مشكلتي مع البلوفرنتد

[يعسوبة]

الـωـَّلاρ عـليگρ ..

الموضوع باختصار عندي امازوني بلوفرنتد ربيته وهو بعمر 8 شهور
وحاليا عمره سنة اليف تقريبا والحمدلله نجحت في تدريبه على الكلام
عيبه العناد والمزاجية ولا يطلع ع اليد ابدا
كان مايحب المجثم والاستاند ونجحت في تدريبه للوقف عليه ولله الحمد
بعدما طرحت هالمشكلة في موضوع سابق لي عن هالشيء و قرأت ردود الاعضاء
وافادة اخوي رمزي تحسن وصار يعشق المجثم والاستاند ىبشكل جنوني من بعد كرهه له يعني تجاوزت مرحلة
من مراحل تدريبه

حاليا وبعد ماشفت موضوع للتدريب في هالقسم عن طريقة طلوع اليد وغيره من مواضيع المحترفين بدأت اطبق ما رأيته وتعلمته معاه وصار يطلع ع العصا اذا قربته لصدره بعد جهود مضنية من برى القفص فقط
وحسب مزاجه ساعات يطلع ساعات لا << اذا صار طفشان ويبغى يغير جو بس طلع ع العصا
ساعتها اخذ فيه فرة بالبيت عشان يتعود ويعرف انه الطلوع ع اليد شي مايخوف
واذا حاولت اطلعه على يدي يعض يدي بس عضة غير مؤلمة ويطير عنها
لكنه ابدا لايطلع على اليد كل شيء تقريبا نجحت فيه وفي تعليمه له الا حكاية طلوع اليد
هل اقص جناحه علما انه كان مقصوص بس هو نتف المقصوص خلال اشهر بسيطة
عشان يطلع بداله <<ذكي

وكمان الطير مايحب المسه ابد خمس شهور احاول المسه بكل الطرق جربت حتى يأست
ابدااااااا مايرضى المسه
يا يعض عضة غير مؤلمة بس عشان يظهر تذمره ويبعد يدي بشتى الوسائل
عضته مثل ماقلت ماتوجع لكن تعبر عن انزعاجه وعدم رغبته باللمس
او يرفع رجله ويبعد يدي برجله ويلوي عنقه ويعض بشويش عشان ابعدهااا

الطير اقدر اقول انه اليف ويحب اهل البيت ويستانس اذا شافنا ويبدا يسولف ويتحرك ويرقص ساعات
ويحفظ بعض الكلمات اللي نقولها
ويبدي تحفظه تجاه اي شخص غريب عنه يعني اي ضيف يجي يمكن يعضه ولايتقبله بسهولة


فيه امل ولا افقده ؟!