انعديت من قطتك وجاك منها فطريات تعالو شوفوا العلاج السريع مجرب شخصيا

[doshy]

السلام عليكم حبايبي

اليوم جايبه لكم شي جمييل اكتشفته بنفسي بعد معاناة مع فطريات قطتي اللي انعديت منها فجاه طلعت لي حبه في يدي كنت اتوقع انها نامس وصار شكلها غريب حوايفها احمر ومن جوا لونها زي الاصفر المهم بعد البحث عرفت انها فطريات
المهم جربت لمدة اسبوعين البيتادين وكريم لاميزيل ولاحسيت بأي نتيجه وكل شوي الحبه تكبر

((زمان اخوي جته زي الحساسيه بيده حبه شكلها غريب قالت ماما سمعت بالنير يقتل هذي الحبوب وجربناه على اخوي وصار هالشي صحيح راحت الحبه ومانتشرت في جسمه ))

قلت انا ليه ما اجرب يمكن تنفع معي
ورحت اشتريت كريم نير زي هذا

حطيته المره الاولى خليته مدة 10 دقايق صدق راح تحسين انه يقرصك شوي بس عادي لاتخافين
بعد يومين حطيته مره ثانيه نفس الشي وحسيت بفرق
وبعد يومين ثانيات حطيته ومرررره حسيت بفرق شااااسع وبعدها بأيام تغير لونها وبدا يرجع لون جلدي الطبيعي وصارت تختفي بشكل تدريجي ولله الحمد
انا حبيت افيدكم لني اول ما انعديت من قطوتي مررره خفت انو ينتشر بجسمي ويطول العلاج وهذا اسرع علاج مضمون بإذن الله من تجربتي الشخصيه
اي اسأله عن هذا الموضوع اكتبوا لي وانا راح افيدكم بكل التفاصيل
كانت عندي صور لمراحل علاج الفطريات اللي طلعت فيني بس للاسف انحذفت من جوالي

ادعوا لي ان الله يحقق كل امنياتي وربي يبعد عنكم كل شر