بســـــــــــم الله الرحمـــــــــن الرحيـــــــــم
الســـــــــــــلام عليكم ورحمة الله وبركــــــــاته
الــــــــــدرس الثــــــــــالث
عمل شريط الـLoading بطريقتين
النتيجة النهائية بعد تنفيذ الدرس بالطريجة الاولى ..
النتيجة النهائية بعد تنفيد الدرس بالطريجة الثانية ..
في هالموضوع بشرح الطريجة الاولى وفي الدرس
الياي بشرح الطريجة الثانية ..
خطوات الطريجة الاولى
من قائمة ابـــدء --> Photoshop CS4 ..
نختــــــــار .. new<------- File بالعربي ملف -----> يديد
هني نختار الـ width ( العرض ), و الـ Height ( الارتفاع )
انا هني اخترت العرض 400 و الارتفاع 200
هذي اهي مساحة العمل ظهرت لنا بالمقاسات لي اخترناها
هني على اليمين مثل مانتم شايفين الادوات ..
نختار الاداة المحددة بالصورة ..الي اهي مال الاشكال التلقائية ..
احين لمن ضغظنا عليه شوفوا شنو طلع لنا فوق
مثل مانتم شايفين انا شنو محددة ..
المستطيل الاول لي عـ اليسار .. نختار منه الشكل الي عـ اليسار
والمستطيل الوسطي .. نختار واحد من الاشكال لي جدامكم ..
طبعا على حسب انتم شلون تبون الشريط ..
والمستطيل الاخير الي عـ اليمين نضغط على السهم الصغير .. والصورة لي بعدها بتوضح قصدي
لمن نضغط على السهم بتنسدل لنا قائمة بنختار منها الشكل لي انا محددته ..
وفايدة هالشكل لي انا اخترته انه بيخلي المستطيل لي ارسمه عبارة عن حدود فقط ..
ومن الداخل موب معبئ يعني فارغ ..
هذه مساحة العمل لي نشتغل عليها وفيها الشكل لي رسمناه من شوي
في شغلة مهمة حيل : احين بعد مانرسم الشكل التلقائي ..
طبعا رح يظهر في طبقة منفصلة .. ومجرد انه نشيل السهم من على الطبقة لي فيها الشكل
ونحدد طبقة غيرها رح يختفي الشكل
فعشان جذيه شنو رح نسوي عشان نحل ذي المشكلة ..
نروح عند الطبقة الي فيها الشكل لي رسمناه ( الي اهوا المستطيل ) ..
حتى لو اختفى موب مشكلة ..
والصورة موضحة اننا محددين الطبقة .
احين بنضغط على الطبقة نفسها دبل كليك .. رح تطلع لنا هالنافذة ..
رحح نحط صح عند الخيار لي انا محددته وبنضغط عليه ..
احين عقب ماضغطنا عليه فتحت لنا النافذة فيها خصائص ..
ممكن احين نغير اللون والحجم ..
انزين لون شنو وحجم شنو ..
حنا اتفقنا قبل انه الشكل لي بنرسمه فارغ من الداخل يعني بس حدوده اهي الي مبينه
بنختار هني لون حدوده .. وبنختار حجم الحدود نبيها عريضة لو رفيعة الخ ..
هني ممكن نضغط على هالخيار اذا نبي حدوده ملونة باكثر من لون
يعني بس بهالحالة اذا نبيها باكثر من لون .. اما اذا نبيها لون واحد مايحتاج نضغط ..
احين عقب ماضغطنا طلع لنا هالشكل .. مثل ما الصورة موضحة بنضغط على الشكل ..
وبنختار الالوان لي نبيها ..
انا خليته بلون واحد يعني ماحتجت ذي الخطوة ..
انا اخترت لونه اسود وحجمه 1
احين بعد مانخلص من ذي الخطوة في شغلة مهمة رح تتغير ..
لي اهي اننا لو حددنا طبقة غير الطبقة لي فيها المستطيل مارح يختفي..
موب مثل قبل لا ننفذ ذي الخطوة كان مجرد نحدد طبقة ثانية غير طبقة المستطيل
يختفي المستطيل ..
احين بنرد نختار الشكل الي شايفينه ..
احين لمن ضغظنا عليه شوفوا شنو طلع لنا فوق
المستطيلات لي بالاحمر الي انا محددتهم ..
