سباحة الأمازون
السلام عليكم
قبل فتره حطيت موضوع بسبب الأورانج وينج أمازون و طبقت طريقة سكر في الترويض
أني أحطه في حوض الإستحمام وأجلس معاه فواجهت مشكله ماتوقعتها انه سدادة الحوض تهرب موية
فما قدرت اكمل معاه فرجعته القفص ورحت أشتريت سدادة للمره القادمة
لكنه من بعدها الببغاء صار مزكم وهوا من قبلها كان مزكم على خفيف بس من بعد السباحه زاد شويه
وحطيت له ثوم مع ليمون في الماء
وأصبح خايف مني أكثر من السابق
طبعا جبت سداده جديده عشان أطبق التجربه بشكل مناسب
فحبيت أسأل هل وضعه في الماء حاليا مضر له أم لا
أو ما أعاود التجربة مره ثانيه
بالإضافه إنه الببغاء واحده من فتحات أنفه مسدوده من زمان فكيف أقوم بإزالتها ؟
طبعا هوا خواااااااف وعنيد جدا جدا بس مع التفاح ياكل من يدي بس بخوف
للعلم هوا عندي من 4 شهور وبلييييد والصراحه تعبت معاه
كل يوم أجلس معاه من قبل الإستحمام يجي بس بتردد ومافي تقدم
ويخااف من أصابع يدي يعني إذا حطيت تفاح في كف يدي يصرخ اذا خرب و يحاول يبعد من أصابع يدي
طبعا ما قد عضني المس منقارة ما يعض حطيت عسل في اصبعي و مربى توت وما يعض
مع العلم إني دربت طيور كثير بس زي هذا ما قد عانيت
وآسف على الإطالة
|