القط ببيلهث وبينهج اغلب الوقت
يا جماعة عندى قط ذكر كبير 8 سنين
المشكلة من اسبوع كدة ظهرت بلاحظ انو كتير جدا فاتح بقو وبينهج وبيلهث زى الكلب كدة بالظبط مع العلم انو بياكل كويس زى الاكل الطبيعى وبيشرب ميا عادى
وبلاحظ انو على طول وهو قاعد بيغير مكانو كل شوية على السيراميك ++ ان فى خمول وغالبا بيفضل فاتح بقو بعد مياكل او بعد مينضف نفسو
بالنسبة لموضوع الخمول دة اعتقد انو بسبب السن بالنسبة لموضوع انو بيلهث هل دة بسبب الجو الحار خصوصا الايام دى مع انو مش بعرضهم للحرارة خالص وبنشغل التكيف شوية ونقفلة وهكذا على مدار اليوم
مع العلم ان القطط التانية وهى اصغر منو بسنتين تقريبا معندهاش الموضوع دة فهل دة طبيعى ولا لاء ؟
وشكرا جزيلا لكم
|