الحقوني قبل ما تموت .. بسرعة الجميع يدخل

[الدلع]

السلام عليكم حبايبي اعضاء المنتدى
بستي عمرها 3 شهور عادة ما تاكل غير الدجاج والدراي والتونة وتشرب موية وحليب
وملاحظة انها من فترة شهيتها للأكل قلت وصارت نحيفة والآن ترفض الأكل بشكل تام وتشرب شوي موية واذا موجود حليب تشرب شوي علما بأني عطيتها التطعيمة الاولى من اسبوع وقلت للبيطري ان اكلها قليل فحاول يعطيها فيتامين تحت الجلد فما قدر فقط اعطاها ربع الابرة لأنه كان يحرق ويألمها فتتحرك كثير ونزل دم واعطاني فيتامين نقط وشريت لها الفيتامين العصار فكلت منه فتره وبعدين ما بغته
قدمت لها الدجاج والسمك والتونة والجبن ورفضتهم وحتى الفيتامين الي كانت تحبه و الدراي فود كلهم تشمهم وتروح ما تاكل والله شكلها يوجع القلب وهي تناظرني وتماوي وتتمسح فيني وانا ما اقدر اسوي لها شي غير تقديم الاكل لها ولا ادري وش تبغى وما اتمالك نفسي وابكي ولما ما تلقى مني تجاوب تروح مباشرة تنوم أو تلعب في اي شي او مع البسة الثانية بس مو مثل نشاط اول
انا لمست اذنيها قلت يمكن مريضة بس لقيتها باردة لا حارة ولا دافية وبطنها يطلع منه صوت مثل صوت بطوننا لما نكون جايعين بس للأسف ما تبي تاكل
امس الظهر قدمت لها الدراي وكلت بس قليل بالمرة ولا اكلت بعدها الى الآن بس شربت شوي موية ونامت وقامت قبل شوي وقدمت لها الاكل وشمته وراحت عنه ورجعت ترقد ولا اتوقع تاكل بعد ما تقوم من النوم
انا افكر اعطيها الأكل بالسرنقة غصب فايش رايكم
ووش نوع الاكل الي اعطيه لها بالسرنقة
انا ما ادري اذا عندها امساك او لا ...... طيب لو كان عندها امساك هل فيه ضرر لما أغصبها على الاكل وهي ما تبغى
والله اني اكتب لكم الآن ودمعتي على خدي مدري وش اسوي عشان تاكل اخاف تموت
بسرعة ابغى الجميع يدخل وعلى رأسكم المشرفين
مشكورين جميعا الله لا يحرمنا فزعاتكم