مشاكلي مع الجرو مبتخلصش

[The Vix]

السلام عليكم و رحمة الله و بركاته

عندي جرو عمره 3 شهور مغلبني و مطلع عيني و خلاص حاسة ان في حاجة غلط فيه
هو معايا من و هو عنده 20 يوم و اهتميت به كويس و و بديله تطعيماته في مواعيدها
الغريبة انه بيسمع كلام اخواتي و بيستجيب ليهم بسرعة رغم ان انا اللي بعمله كل حاجة من أكل و شرب و تنضيف و لعب كمان و انا اللي بعلمه ... فعايزة أعرف ده عادي ! انا بقول لنفسي ان ممكن يكون السبب ان اانا بقضي معاه اكتر وقت ممكن فبيروح لاخواتي لما بيشوفهم ..
و في مشكلة جامدة قابلتني معاه انهه لما بييجي ياكل لو لمسته بيزوم و بيقفش و بيبقى مش عايزني جمبه خالص لدرجة انه من يومين فتحلي إيدي جامد لان سنانه حامية جدا جدا .. رغم انه مش بياكل غير لما اقوله .. و طبعا ضربته و شيلت الأكل لمدة 3 ساعات و بعدين حطيته له العصر و مأكلش تاني غير تاني يوم المغرب وكان محبوس طبعا .. عايزة طريقة يبطل العادة دي .. انا عندي كلب جيرمن عمره سنتين و نص عمره ما فكر يقفش علينا و هو بياكل
و عايزة طريقة يبطل العض ضروري عشان كل عضة بخربوش فكده أوفر يعني ده غير انه قطعلي بيجامتين لغايت ناو ... و بيهوهو عليا بحس انه بيتخانق معايا و مش بيسكت خالص
و كمان طريقة سهلة لتعليمه الطاعة لانه عنيد جدا و فظيع و أنا تعبت منه و انه يبطل يشمشم و ياكل م الأرض هو مبياكلش من طبقه غير باذني لكن ممكن ياكل اي حاجة و هو ماشي
غير بقى مشكلة الحمام هو الحمد لله مش بيعمل ع السجاد خالص و بطل العادة دي بس بيعمل في اي مكان سيراميك مش دايما بيعمل في مكان الحمام ... حاولت معاه في ورق الجرايد بيقطعه و مش بيسيبه ربع ساعة على بعضها .. و حوار انه يعمل حمام بره البيت ده هيبقى فاشل اووي لانه بيعمل في أي وقت رغم اني بثبتله ميعاد الأكل ... فبليز عايزة حلول مسعفة

انا بحاول مضربوش و لما بيغلط بحبسه و بزعقله بس مافيش فايدة معاه

[The Vix]

هو المفروض انه بلجيكي بس أخويا بيقول انه هجين


[IMG][/IMG]
[IMG][/IMG]

[Octopus]

كلبك هجين بين الجيرمن شبيرد و كلب اخر و لو تحطي صور ل اهل جروك اذا ممكن

[اياد زعير]

انا مش هعرف اقولك دة هجين ولا لا الا لما يعدى سن 5شهور
الكلب عنيد
خلى شخصيتك قوية معاه
وفنفس الوقت خليكى حنينة معاه ولاعبيه
ومشكلة الحمام انه لو عمل فى اى اى حتة تشيلى البراز وتحطيه فى الحتة اللى انتى عايزاه يعمل فيها وتحبسيه لغاية مايعمل
والعض دة لانه فى فترة التسنين هاتيلو لعبة مطاطية خلى يعض فيها
ودة موضوع لتدريب الكلب على الطاعة
http://www.liali.net/vb/showthread.php?t=69306

[موحا&عاشور]

المشاركة الأصلية كتبت بواسطة The Vix

السلام عليكم و رحمة الله و بركاته

عندي جرو عمره 3 شهور مغلبني و مطلع عيني و خلاص حاسة ان في حاجة غلط فيه
هو معايا من و هو عنده 20 يوم و اهتميت به كويس و و بديله تطعيماته في مواعيدها
الغريبة انه بيسمع كلام اخواتي و بيستجيب ليهم بسرعة رغم ان انا اللي بعمله كل حاجة من أكل و شرب و تنضيف و لعب كمان و انا اللي بعلمه ... فعايزة أعرف ده عادي ! انا بقول لنفسي ان ممكن يكون السبب ان اانا بقضي معاه اكتر وقت ممكن فبيروح لاخواتي لما بيشوفهم ..

ببساطه اخواتك بيلعبوا معاه كتير وبعدين دى مرتبطه بالشخصيه لازم الكلب له مالك واحد مش كل دول ههههههههه انتى ال اتكليه بس انتى ال تلعبى معاه بس فقططططططط محدش يجى جنبه ولا يلمسه حتى لو اخواتك !


و في مشكلة جامدة قابلتني معاه انهه لما بييجي ياكل لو لمسته بيزوم و بيقفش و بيبقى مش عايزني جمبه خالص لدرجة انه من يومين فتحلي إيدي جامد لان سنانه حامية جدا جدا .. رغم انه مش بياكل غير لما اقوله .. و طبعا ضربته و شيلت الأكل لمدة 3 ساعات و بعدين حطيته له العصر و مأكلش تاني غير تاني يوم المغرب وكان محبوس طبعا .. عايزة طريقة يبطل العادة دي .. انا عندي كلب جيرمن عمره سنتين و نص عمره ما فكر يقفش علينا و هو بياكل

لالالالا الضرب غلط ف السن ده نهائى ؟ ! واضح ان اصلا الكلب شخصيته اعلى منك ده مرفوض لازم تتعاملى بثقه اكتر وتلعبى معاه كتير ومحدش يشوفه ولا يلاعبه غيرك حتى عمر 6 شهور ولا حاجه !

