اشترك في نشرتنا البريدية ليصلك كل جديد

rip · 29-12-2009, 06:48 PM

تسلم ايدك ابو محمد على صنع اللعبه وشرحها بالصور وطريقه رائعه

وعندي سؤال:

س/ هل تناسب اللعبه للببغاء المكاو عمره 5 سنين تقريبا وصورته في توقيعي

ابو محمــد · 29-12-2009, 06:49 PM

اقتباس:

ابتكارات رائعة وسهلة من مواد متوفرة
جزاك الله خير

تسلم يا فتفوته ع الطله.

ابو محمــد · 29-12-2009, 06:51 PM

اقتباس:

تسلم ايدك ابو محمد على صنع اللعبه وشرحها بالصور وطريقه رائعه

وعندي سؤال:

س/ هل تناسب اللعبه للببغاء المكاو عمره 5 سنين تقريبا وصورته في توقيعي

المكاو تصلح له لعبه من خيط صوف ع شكل بيضاوي ,,

اما الخشب الله يعينك دقيقه وضايعه معالمه خخخخخخخخ

rip · 29-12-2009, 07:01 PM

اقتباس:

المشاركة الأصلية كتبت بواسطة ابو محمــد

المكاو تصلح له لعبه من خيط صوف ع شكل بيضاوي ,,

اما الخشب الله يعينك دقيقه وضايعه معالمه خخخخخخخخ

صدقت بخصوص الخشب حتى خشبة الاستاند ما سلمت منه وحطيت بدالها قطعه من حديد يوقف عليها خخخخخخخخخ

ويعطيك 1000 عافيه

ابو ياسـر · 29-12-2009, 10:39 PM

اقتباس:

المشاركة الأصلية كتبت بواسطة ابو محمــد

شوف كوكو انثى ومع ذلك اناديها بالمذكر وش يعني تفهم هي خخخخخخخ

الله يوفقك اخوي ابو ياسر .

خخخخخخخخخخ

يعني اذا كان قريب يمشي الحال بس وش جاب خوخه لابو الخوخ ههههههههههه

بعدين مو يقولون تفكيره تفكير طفل بعمر 3 سنوات؟؟

بعض الاطفال الله يصلحهم يفكر بالمرجله من صغره

يابعد قلبي والله يابو محمد ومشكور لتدخلك بالموضوع وابشر تم الاسم خوخه بعد ماشاورت العيال والمدام ووافقوا <<< مع اني قلت لهم تروها انثى <<< نرقع عن الاسم خخخخخخ

دمت بطل

ســـمـــا · 30-12-2009, 07:25 PM

الله يعطيك العافية ابو محمد على الموضوع
متابعته عشان اعرف اذا كان فيه جديد

من فترة لاحظت ببغائي ينزل ريش صغير وبصراحة ماشغل بالي
لكن بعده صار ينتف ريش جناحه وذيله
ورجعت لموضوعك واخذت منه بعض الافكار وفعلا انشغل عن النتف ولله الحمد
وحبيت اغير له شويه وبالصدفه جات ببالي حلقات المفاتيح
وفعلا بعد ماحطيتها باماكن متفرقة بالقفص صار ينشغل بالساعات
وهذ صورة

وودي اسأل عن الالعاب ... اذا حطيت العاب اخليها ولا اغيرها كل فترة وفترة
تحياتي

ابو محمــد · 30-12-2009, 07:43 PM

ع فكره اللعبه هذه خطره ولا سمح الله ممكن تشنقه مثل ما صار لسكر,,

حاولي تخلينها مثل الحبل نازله بدون تعليق,,

بالنسبه لخبرتي المتواضعه انا معطيهم مجثم طبيعي من حطب الوادي خخخخخخخ

وكل فتره اصنع لهم مجاثم ثانيه غير الالعاب الخشبيه ,,

التغير ممتاز لكن ما انصح تغير الشيء الا اذا الطير انتصر عليه((اقصد كسره))

وهذا بحد ذاته يطور ذكائه وبنفس الوقت يشغل نفسه ويمنع منه الاكتئاب,,

عموما في حاجه ودي انبه عنها بالنسبه للألعاب الخشبيه الموجوده في السوق,,

تكون ملونه وان شاء الله ماتكون فيها ضرر لكن الخوف ,,

ان الببغاء فيه طبع اذا كسرها ع طول يحطها في المشربيه,,

وبكذا يتغير لون الماء وممكن يسبب له مشاكل,,

اتمنى اني افدتك.

ســـمـــا · 30-12-2009, 09:31 PM

اذا كان قصدك السلسلة فهو مايلعب فيها كثر لعبه بالحلقات
لكن نبهتني لشي كان غايب عني .
والحلقات الى الآن ماقدر يفكها من بعض ، بس مو مقصر فيها
مبين انه ناوي عليها .
اما بالنسبة لالوان الالعاب كنت دوم اسأل مافيها خطر ، يجاوبوني
انه مارح يحطونها اذا كان فيها خطر والله اعلم
مشكور على ردك واتمنى نشوف العاب جديدة قريباً
تحياتي

ابو محمــد · 30-12-2009, 09:56 PM

لعبة الببغاء

لوح التزلج سكوتر

المقاس:

21cm by 8cm by 15cm

مصنوعة من المعدن ، قاعدة متينة مع 4 عجلات القيادة ، مصنوعة من الألمنيوم غير السامة للطيور آمنة. تعليم الطيور الخاص بك لركوب لوح التزلج . انهم سوف هذا الحب لعبة رائعة ، تحتاج جهودكم الطيور لتعلمها!

""اللعبه خاصه للمكاو والكوكاتو من خبرتي المتواضعه""

لا احد يسألني من وين

راينو · 30-12-2009, 10:12 PM

دايم تبرهرنا بالعابك
انا عندي فكرة لعبة ما تحتاج لف و دوران
تجيب كم شفاط ( مزاز )
يعني ما يقارب الـ 6
خمسة تصفهم جمب بعض و السادس تخليه مثل الحبل ( اي انك تربطهم مع بعض بالسادس )
ما ادري فهمتو والا لا
لكن جربتها مع اكثر من طير
لعبة غاية في الجمال
مشكلتها ما تعيش كثير
يعني يوم او يومين بالكثير
معليش ما حطيت صور
لاني سيرت على الموضوع قلت ليه ما احط اللعبة اللي انا اصنعها لطيوري
و اعذروني
تقبلوا مروري