حققت النهاردة تقدم مع عصفورى :)
النهاردة حققت تقدم فظيع فى الترويض مع البادجى بتاعى بقالى تلت ايام اخدة اوضتى لوحدى علشان اعلمه انه يطمن لى ويطلع على كتفى دى كانت اهم حاجة بالنسبة لى
طبعا فى اول يوم طار منى خمس مرات والحقه وتعب وتعبنى معاه بس وقف على كتفى مرة واحدة
اليوم التانى طار منى مرتين بس ووقف على متفى مدة اطول
النهاردة بقى ماطرش غير علشان مرة كان خاف لانى عنت بتمشى بيه فى الاوضة وشاف حاحة خوفته ماجرتش وراه حطيت ايدى بس لاقيته جه عليها
ولاقيته من غير اكل ولا حاجة نط على علشان يقف على كتفى فجاى ينط اتزحلق فطار باردوا حطيت ايدى له وقف علها وهو طاير
ووقف على كتفى ومارضيش ينزل ومش فاكرة ازاى بجد نزلته وكمان حسي على خدى بمنقارة لما قربت وشى منه
كان عسل اوى بجد
لما احقق تطور اكبر واتأكد من الخطوات بأذن الله هانزلها فا موضوع علشان اتأكد من المعلومات كلها
بس انا على فكرة روضته باللب بتاع دوار الشمس
حجة من اعجب الحاجات اللى شوفتها فيه
__________________
بونشو بنت ^______^
|