رد: اهلى مش موفقين على القطة
محلولة ان شاء الله هي كانت نفس مشكلتي
أولاً نصيحة لو هتاخد Kitten من صاحبك اصبر لحد الفطام بيتم في عمر شهرين
بالنسبة للأسرة والدتك حاملة هم البيت ونظافته فالمطلوب تتعهد انك تتولى تنظيف الليتر بوكس والقطة يومياً
ولازم تأكدلها انك هتقدر تشيل المسؤولية دي وتعمل اللي عليك عشان ميبقاش في اي شكوى من القطة بعد كده
اتكلم معاها اذكرلها أحاديث سيدنا النبي عليه الصلاة والسلام وفهمها ان تربية القطط ورحمتها سنة عن الرسول والصحابة
وان القطط حيوان طاهر ولن ينجس شيء ومينفعش نسيب هذه السنة المطهرة ونمشي ورا كلام غلط × غلط
اتناقش معاها وفهمها ان تربية القطط فيها ثواب كبير من ربنا سبحانه وتعالى وتعهد لها انك هتتفوق في دراستك لو وافقت
وشوف ايه سبب اعتراضها على تربية القطط وحاول تتكلم معاها بهدوء وبالعقل والمعرفة اقنعها ان مخاوفها مش صح
ونصيحة مني بلاش حاجتين العصبية والزن والإلحاح لأنهم بيجيبوا نتيجة عكسية
|