الي سبق ودرب كاسكو يطلع على ايده يدش

[Elham]

اخوي كاسكو ربي يعطيك الف عافية

وبجرب هالطريقة اني اردد كلمة ...

ابو محمد ..

او شغلة انا بنت موب ريال .. = )

بالنسبة للاسئة ..

انا بصراحة ابيه يطلع اكثر من اني ابيه يسولف << حلوة يسولف خخ

وحده من رفيجاتي عندها مثله ويطلع على ايدها ماشاء الله

بس كلش مايتكلم .. ربي يحفظه لها ..

نرد حق الاسئلة ..

عمره ماعرفه .. وله وياي حوالي سنة ونص ..

بس ابصراحة عمري مافكرت ادربه لني كلش موب فاضية

وبعد اول ماشريته كان حده خواف يعني حتى ماكنت اقدر ايلس يمه ..

وماعنده اي كلمة بس تصفيرات عنده وكلش مايبي يلف الانتباه

حتى لدرجه انه مايصفر الا اذا كان ابروحه او لمن يكون المكان هادي

يعني لمن يحس انه ماكو احد يمه

ولمن اصفر له او اردد له كلمة كله يناظرني ومبين عليه انه خايف

شلون مرتفع اهوا ابقفص كبير عاد بكيفه يطلع فوق وينزل تحت

ومشكور مقدما

[ابو محمــد]

الطير عشان يطلع يحتاج اولا الثقه والاطمئنان قبل كل شيء

والغريب انه له سنه وينكم عنه من اللي يهتم بالاكل والشرب اكيد مو انتي

والا كان الطير من زمان والف معك عموما الطير انا متأكد انه يحتاج تغير المكان

والاهتمام والرعاية وشغل الخدم ما ينفع مع الطيور وحاولي ترددي اسمه كل

ما مريتي عليه لان اسم الطائر ضروري حتى يعرف انه هو المقصود ولما تغير الماء

رددي له كلمه ماي ماي ماي حتى يربط بين الماء والكلمة وتأكدي راح يتكلم لان الاسطوره

ما عليه خوف ولو في صوره للببغاء عشان ادرس حالته <<< دكتور نفساني

طلوع اليد يحتاج تدريب مثل طريقة صديقي العزيز سكر بالبانيو لانها اسهل طريقة

بالتوفيق لك اختي

[Elham]

ايه صج موب انا لي اوكله ..

شفت موضوع "سكر " ربي يعطيه العافية .. بس ماقدر اجربه ابصراحة

وهم ماقدر اقص اجنحته كلش لحد يقولي قصيها ..

بس بجرب اربطله بين الاشياء والكلمات ..

ذي صورته ..

مــــــــــــــــــــاشاء الله .. تبـــــــــــــارك الله



مشكور بومحمد .. ربي يعطيك العافية

[ابو محمــد]

ما شاء الله تبارك الله ..... الله يحفظة

والله شكله يبي له احد يفك الشفره وانا نظرتي في الطيور ما تخيب

حجم ولون ووقفه اذا للبيع انا شراي <<< الله يعطيك خيره ويحميه ربي من العين

بالتوفيق.

[بوسه سببت هوسه]

انا عندي ببغاء الرمادي كان يخاف مني ودايما يكون متوتر
كنت اجلس عنده واكلمه كانه اخويا الصغير ويمكن جلست عندة مدة 15 دقيقيه
وكنت اسويها يوميا اللحين ماسار يخاف مني وصار مولع فيني لدرجه انه يبغاني احك راسه
سوي هذي الطريقه او

ارفعيه لمكان عالي شوي عن الارض
حتى لو كان القفص كبير
حطي تحته كرسي صغير مربع وراح انزلك الصورة ان شاء الله
وهذي هيا الصور

و

وهذي صورت ببغائي ((صلوا عالنبي ) ماشاء الله تبارك الله اللهم احفضه من كل عين

بس احذري انه يطير لانه كم مرة لقيت ببغاء في الدريشه
ولاتهميليه ونظفي قفصه
وابحثي في قسم الببغاوات عن الببغاء الافريقي وطرق تدريبه ...ألخ. من صفحه1 الى 16 ويكون في مواضيع ان شاء الله تفيدك المعلومه
مع تحياتي لالك
مع تحياتي

[بوسه سببت هوسه]

وادخلي هاذا الموضوع
http://www.2zoo.com/vb/showthread.php?t=45945

[ابوفزاع]

الطير عندك من سنه ونص ؟؟؟ ومايطلع على اليد ولا يتكلم ؟؟

طيب يعضك اذا مديتي يدك ؟؟؟

المفروض عارفك بعد المده الطويله ومستحيل يعضك وحتى لو رافض يطلع اليد ماراح يعضك لانه عارفك


يابنت الحلال نزليه الارض وارفعي القفص عنه

ولايكون جنبه شي يطلع عليه ونزليله يدك وشوفي يطلع او لا

لان سنه ونص عندك اتوقع واثق فيك بإذن الله وبيطلع

[Elham]

ابو محمـــــــــد

تسلــــــــــم ربي يعطيك العافية

بوسه سببت هوسه

ربي يعطيج العافية .. وماشاء الله على طيرج

ربي يحفظه لج .. بس قفص كبير وايد ماينفع احط تحته كرسي



عموما مشكورة عالرابط .. بشوفه

ابوفزاع

مايعض .. كله يهرب مني مادري ليه

عموما مشكور وبجرب انزله

[khaloOoD]

اذا تبي الكاسكو يتعود عليج لا زم تقصي جناحه واذا على الكلام اعطيه فلفل احمر وحطيه داخل القفص وغطيه لازم ما يشوفج وكلميه ساعه اوساعتين

[كوكو الشمالي]

حلوة طريقت الفلفل انشالله بجربها

لاكن انا عندي الببغاء ريش الجناح الايمن حقه طايح وش اسويله

لاكن مايطلع علا ايدي يطلع علا كتفي وكل ما اقرب له ينزل راسه لي علشان احكه له وماشالله يتكلم ويصفر وما يقول غير الكلمات السهله مثل .كوكو .ماما.بابا

ياشباب ممكن حل