خلطة سحرية للقضاء على البراغيث مع زيادة نعومة و كثافة شعر القطة

[taroaa567]

عانيت كثيرا مع البراغيث اللعينة التى اصابت قطى الحبيب (vito)
- وجربت كل شىء للقضاء عليها دون جدوى
لم اجد غير حقن الريفوليوشن الشهيرة و مفعولها كا لسحر بس المشكلة انى ما ينفعش احمى القط بتاعى بعد ما احطها عليه غير بعد شهر - و طبعا انا بحس ان القط بيحتاج يستحم خلال هذه الفترة مش من الراغيث و لكن كانوع من ضمان نظافة القط من اى عوالق او مخلفات ناتجة عن الفضلات و اى شىء اخر - و ايضا من حيث شكل و جمال القط و خاصة اذا كان لونه فاتح زى القط بتاعى
كنت بحميه حوالى 3 مرات بالشهر لأنى دايما بشيله و احضنه و ابوسه فلازم اثق انه نضيف جدا
بس المشكله ان كثرة الحموم بيضعف و يوئع شعر القطط
و اخيرا و جدت حل وسط يغنى عن الريفوليوشن و خاصا ان سعره غالى و فى نفس الوقت اتجنب سقوط و ضعف شعر القط
و هى تركيبة شامبو رائعة تتكون من حاجات موجودة فى البيت وهى:
نضع على 1 لتر من الشامبو المستخدم (لا يشترط شامبو للقطط) مقدار 25 ملى من زيت جوز الهند الطبيعى + 2 معلقة كبيرة خل تفاح او خل عادى بس يكون طبيعى (يعنى مش خلطة خل)
+ 2 فص ثوم مقطع جزئين (او مقدار ملعقة صغيرة من زيت الثوم بدلا من الثوم)

فوائد التركيب :
1-جوز الهند -مغزى جدا لشعر القط و يطريه و يحافظ عليه من الجفاف الناتج عن كثرة الحموم
2-الخل -يعمل على قتل الفطريات و ينضف الجلد من اى قشور
3-الثوم - و هو اهم عنصر فى التركيبة لأن له تأثير السحر على البراغيث اللعينة كما يعمل كمنشط لفروة شعر القط و يساعد على انبات شعر جديد و زيادة الكثافة

الطريقة:
يتم و ضع الشامبو على شعر القط بعد التأكد من ان الماء الدافىء و صل لأعمق طبقات شعر القط جيدا
لأن القطط شعرها بيقبل الماء بصعومة
يدلك الشامبو جيدا و يترك على القط حوالى 5 دقائق مع التمشيط بمشط واسع الاسنان
ثم يشطف بماء دافى جيدا

اذا كان شعر قطك طويل و كثيف كما هو الحال عند قطى (vito) فأنا بستخدم بلسم بعد الشامبو علشان يمنع تشابك و تكتل الشعر و برضه هنضيف 25 ملى زيت جوز هند على لتر البلسم
و كمان البلسم مع جوز الهند فى الشطفة الاخيرة بيضيع ريحة التوم تماما

ملحوظة :
يفضل استخدام شامبو و بلسم منفصلين (يعنى بلاش الشامبوهات 2 فى واحد)
انا بستخدم لفيتو شامبو و بلسم جونسون و ممكن اى نوع غيره حتى و لو رخيص لأن الاضافات
ألى بنضيفها هى ألى بتمد الشامبو بالعناصر المغذية

و ديه صورة فيتو القمر علشان تشوفوا شعره اد ايه جميل بس نؤل مشاء الله