سؤال وجواب (في تدريب وترويض الببغاوات والعناية بها)

[no0La]

المشاركة الأصلية كتبت بواسطة yousif ahmed

السلام عليكم ورحمة الله وبركاته

أنه عضو جديد في الموقع والصراحة أنه حبيت المنتدى ,أخوكم يوسف من البحرين ان شاء الله نستفيد ونفيدكم في المستقبل

ألحين أبي همة خبراء طيور الأمازون
أنه شريت طير أمازون وماأعرف شنو نوعه لأنه يبدل ريش حاليا اشوف ريش اصفر يطلع له فوق خشمه وحجم الطير ماشاء الله جامبو إلي بغيت أعرفه
هل في فترة تبديل الريش يكون الطير ساكت؟
وكم مدة تبديل الريش مع العلم إنه صار له معاي مدة أسبوع ؟
وشنو لازم اسوي للطير في هاي الفترة ؟
وهل إنه ممكن إنه يتكلم أو لا؟
للأسف ماعندي صور للطير في المستقبل بخلي صور طيوري كلها أن شاء الله
حاليا في صورة من الانترنت مثل الطير الي عندي

أرجو منكم التفاعل في خدمتي حسب خبراتكم شباب

و الحمد لله رب العالمين

وعليكم السلآم

هلا بك اخوي

اول شي لازم نشوف صوره واضحه للطير
علشان نحدد النوع

ج1 ..فترة تبديل الريش فتره خمول وكسل عند الطير
مزاجه وحركته كلها تتغير وممكن يسكت طول فتره التبديل
واحتمال ماتسمع منه الا تصفير في بعض الاوقات ..
لاتخاف كلها فتره وتعدي ..

ج2 .. فترة التبديل من اسبوعين الى شهر وممكن لشهر ونص تقريباً ..

ج3 .. المطلوب في هـ الفتره العنايه بالطائر وتنوع الاكل وتخفيف الحبوب
الكالسيوم والفيتامينات في الفواكه والخضروات وممكن تضع الفيتامينات في مشربيه الماء
والاهتمام بنظافه المشربيه وتغير الماء باستمرار ونظافة القفص بشكل كامل
" الصبـــــــــــــــار " علاج فعال جدا في تسريع عملية التبديل كما يوقف نزع الريش
ويساعد على وقف الحكه ..
حاول بعد تلهيه بالالعاب ..

موفق اخوي

[no0La]

المشاركة الأصلية كتبت بواسطة طير الهوى

،،

الأسلئة كالتالي :

1/ أحس لون الريش بشكل عام بااااهت .. أنا أروش الطير بماء كل ظهر بالبخاخ .. وأحط بالماء نقطة زيت زيتون طبيعي علشان تعطي لمعة بسيطة للريش .. لكنه يعتبر حل مؤقت .. فما هي نصيحتكم للمحافظة على لون الريش وبهاءه علما ً بأني أروش الطير يوميا كل ظهر .. وأنوع له الأكل من خضار وفواكه وحبوب ..

2/ أطراف الريش للذيل وآخر الجنحان محيووس ومتفرق عن بعضه .. ما أفضل طريقة لإرجاعه لوضعه الطبيعي؟

3/ قبل شوي الطير مسك وحده من ريش جنحانه (الكبار) و المقصوصة بشكل خاطئ ومقزز .. ونتفها من أصلها نتف كامل صحيح .. طبعا فرحت لهالشي .. لكن هل من الطبيعي ان الطير ينتف ريشه بروحه ؟

شاكر لكم ومقدر

،،

هلا بك اخوي

ج1 .. استخدم زيت الزيتون وصولا للجلد 5 الى 10 دقائق وحمم الطير
وممكن بعد زيت شجرة الشاي له فوائد كثيره وراح يعدل شكل الريش بإذن الله
وطبعا الصبار من الجلد لاطراف الريش بيحسن من شكل الريش
ويصحح الريشه من جذورها ..

ج2 .. مع استخدام الزيوت بيتعدل كل الريش المفرق واذا الاطراف مبهذله
اطراف الريش تقدر تعدله وتقصه بطريقه حلوه علشان تعطي شكل جمالي ..

ج3 .. هل تشوف الطير دايم ينتف ريشه بطريقه ملحوظه ؟ او اول مره ؟
لانه طبيعي الطير ينتف ريشه لحاله وغيره حط له العاب يلتهي فيها علشان
ماتصير عاده وينتف بريشه ..