المستطيل الاول لي عـ اليسار .. نختار منه الشكل الي عـ اليسار
والمستطيل الوسطي .. نختار الشكل الثاني من اليسار..
والمستطيل الاخير احين اقولكم شنو نختار منه
نختار مثل ما انا موضحة بالصورة .. لاننا احين نبي الشكل يكون معبى من الداخل مو مثل
اول كنا نبيه فارغ ..
احين انا رسمت ذا الشكل داخل المستطيل مثل مالصورة موضحة ..
احين نحدد الطبقة لي موجود فيها ذا الشكل الضغير الي تو راسمته داخل المستطيل ..
هني نسوي مضاعفة للطبقة .. نضاعف الطبقة 5 مرات ..
يعني بيصير عندنا مثل الشكل الاحمر 6 مرات ..
بعدين بنحركهم وبنخليهم يم بعض ..
يعني لمن نضاعف الطبقة للمرة الاولى ,, بتصير عندنا طبقة يديدة بنروح عندها
وبنحرك الشكل وبنخليه يم الشكل الاساسي الي عندنا وباجي الطبقات نفس الطريجة بنضاعف
وبنحرك الشكل وبنخليه يمهم .. لين مايصير عندنا من الشكل الاحمر 6 ومرتبين يم بعض ..
في شغلة احب انبه عليها انه لازم نحدد الطبقة بعدين نحرك الشكل
لانه ماكو شي بيتحرك الا اذا حددنا الطبقة الي اهوا فيها .
هني بنحدد الطبقات بالضغط على CTRL + بنضغط علىى الطبقات بالترتيب ..
ولاحظو الطبقة الي فيها المستطيل الكبير ماحددناها وياهم ..
بس الطبقات لي فيهم المستطيلات الحمر الصغار ..
+ مهم جدا انه تكون الطبقة لي فيها المستطيل الكبير فوق كل الطبقات مثل مالصورة موضحة ..
اذا كانت تحت حددوها وحركوها خلوها تصير فوق كل الطبقات الثانية
احين بنضغط وبنختار مثل مالصورة موضحة .. هالخيار بيسوي لنا دمج للطبقات لي حددناها
هني توضح انه الطبقات لي حددناها كلها صارلها دمج بطبقة وحدة
احين بنضغط دبل كليك على الطبقة نفسها وبنختار Gradient overlay ونحط
يمها صح و نضغط عليها
عقب ماتطلع الخصائص بنختار الالوان الي نبيها ..
طبعا ذي الوان الاشكال الحمراء الصغيرة لي دمجنا طبقاتهم ويا بعض ..
انا هني اخترت احمر وابيض ..
نروح لقائمة Animation <--- Windows
هني بنضغط على الشكل لي جدامكم لي اهوا اضافة فريم
هالصورة توضح انه في الفريم الاول نخلي الي بالشكل لي بالاحمر بالبداية
وبالفريم الثاني نخليه بالنهاية طبعا بنحركه بعد مانحدد الطبقة
لي اهوا فيها
هني بنختار الشكل الموضوح بالصورة الي اهوا زر التوين ..
وخبرتكم قبل عنه وفايدته انه يضيف فريمات بالنص بين الفريمين الي عندنا
وهني هالنافذة ظهرت عقب ماخترنا زر التوين
انا اخترت 10 فريمات
هني يوضح الفريمات عقب ماضغطنا اوك
هني اذا تبون تكتبون اي شي .. كتبوه +
ارسمو شكلين تلقائين وعبوهم باللون الابيض وحطوهم على نهاية وبداية الشريط يعني
بعد حدود الشريط مباشرة .. ومهمة هالخطوة عشان مايظهر شي خارج المستطيل الكبير
هني تحددون وقت التنقل بين الفريمات ولي متى تبونه يتنقل ..
طبعا هالخطوة وضحتها بالتفصيل بالدروس السابقة عشان جذيه مارح افصلها
وهني تحفظون الصورة من ..save for web and devices <-- File
تـــــــــــــم بحـــــــــــمدالله
المـــــــــوضــــــــوع من مجهـــــــودي الشخصي ..و اي ســـــــــــؤال انا حاضـــــــرة
فـــــــلا تنسوني من صالح دعــــائكم .
اختـــــكم في الله : الهـــــــــام