هل ببغائك يحب الآخرين أكثر منك •• موضوع للنقاش

[قاهر الايام]

يشرفني اني ارد على موضوعك اخوي سكر

وراح اقول لكم تجاربي

طبعا صار عندي اكثر من طير بس اغلبهم ما طولو معاي الا اثنين فراح اذكر لكم واقف هالطيرين

اولا اشتريت طير افريقي غير ممحجل وكان يجعر ويخاف من الاشخاص الغريبه فقط ومع صاحبه كان هادئ وانا شفت هالشي بعيوني يكون هادئ مجرد انه يشوفني يجعر وكان تبرير صاحبه لخوفه كما ذكر لان احد الاطفال قام بنتف ذيل الطير مما سبب له خوف وفعلا اول ما اخذته كان بدون ذيل

المهم الطير بقى عندي تقريبا اكثر من سنه ونص وانا اللي اقوم بكل اموره من تنضيف وتبديل ماي واكل وانا الوحيد اللي كنت اشيله واطلعه لكنه كان ناكر للجميل كان ما يحبني وطول هالفتره كان يخاف مني ولا ادري ليش على عكس مع البيت يكون كلش عادي خصوصا مع اختي الكبيره مع انها ما تسوي له شي وصار لي موقف مره لدرجة اني حسيت بالقهر

جيناه انا واختي واخذت حبة فول سوداني وكان يعشقه بجنون عطيته اياها رماها وما اخذها مني اخذتها اختي عطته اياها اكلها عادي مع اني كنت مهتم فيه ولا اصرخ عليه ولا ارعبه في اي شي مع الايام الطير تكلم عادي يتكلم قدام كل افراد البيت الا انا اذا يكون يتكلم وادخل يسكت وقدام البيت عادي ما كأنه احد موجود

الين مليت منه واخذت فرخ هولندي مع الابقاء عليه

وكان الهولندي ماشاء الله عليه يحبني بشكل مو طبيعي لدرجة انه اي واحد ياخده يطير ويجيني ما كان يقبل يروح لاي احد حتى لو راح يطير ويرجع لي مع انه اليف مع اهل البيت عادي

ولاحظة غيرت الافريقي من الهولندي وحاولت استغلها لتقريبه مني لكن ما فاد لكني استغليتها في تعليمه الكلام لان اي كلمه اقولها للهولندي الافريقي يقولها قبله هههه

الين حفظ له مجموعه من الكلمات وبعته

هذا موقف الافريقي

نجي للهولندي

الهولندي مثل ما ذكرت يحبني بجنون وكان اليف مع الكل

لكن مع الايام وبسبب حركة الاطفال الكثيره والمفاج
أه بعض الاحيان اصبح يكره الاطفال لدرجة انه اذا يشوف طفل غريب او طفل يشاغبه كثيرا بع الاحيان يلجأ للجعير رغم انه ما يجعر في الوضع الطبيعي

ومثل ما ذكر الاخ انستازيا اليف مع كل افراد البيت لكنه يخاف من الغرباء ما يهاجمهم لكنه يخاف من الغرباء لكنه سرعان ما يتعود ويصير طبيعي يعني في البدايه بس يخاف ويكون حذر اذا يشوف انه الوضع امن وما شكل خطر عليه يكون طبيعي وحتى عادي يروح للغريب لكن بحذر في البدايه

اسف على الاطاله