البيض الناتج من علف الدواجن البياضه

[الولد الكويس]

السلام عليكم

كل عام وانتم بخير وشهركم مبارك

اخواني انا اشتريت 6 دجاجات تقريبا عمرهم 3 أشهر قال لي صاحب المحل هذه يسمونها بشاير
ويقول انها تبيض ولكن قلت له طيب عمرها ماوصل 5 أشهر قال ايوه بس تبيض ومو لازم 5 أشهر

انا صراحه ماشفتها بيضت لي الان من اشتريتها اسبوع

لكن احس اني مو ندمان على شراءها لانه حتى لو مابيضت حاليا بتبيض قريب وبتكون في اول موسم بيضها افضل من اني اشتري دجاجه كبيره ولا اعرف عمرها بالتحديد وممكن تبيض شهر شهرين بعدين توقف واعتقد انكم توافقونني في هذه النقطه

هذه الست دجاجات اشتريت معهم ديك واحد

وعندي من قبل في العش 5 دجاجات كبار وديكم

والله لايوريكم انواع المعارك والمطاردات اول مانزلتهم وخفت ان الديك الاول يقضي ويقتل الديك الثاني

لذلك حبست الديك الأول في حبس انفرادي والي اليوم وهو محبوس والديك الجديد مع الخمس دجاجات السابقه والست الجديده

الي أعرفه انه كل 8 دجاجات تقريبا ديك وودي افك الديك المحبوس لكن اول ما افكه تبدأ المعارك مع الديك الثاني والديك الاول هو من يبدا بالمشاكل هل ممكن انهم يصيرون اصحاب, وماتفسير انه نشوف في سوق الدجاج وفي نفس الحضيره صغيره ممكن 10 ديوك مع الدجاج ولاتتهاوش؟؟؟!!!

نقطه ثانيه بسأل عنها وهي لب الموضوع

يوجد في السوق طعام وعلف كأنه مطحون ويقولون انه للدجاج البياض اي يساعدها انها تبيض حتى لو مافي ديك
وفعلا اعطيته لدجاجي قبل فتره وزادت كمية البيض بشكل ملحووظ
لكن صاحب المحل الي اشتريت منه قال لي البيض المنتج بهذه الطريقه لايفيد مثل فائدة البيض الملقح الطبيعي وانه مثل اطفال الانابيب
( انا أجمع البيض يوميا للاكل وليس للتفقيس)
هل فعلا جودة وفائدة البيض الملقح اكثر من البيض الناتج عن العلف؟؟
وهل هذا العلف ضار بالدواجن وبالبيض وبلحوم الدواجن أيضا؟؟

أعذروني على الاطاله ارجوووكم واتمنى تفيدوني ولكم جزيل الشكر اعزائي

[! هاويه الطيور !]

عليكم السلام

اهلا ..

بصراحه انت سالت وانا جاوبتك بموضوعك الاول عدم شراء ديك جديد لانك راح تتعب وغير المشاكل

المشكله مو في الديوك حتى الدجاجات لما تضيف دجاجه جديده الدجاج كله يستنكرها ويضربها

بعضها تتاقلم معاهم بعد ايام لكن يكون ضرب بينهم في الاكل وبعضها تموت


..

اخواني انا اشتريت 6 دجاجات تقريبا عمرهم 3 أشهر قال لي صاحب المحل هذه يسمونها بشاير
ويقول انها تبيض ولكن قلت له طيب عمرها ماوصل 5 أشهر قال ايوه بس تبيض ومو لازم 5 أشهر

مع إحترامي للاخ الي باعلك صعب جداً 3 شهور ولا مرآ سمعت فيها وخصوصا اعرف ربيت الدجاج

لكن مو الانواع الاخرى المعروفه الدجاجه تتاخر في وضع البيض وقت بلوغها لان الديك يبلغ قبل الدجاجه

وعمر 3 شهور عباره " صوص " وحجمها صغير ؟ كيف تبيض ؟

اعتقد " وإن بعض الظن إثم " انه غشك وشافك مالك خبره بالدجاج وقالك تبيض .. :")

افضل من اني اشتري دجاجه كبيره ولا اعرف عمرها بالتحديد وممكن تبيض شهر شهرين بعدين توقف واعتقد انكم توافقونني في هذه النقطه

:") .. ماشاء الله صح كلامك كنت اسوي هالنقطه هذي لانه الكثير يغش بلدجاج وخصوصا اعمارها

ممكن اكثر من سنتين ويقل انتاجها


..

