سؤال بخصوص عظمة الصدر البارزه ...للكاسكو

[محتاج لها]

السلام عليكم


انا عندي فرخ تقريبا عمره 4 شهور شريته قبل 8 ايام بس المشكله من اول ماشريته وهو عنده
بروز بعظمه الصدر يقولون لها ( التسييف) حسب ماعتقد

طبعا مو شديد بالمره اول ماشريته كان واضح 100% الحين تقريبا اذا قلبت الطير ع ظهره اشوفه زين واذا كان واقف طبيعي باين بس مو شديد وينك ياللي تدقق .. هههههههههههه

سالت قالوا هذا فرخ ويمكن تغذيته كانت ضعيفه في البدايه لكن خلك ع قولت اخوانا المصريه
امسك الطير ومشروع تزغيط مرررره لا تقصر عليه بالاكل ونوع .. وبالفعل

اعطيه ذره _ شابوره بايشه بالماء _ فصفص _ فول سوداني قليل جدا _ اكل الاطفال اللى بالصيدليه عباره عن تفاح بس في علب سايل مثل السيريلاك حق اربعه شهور اصغر عمر

(( والشي المهم ماشاءالله الطير ياكل وبشراهه وبعدين ياكل اي شي وبصرااحه ما حصل اني اعطيه فاكهه ..؟))

والطير بصحه ممتازه ماشاءالله مايجلس في محل وينقز وفضلاته في البدايه كانت طبيعيه ومع تنوع الاكل صار سائل << قالوا هذا شي طبيعي مع التنوع بالاكل يصير

ومره لقيت فضلاته عباره عن ماء ومافيها غير نقطه خضراء بس والباقي مثل الماء بالضبط

وش الحل

هل هذا دود ؟؟؟؟؟؟؟ ولا هذا شي طبيعي يحتاج له وقت مع تنويع الاكل عشان يمتن ؟؟؟

وهل هناك دواء اشتريه يسهل عليه العمليه هاذي وينفخ الطير ؟؟؟ مع ذكر الاسم


واعتذر عن الاطاله بس حبيت احطكم بالصوره