موفق اخوي

[no0La]

المشاركة الأصلية كتبت بواسطة عاشق ببغاء1

المشكله اللي تواجهني حاليا

عدم الطلوع على اليد ومحاولة الهروب لو حطيته على يدي
والريشه اللي لقيته ياكلها

اتمنى افادتي
واعتذر للاطاله وكثرة الاسئله
ولا يحرمنا منكم انشاء الله

هلا بك اخوي عاشق

ولو اخوي حنا بالخدمه ,,

# الطيره له عندك 9 ايام فقط يعني توه جديد
لاتستعجل عليه وخليه يتعرف عليك اكثر المفروض ياخذ
شهر علشان يتعرف على صاحبه وخليه يراقبك وهو قريب منك

# بالنسبه للالعاب يخاف منها لانه بطبعه حذر وهو الان بحركاته
يتعرف عليها ومع الوقت راح يتعود على وجودها واكيد راح يكسرها
ويحاول يتغلب عليها وهكذا ..

# نتف الريشه قد يكون لسببين ..
الاول .. الريشه ضعيفه لان الغالب اي طير اذا حك بمنقاره مايطلع الا
الريش الزايد والصغير كـ نظافه له ..
الثاني .. يبي يلعب ويتحرك ويكون برا القفص وبكذا يلفت انتباهك

# طلوعه ع اليد فيه اكثر من طريقه وانت لك حرية الاختيار
بالرابط فيه طريقة الاخ سكر الله يجزاه خير

http://www.2zoo.com/vb/showthread.php?t=118919


أإهم شي اخوي الصبر والتكرار

موفق اخوي

[طير الهوى]

،،

المشاركة الأصلية كتبت بواسطة no0La

هلا بك اخوي

ج1 .. استخدم زيت الزيتون وصولا للجلد 5 الى 10 دقائق وحمم الطير
وممكن بعد زيت شجرة الشاي له فوائد كثيره وراح يعدل شكل الريش بإذن الله
وطبعا الصبار من الجلد لاطراف الريش بيحسن من شكل الريش
ويصحح الريشه من جذورها ..

ج2 .. مع استخدام الزيوت بيتعدل كل الريش المفرق واذا الاطراف مبهذله
اطراف الريش تقدر تعدله وتقصه بطريقه حلوه علشان تعطي شكل جمالي ..

ج3 .. هل تشوف الطير دايم ينتف ريشه بطريقه ملحوظه ؟ او اول مره ؟
لانه طبيعي الطير ينتف ريشه لحاله وغيره حط له العاب يلتهي فيها علشان
ماتصير عاده وينتف بريشه ..

موفق اخوي

بالنسبة للألعاب .. ألعابه ماليه القفص .. وكل فترة اروح للنجار وأفصّل له ألعاب من تفكيري وابتكاري .. والحمدلله نفسيته حلوه ومبسوط كل الوقت .. وما أتوقع انه يوم نتف الريشه نتفها من حالة نفسية والا شي .. وانا أول مره اشوفه ينتف ريشه كامله كبيره .. بس بشوف هل طبيعي ان الببغاء ينتف الريش اللي ما يشوفه مناسب ؟؟ والحمدلله طلع شي طبيعي ^.^

بستفسر عن الزيوت اللي تقولين .. وتقولين من 5 إلى عشر دقايق .. هل قصدك أرش الطير بالزيت ؟ وهل الزيت مخفف بماء أو كيف طريقته بالضبط ؟ وهل من 5 إلى 10 دقايق معناته اني أفرك جسمه فرك بالزيت ؟

لأن الطيور ما تحب الزيت وتكره ريحته بالأساس .. وفيه طيور تكره ان أحد يلمسها .. كيف عاد زيت وفرك مره وحده؟

شاكر لك ومقدر

،،

[M F O]

السلام عليكم ورحمة الله وبركاته

هل وضع الكاسكو جنب التلفزيون سيؤدى إلى ضرر ما ؟

وشكرا لكم مقدما يالغاليين

[الصقر122]

السلام عليكم

ارجو افادتي عن الطريقة (اليومية)للتغذية الصحيحه


طبعا انا قرأت كثير من المواضيع في المنتدى عن التغذيه للبغاء
وعرفت ماهى الاطعمة المناسبة والصحيه

ولكن ............

البعض يقول انه يجب تقديم وجبتين فقط من الحبوب للبغاء في اليوم حتى لو كان صحنه فارغ
وكلام اخر عن هذا الموضوع من بعض الاصدقاء .