لذلك حبست الديك الأول في حبس انفرادي والي اليوم وهو محبوس والديك الجديد مع الخمس دجاجات السابقه والست الجديده

إإممم انا حاسه انك مستعجل كثير بالتربية الدجاج حاول تمشي اول الخطوات وتعرف عن الدجاج اكثر

وكثره الدجاج تسبب امراض ويبيلها اماكن مخصص للدجاجه الحاضنه والدجاجه مع صيصانها أفضل

وقلت لك شراء ديوك غير متوالفه شجار لاينتهي لازم واحد منهم يموت او يهظم حقه ويكون خايف

ويخسر من وزنه ومن جمال الوان ريشه وعليها اثم ترك الطيور والحيوانات تتصارع ..


"يفضل بيع الديك الي تشوفه مستواه وجماله أفضل لانه بالطريقه هذي راح تخسر واحد فيهم "

او الحل الاخر والي رديت عليك بموضوعك الاول

" في ديوك بنفس القفص يكونون عارفين بعض ولايصير مشاكل بينهم "

شوف الانسب لك .. :") ..

نشوف في سوق الدجاج وفي نفس الحضيره صغيره ممكن 10 ديوك مع الدجاج ولاتتهاوش؟؟؟!!!

لانه من طلع من البيضه واهم مع بعض فـ شي طبيعي مراح يصير عراك قوي بينهم مجرد ضربات خفيفه


وعلى فكره الديوك لما قرات عنها بالكتب سبحان الله ممكن ابن الديك ياخذ مكان الاب

خصوصا ممكن لما الاب لما يشوف الديك ابنه الصغير يكبر يحاول يبعده عن الدجاج لكن لايضره

لكن اذا كبر واصبح ديك ويكون اقوى راح تصير مشاكل بينهم حتى ياخذ االمكان له

والبعض عادي جداً ببينهم يتاقلمون مع بعض دون مشاكل :") ..

..


أما بخصوص سؤالك الاخير

اهو ذره المطحون مفيد للدجاج والبط والاوز لانه يسمن واعتبرها وجبه دسمه لهم

خصوصا نلاحظ بسرعه المعده انترست بس تسبب لهم العطش بكثره ولازم الماي قريب منهم

واهو مفيد للتسمين وللبيض

والدجاجه تبيض اصلا بدون ديك لكن لو وجد الديك يكون البيض بعضه ملقح ..


لانه بالاصل الذره المطحون يستخدمونه للدواجن اللحم بسرعه تكبر وتبيض ونلاحظ لحمها يختلف عن

الدجاج الطبيعي


وبالتوفيق لك بالتربية :") ..

[الولد الكويس]

ألف شكر لك اختي هاوية الطيور الله يوفقك

والله ماقصرتي

وانا غلطان والله ماسمعت كلامك بخصوص الديوك ولكن بعالج الوضع باذن الله

بالنسبه للدجاج أبشرك كله تأقلم مع بعضه
لكن بحاول ان شاء الله اصور لك الدجاج الجديد وانزل صوره
لانه مو صيصان طالع لها عرف وذيل وكل شي وعرفها احمر
بس ان مبين صغر عمرها بس وهذا احسن شي على شان اتأكد تماما انها بأول موسم بيض لها

لكن ماقلتي لي البيض الي يكون جاي من العلف حق البياض اقل جوده من البيض الي جاي ملقح؟

وألللللللللللللللللف شكر لك وكل عام وانتي بخير وجميع اعضاء المنتدى الرائع