الحمد لله لك يارب اني شاركت في المنتدى بس ابي منكم مساعدة ((ممكن)) ؟؟؟

[الجااارح]

المشاركة الأصلية كتبت بواسطة هاوي الرمادي

السلام عليكم ورحمة الله وبركاته...
انا والله اشكر ربي على اني سجلت في هذا المنتدى الغالي علي والف شكر يارب ...
اخوانيانا عندي حاجة بسيطة وسخيفة بس ودي اشارك اول علشان اعرف
وعلشان اسولف معكم.... انا يا اخوتي اريد شراء ببغاء رمادي بس محتار اشتري اليف على طول ولا اشتري واحد مب اليف انا اللي اولفة وش رايكم بما انكم جربتوا وانا اكون صريح معكم لو شريت واحد اليف راح يحب كل الناس وانا بدون ما اكون اناني ودي انه يحبني اكثر من غيري هذي الصراحة تنقال انا صارحتكم لانكم غالين عندي والله العظيم ارتاح اذا شفت ببغاء يحبني اكثر من غيري .. انا ابيه يحب غيري بس الصراحة فيني غيرة بتقولون عقلي صغير صح انا عقلي صغير بس ابي ساعة صدر مع الببغاء
ابيه يحسسني انه يحبني يقوه علشان كذا اقول في نفسي لة شريت واحد مب اليف وانا الفته يكون يحبني اكثر من غيري صح ولالا ... وش رايكم بكلامي
وحطوا في بالكم زي ما انا صريح انتم بعد صارحوني اوكيه تراي صريح بقوه وتراي ما زعل من الصراحة ويعطيك الف الف الف عافية واشكر اللي المنتدى اللي كله ساعة هو واللي فيه من اعضاء

أخوي الغالي / هاوي الرمادي

وعليكم السلام ورحمة الله وبركاته ,,,,


أولاً : خليني أرحب فيك يالغالي

هلا بك نورت المنتدى بوجودك يالغالي وحياك الله بيننا عضو شرف حل علينا جميع حياك بين أخوانك وأخواتك الأعزاء وبإسمي وبإسمهم جميع أرحب فيك وقول الله يحييك بيننا يالغالي ...



ثانياً : لا سخافة ولا شيء ..

إنت عضو جديد علينا وحاب تعرف شيء وسميته سخافة أجل أنا بعد سخيف لأني جيت ما أعرف شيء وكنت اطلب من الأخوان مساعدة بالعكس يا أخوي الكريم هاوي الرمادي هذا واجب علينا وشرف لنا أنا نفيد أي شخص يالغالي وشرف كبير أنا نفيدك ونخليك تخرج بفايده في الأخير ..

بالنسبة للببغاء :

الكل منا يحب أن يملك طير يعشقه كما عشق طيره وهذه فطرة لدى المربين ...

ولكن خلني أقول لك شيء هل إنت عندك الخبرة والدراية الكافية لتربية الببغاء وتعليمه الكلمات وأن يكون والف ولديك متسع من الوقت لتدريبه يالغالي ؟؟؟؟؟

إذا كان الجواب : نعم فخذ لك طير والف نسبياً ودربه وعلمه زي ما تبغى يعني " يكون أول شخص رباه هو إنت " ومع الوقت راح يحب سماع صوتك ..

أما إذا كان الجواب لا : فأنصحك بشراء طير والف ومتكلم حتى ولو كان اغلى في السعر بس لأجله يرخص له الغالي ... ومع الوقت راح تلاقي الطير حقك بدأ بالتأقلم معاك شوي شوي حتى تصير حبيبه المفضل ولا يحب سواك ....

بس هذه نصيحه لك :

الصبر وطولت البال أهم شيء لازم يتحلى فيه المربي وأضف على ذلك حاول تشتري ببغاء يكون صغير في سنه مو مرة ولا كثير يعني يكون عمره ما بين 6-9 شهور سواء والف ولا لا ....

عموما يالغالي لا تحرمنا من الفرحة إذا شريت طير خلنا نبارك لك فيه ونفرح به معاك



آمل من الله إني قدرت أفيدك يالغالي ولو بشيء بسيط

وأنتظر رد باقي الأخوان اللي هم أكثر دراية وخبره مني

تقبل تحيات محبك في الله / الجااارح