اشترك في نشرتنا البريدية ليصلك كل جديد

حكيم · 02-05-2005, 08:54 AM

إنشاء الله راح اكون موجود بس شوف عمي عندي شروط

رقم 1 : ابي حمام مشوي مع اني ما آكل حمام ولا دجاج ولا لحم

رقم 2 : ابي حمص ومتبل وبابا غنوج وماما فتوش

رقم 3 : ابي فـــــــتــــــــــه لبنانية مطبوخة بريج حلو

رقم 4 : ابي عرايس شغل بيت

رقم 5 : ابي بيبسي يكون في درجة برودة نص مثلج

رقم 6 : والله مستحي

بس يالله ابي الفوطه اللي مبلله بماي حال اللي بالمطعم يقدمونه قبل الأكل

رقم 7 : والله مستحي بس يالله ابي عصير كيوي بالبرتقال يكون نفس درجة برودة البيبسي

رقم 8 : والله هم مستحي بس يالله بعد العشا ابي كناري نوع إيراني يغرد وآنا قاعد على العرزاله

رقم 9 : والله منقص ويهي بس يالله ابي حق عمور ولدي 12 دياية بدون ديك وارنب بأذن وحده

رقم 10 : اعتقد خلااااااااااااااااااااااااااااااااااااااااص

ما بقى بالوي شي بس آخر طلب ابي حلوه بحرينية من لحن الخلود لا لا اتغشمر .

ويا بوفهد راح ايي إنشاء الله بس مستحي والله شنه طلباتي وايد

بوفهد · 02-05-2005, 08:56 AM

انت تعال بس وان شاء الله راح تلقى كل طلباتك مجابه (( هذا ويهي ))

تحياتي

nevada · 02-05-2005, 09:34 AM

لووووووووووووووووووووووووووووووووووول
حكيم ما تبي مدلكة عقب العشا.......
بوفهد عاد ما وصيك مع العشا باكيتين دوفي دوف اصفر ما عليك امر
واذا ما فيها كلافة عليك يكون كرز افضل .....

تحياتي للجميع.......

مرسال · 02-05-2005, 01:18 PM

جاي لك يا بو فهد يوم الخميس 5/5 ألفين وخمسة الساعة خمسة و باضرب بالخمسة

لحن الخلود · 03-05-2005, 01:55 AM

لا لا لا صارت جذي السالفه
لوووووووووووووووووووووووووووول
لا والله شكلنا انشاء الله راح نستانس
وتستاهلون العنوه يا الربع
وياحكيم ابشر بطلبك إنشاء الله
بوفهد ماعليك أمر تترسلي حمام السباحه لأني بجيك من الظهر
يعني السالفه صارت غدى وعشى ويمكن يمكن ريوق ثاني يوم
أوكي

بوفهد · 03-05-2005, 06:56 AM

لوووووووووووووووووووووووول

عدل عدل عدل عدل شهالتفاعل الزين

ترى انا من العصاري موجود هناك او من المغرب فلايكون احد يتأخر

تحياتي

الاربش · 03-05-2005, 11:41 AM

فيها حمام سباحه

يعني اجيب المايوه معاي

ونبي نلعب كوت بو سته انا ونيفادا والقناص فريق من الحين اقولكم

دحروج · 03-05-2005, 01:00 PM

الله يجزيك خير يا بو فهد
واصل يا الطيب
إن كان العشاء بالضبط نفس الصوره
فأنا وياك, دعوتك مجابه يا فارس بني كبد

لكم تحياتي....

بوفهد · 03-05-2005, 02:31 PM

يالله عاد شد حيلك يا دحروج وتعال يوم الخميس

تحياتي

قناص · 03-05-2005, 02:42 PM

زهب المايو يالأربش . .
وأفا عليك باون من الحين . . بس بدون تأشير يا جماعه . .

شاكر للجميع . . ونتمنى انها تكون طلعة حلوه وفريده من نوعها . .