخ انا شفته يمكن حتا ماتقول اورنج وينج طلعت العلامه الزرقاء والصفراء بعد ماكبر وتحياتي