اشترك في نشرتنا البريدية ليصلك كل جديد

~~ام فيصل~~ · 22-02-2011, 09:14 PM

والله شكرا من الاعماق

وعذرا للاطالة بس الاكسجين كيف ماعرفت هو جهاز لحاله وهل له قوة معينه اشتريه

والله اني خجلانه على كثرة الاسئلة ولكن عذرا لجهلي.

Dr Khaled · 22-02-2011, 09:20 PM

أختي فلتر اسود طويل له صمام أو إنبوب أوكسجين يركب به و هنا يزود الحوض بالأوكسجين و نظام الفلتر

~~ام فيصل~~ · 22-02-2011, 09:23 PM

شكرا الله يجزاك الجنة

abu7rb · 23-02-2011, 01:28 PM

كويس لو لقيتي هذا كله في سوق الحمام!!
سوق الحمام صدق رخيص لكن لا تتوقعين الكثير!!
والجرش 3 كيلو كافي جدا جدا لإنه راح يقلل مستوى الماء عندي وإنتي تحتاجين الجرش لتغطية الأرضيه فقط كديكور طبيعي
والخشب على مقاس حوضك اصغر وحده بالسوق خذيها وراح تحصلينها ب 30 ريال أصغر شي بس ماأعتقد تحصليها في سوق الحمام!!! الشغل هذا راح يكون بالشمال كالعاده طريق الملك عبدالعزيز هو أرخص شي بالشمال أما طريق التخصصي ضو

والفلتر يهمك تعرفين عدد اللترات حقتك وتضربينها في عشره!!
والدفايه لكل لتر بحوضك تحتاجين واط!! عندك 22 واط ومافيه أقل من 50 واط!! وشكلك ماراح تحصلين 50 واط وبتآخذين 100 واط وراح يكون مستوى التبخر للمياه عالي يعني تعبئة شبه يوميه غير نظام التغيير

والإناره الطول عندك 60!!
دوري لمبة 40 تلزق في القزازه الفوقيه وإذا مالقيتي 40 مالك ألا 60 طبعا ويكون اللون أبيض أكيد الواطات أقل شي تحصلينه خذيه بالسوق حبه وحده

( لاتنسين أي شي تشوفين شكله كيوت بالسوق وينباع بمحل الأسماك ممكن يضر الأسماك لإنه صناعي إبعدي عنه ) إحرصي تخلين كل شي طبيعي عشان الشكل يكون أحلى وبسيط والسمك مايموت لأسباب غريبه.

حظ وافر يا أم فيصل !!

~~ام فيصل~~ · 23-02-2011, 03:35 PM

مشكور يااخوي بس ماادري حسيت على كلامك المهمة صعبة ان شاء الله ابصور الي اجيبه لكم

والي مالاقيه في سوق الحمام بجيبة من واحة الحيوان قريب مننا بس فيه محل يقولون حلو اسمه حياة قرش

ماادري وينه؟؟ وبعدين فكرة لو واحد من الاخوان بتبرع يسوي موضوع عن المحلات في الرياض حق مستلزمات

الاسماك والثاني يسوي عن جدة واخر عن الدمام بيكون مميز لاني بحثت في قوقل ومالقيت الا اني اسالكم

وكان عندكم الرد الله يجزاكم خير الجزاء.

abu7rb · 23-02-2011, 06:21 PM

بالنسبه لموقع حياة القرش في طريق التخصصي تحصلينه ومافيه شي صعب ولا مستحيل ولا راح تتعبين!!

وبالنسبه للفلتر إذا تبين نصيحتي خذي لك فلتر أبو إسفنجه اللي يشتغل على مكينة الهواء
حوضك صغير!! وراح يكون الفلتر بالغالب شكله مزعج والفلتر اللي قلت لك يوفر أكسجين أول شي وينظف الحوض ويحتفظ بالبكتيريا فيه ورخيص!!