رد: فقاسه من صنعي هل تنفع ام لا
السلام عليكم ورحمة الله وبركاته
طبعا للي يبي يعرف كيف صنعت الفقاسه
الحمدلله الفقاسه تمام التمام تقريبا فقستلي 10 صيصان
واهي تكفي 80 الى90 بيضه
طبعا ادواتها
كرتون اخذته من محل سباكه
لمبه 60 واط
مروحتين من محل صيانه تلفزيون
طبق لوضع البيضه انا اخذته من فقاسه اوتوماتيكيه اختربت من عندي واخذتها المهم
شبك لوضع تحت الماء وفوقه طبق البيض
سفره للاكل معروفه طبعا
مقياس حراره من البيطري
القاعده للمبه تلقاها عند السباكه قوله يسويلك كل شي في القاعده
جلد يكون شفاف تلقاه بمحل سيارات طبعا تاخذه بلاش هذه للفتحه عشان تطل عليه
بسم الله نبدا
اول شي وضعت السفره اخر الكرتون تحت لكي اذا وقع الماء مايتأثر الكرتون ويتشقق ويخترب
المهم فوق السفره وضعت صحن بلاستيك لوضع الماء
وفوق الصحن وضعت شبك وفوق الشبك وضعت طبق البيض
وأعلى الكرتون نضع القاعده والمبه
ونضع حبل اعلى الكرتون ويكون في الوصط لتثبيت المروحه وحده تكون فوق متلاصقه مع الحبل والاخرى تكون نازله تحت جنب البيض
ونفتح فتحه في الكرتون ونلصق الشفاف بالكرتون
وضع مقياس الحراره في اي مكان وانشاء الله تفقس البيض
والله خايف اكون في شي ناسيه
وعلى فكره انا ماوضعت صور لانه يبغيلي افك الفقاسه واصور واركبها من جديد راح تكون سالفه
وهذه الموضوع فيه صور انشاء الله توضح لكم
وطبعا نسبة التفقيس 70% والله فقاسه رائع وماتكلف فقط 100 ريال وهذه وجهي اذا مو اقل
واي سؤال انا حاااضر
|