أتمنى المساعدة في التعرف على طيوري

[جومانة]

بسم الله الرحمن الرحيم

قبل شهر تقريبا او شهرين اشتريت زوج عصافير بس ماجاتني الفرصة أسأل عن اسمهم واشتريت لهم عش صغير من القش يناموا فيه وقفص شوية كبير عشان ياخدوا راحتهم بس ما اعرف عنهم ولا شي , لا اسمهم ولا اكلهم ولا معلومات عن تزاوجهم ..
اشتريت لهم كم نوع من أكل الطيور بس ما اكلوا غير واحد اظن اسمه حب , صغير مرة زي السمسم , و اشتريت لهم خيوط التكاثر كمان , قبل كم يوم حطوا خيوط كتير في بيتهم بس دحين رجعوا يخرجوه تاني واشوفهم يحاولوا يفصلوا الخيوط عن بعض ويفرقوها كانهم يبوا الخيوط الصغيرة بس , لكنهم بيفصلوها ويرموها كانهم بيفضوا العش من اللي فيه ,, مرة احترت معاهم ومو عارفة ايش اسوي
لو تقدروا تساعدوني في دا كله بكون ممتنة لكم ولو ماقدرتوا عالاقل اعطوني اسمهم وانا ببحث عن حلول ,,
أتمنى المساعدة لأنه لو ماعرفت لهم يمكن أطيّرهم وأنا مابى دا الشي يصير


هدي صور لهم مو متاكدة انه الروابط بتشتغل لاني ما اعرف لها

http://up.arab-x.com/May12/uRI39653.jpg

http://up.arab-x.com/May12/EpV39849.jpg

http://up.arab-x.com/May12/qiY39886.jpg

http://up.arab-x.com/May12/BFT39948.jpg

وهدي أصواتهم , سجلت لهم أكتر من مقطع عشان أساعدكم تتعرفوا عليهم

http://limelinx.com/dsyso

http://limelinx.com/eztz8

http://limelinx.com/fk9l0


لو ما اشتغل شي أنا حاطة صورتهم في الملف الشخصي

وشكراً مقدماً للجميع