+++ انا شخصيا اقدم لببغائي الحبوب المشكلة بشكل مستمر (يعني اول ما اشوف الصحن
فاضي) اعطيه غيره على طول .... والكمية اللي اعطيه كل ما شفت الصحن فارغ هى تقريبا
بمقدار كف اليد ممتلئه ...

+++ إضافة الى اني اعطيه كل يوم بعض الفواكه والخضروات " يوميا" بكميات قليله جدا ، مثلا:
ورقه او رقتين جرجير مع قطعه صغيره برتقال او قطعه صغيره خس مع قطعه صغيره تفاح
وهكذا يوميا ( طبعا الفواكه والخضار + الحبوب اللي ما اقطعها عنه ابدا )

والطير والحمد لله صحته جيده ولا يعاني من اي امراض ولله الحمد

فهل هذه الطريقة صحيحة ام خطاء ؟!!!!!!!!!!!!

ارجو افااااااااادتي جزاكم الله خير

[عاشق طيور 17]

سلام عليكم ورحمه
كيف الحال
انا عندي مشكله مع بغبغاء الدرة الهندي اني يوم اطلعه من قفص ابا اخلي فوق ايدي مع القفاص يطير ما يوقف ويسير مكان بعيد عني ممكن تخبروني كيف اخلي ما يخاف مني ادخيلكم ^_^

[د. إحتـراف]

المشاركة الأصلية كتبت بواسطة M F O

السلام عليكم ورحمة الله وبركاته

هل وضع الكاسكو جنب التلفزيون سيؤدى إلى ضرر ما ؟

وشكرا لكم مقدما يالغاليين

لا ان شاءالله مافي ضرر

بس انت تبي تحطه جنب التلفزيون لـ أي غرض ؟

هل تقصد ان تعلمه الكلام , فأنت خاطئ الطير ماراح يتكلم ابدا بهذه الطريقه

لكن وقت النوم لازم انك تحط الطير في مكان هادي جدا مافيه نور

[no0La]

المشاركة الأصلية كتبت بواسطة طير الهوى

،،

بستفسر عن الزيوت اللي تقولين .. وتقولين من 5 إلى عشر دقايق .. هل قصدك أرش الطير بالزيت ؟ وهل الزيت مخفف بماء أو كيف طريقته بالضبط ؟ وهل من 5 إلى 10 دقايق معناته اني أفرك جسمه فرك بالزيت ؟

لأن الطيور ما تحب الزيت وتكره ريحته بالأساس .. وفيه طيور تكره ان أحد يلمسها .. كيف عاد زيت وفرك مره وحده؟

شاكر لك ومقدر

،،

هلا بك اخوي طير الهوى

اقصد اكيد فرك الجلد ولو تكون مسحات سريعه
الامازوني عندي لاحظت عليه نفس حالة طيرك
وجربت اروشه كل يوم بس نفس الشي ينتف الريش
ومايختار الا الريشه الحلوه ^_^

الطيور ماتحب الزيوت صح بس اجباري نحط لهم
والحلو انهم مايحبون الزيت علشان ماتشوفه ينتف الريش
وبنفس الوقت مفيد لهم ..

انا جربت زيت الزيتون الاصلي فرك بسيط في اماكن متفرقه
من جسم الطير وخليته 5 دقايق طبعا اذا غسلته بالماء
تبقى اثار الزيت خليته يوم واليوم الثاني غسلته بشامبو الاطفال
لان مافيه اي مواد كيميائيه مضره

وزيت شجره الشاي والصبار اعرف ناس من واقع تجربه جربوه

زين بقولك طريقه اذا الطير مايحب احد يلمسه
في علبه بخاخ بلاستك تجي صغيره مره بس بخ
حط مثلا فيها زيت شجرة الشاي وبخ في اماكن متفرقه وصولا للجلد

موفق اخوي

[انا المجروح]

السلام عليكم انا خذت فرخين دره
بعمر من 10 ايام لين 20 يوم
لاكن اول مره يصير معى هالشي
اعطيهم سريلاك خاص بالفروخ
ولاكن الفرخ الاصغر اعطيه
الاكل في المساء و اجيه الصبح
حوصلته مليانه من اليل لين الصبح
اما الفرخ الاكبر بقليل فتكون الحوصله
فاضيه و له شهيه على الاكل غير عن الصغير
و بعدين نجي للسعر خذت الاثنين ب 50 درهم
شو رايكم بعد معركه دامت حوالي العشر دقايق