اشترك في نشرتنا البريدية ليصلك كل جديد

~~طلحة أبو الجود~~ · 08-01-2011, 10:19 PM

هلا ومسهلا

وموضوع جميل

خاصة لما يكون فيه شيلك وحطك << مشفرة

عزيزي محمد

الصورة حلوة وملفته للنظر انا معك وهذا اللي ميزها انها غريبه شوي

على قولتك مساء ولا صباح

وانا حسب ما دققت بالصورة

انت اكيد وواضح انك بالتأثير غيرت لون السماء السماوي إلى الاسود

اوكي

طيب فيه على اليسار تحت كله سماوي ومافي ولا سحابة (قبل التأثير)

معناها راح يصير كله اسوود (بعد التأثير)

اكيد وضحتلك الصورة

يعني اللي مقلل من جمالية الصورة السواد اللي تحت

وبما انك يا ابو حميد من عشاق اللاند سكيب

بعطيك معلومة مهمة جدا جدا في الاند سكيب

لما تاخذ صورة للطبيعة خلك متيقن تمام اليقين أن الصورة هذي مقسمة إلى ثلاثة أقسام أو أجزاء

القسم الاول من الاسفل راح يكون الأرض ومن هالقبيل

القسم او الجزء الثاني راح يكون الجزء الممتد البعييييييييييييد << نسيت شسمه لكن اتوقع الأفق

القسم او الجزء الثالث اللي فوق اكيد راح يكون السماء وماادري وش يسمونه او مصطلحه بالتصوير

يعني مثلا لو بتاخذ صورة للبحر

الجزء الاول يكون الشاطئ (شوي من تراب الشاطئ والشاطئ نفسه)

الجزء الثاني يكون البحر وطبعا لازم يكون بنص الصورة وبتلاحظ في خط فاصل بين البحر والسماء (من هنا يبدأ الجزء الثالث

الجزء الثالث يكون السماء

طبعا كل جزء راح ياخذ ثلث من الصورة

ولما تطلع هالاجزاء كلها راح تكون صورة مريحة ومتوازنة

عشان كذا انا صراحة ما احب الصور السماء لحالها (نشافي)

تحس في شي ناقص

وتقبل مروري وتعليقي

وان شاء الله اكون قدرت افيدك وافيد الجميع