و عايزة طريقة يبطل العض ضروري عشان كل عضة بخربوش فكده أوفر يعني ده غير انه قطعلي بيجامتين لغايت ناو ... و بيهوهو عليا بحس انه بيتخانق معايا و مش بيسكت خالص
و كمان طريقة سهلة لتعليمه الطاعة لانه عنيد جدا و فظيع و أنا تعبت منه و انه يبطل يشمشم و ياكل م الأرض هو مبياكلش من طبقه غير باذني لكن ممكن ياكل اي حاجة و هو ماشي

انتى مش عيزاه يعض ليه هو كلب ولا قطه ههههههههههه سبيه يعضض بيسنن لسه صغير بس هاتيله لعب كتير جنبه وخرجيله طاقته الزياده دى باللعب الكتير هاتيله كورة تنس حلوه وناشفه هتقوى فكه وسنانه ولاعبيه بيها كتير علشان يتعلق بيها . ومتنسيش طبعا حتة فرطه كده جنبه


غير بقى مشكلة الحمام هو الحمد لله مش بيعمل ع السجاد خالص و بطل العادة دي بس بيعمل في اي مكان سيراميك مش دايما بيعمل في مكان الحمام ... حاولت معاه في ورق الجرايد بيقطعه و مش بيسيبه ربع ساعة على بعضها .. و حوار انه يعمل حمام بره البيت ده هيبقى فاشل اووي لانه بيعمل في أي وقت رغم اني بثبتله ميعاد الأكل ... فبليز عايزة حلول مسعفة

لسه شويه على الحمام اهم حاجه هو مش هيعمل جنب اكله طبيعى اصبرى ع الحمام حبه شويه !

انا بحاول مضربوش و لما بيغلط بحبسه و بزعقله بس مافيش فايدة معاه

ولا ضرب ولا حبس غللللللللللللطططططططططططططططططططط لسه صغير جدا ع الكلام ده ممكن زعيق وبقوه وحزم لو مجابش نتيجه ضربه خفيفه وزعيق مع نبرة قوة انا شايف انه كل الحكايه يتعلق بيكى اكتر

الحبس والكلام ده اكيد موجود بس ف حالات نادره جدا اعملى ال قولتلك عليه لو مجابش نتيجه نشوف الطرق الاخرى بس لازم نجرب ده الاول ومتنسيش يتعلق بيكى انتى وبسسسسس ومحدش يلاعبه

من رأيى انه كويس مش هجين
ولو هجين معتقدتش فيه نسب بلدى ؟ !
وشكله هيبان اكتر لاما يكبر

[The Vix]

المشاركة الأصلية كتبت بواسطة Octopus

كلبك هجين بين الجيرمن شبيرد و كلب اخر و لو تحطي صور ل اهل جروك اذا ممكن

بص هو حوار معقد .. المفروض ان الجيرمن اللي عندي اتجوز كلبة بلجيكي عند ناس أخويا الصغير يعرفهم
و بعد كده قالولنا ان الكلبة كانت متجوزة قبلها بيوم فالكلاب دي مش ولاد الجيرمن ... و أخويا الكبير لما عرف قالنا ان الكلبة بتتجوز مرة واحدة بس فالكلب ابن الجيرمن بتاعنا. و في نفس الوقت بيقول ان الكلبة هجين بلجيكي على بلاك كود مش بلجيكي بيور ... و مش معانا صور للكلبة الأم ... المهم فوتنا المشاكل و قلنا سواء كده او كده مش هتفرق ... بس الجيرمن عندي بيور و مامته في ألمانيا

[The Vix]

المشاركة الأصلية كتبت بواسطة اياد زعير

انا مش هعرف اقولك دة هجين ولا لا الا لما يعدى سن 5شهور
الكلب عنيد
خلى شخصيتك قوية معاه
وفنفس الوقت خليكى حنينة معاه ولاعبيه
ومشكلة الحمام انه لو عمل فى اى اى حتة تشيلى البراز وتحطيه فى الحتة اللى انتى عايزاه يعمل فيها وتحبسيه لغاية مايعمل
والعض دة لانه فى فترة التسنين هاتيلو لعبة مطاطية خلى يعض فيها
ودة موضوع لتدريب الكلب على الطاعة
http://www.liali.net/vb/showthread.php?t=69306

بلاعبه كتيير بس قللت لعبي معاه لان لعبه بقى عنيف ااوي بغشامة

ما المشكلة اني عايزاه يعمل في الحمام على جمب عشان هو بيعمل في اي حته و بيبهدل نفسه و انا ببقى فرشاله الحمام الصغير عشانه

و جايباله عضاضة و ككرتين و مافيش فايدة

ايوة انا قريت كتيير عن تدريبات الطاعة هنا و بطبقها معاه بس هو عنيد اووي و بيروح يلعب في اي حاجة و لو زعقتله يقوم قاعد مكانه و يبصلي و بس

[The Vix]

المشاركة الأصلية كتبت بواسطة موحا&عاشور

من رأيى انه كويس مش هجين
ولو هجين معتقدتش فيه نسب بلدى ؟ !
وشكله هيبان اكتر لاما يكبر

مبدئيا كده حوار ان محدش يشوفه غيري ده مستحيل يحصل لانه في البيت و غير انه بقى بتاعي انا غصب عنهم لان انا اللي أخدت بالي منه و هو بيبي صغير و هو اصلا أخويا اللي جايبه و انا مينفعش حد من اخواتي يدخل عنده اقوله لأ عشان عيب لان عندنا الجيرمن كلنا بنلعب معاه من يوم ما جه بس كل واحد و له مكانة عند الكلب و ده باين من تعامله معانا .. هو كلب للبيت و هيبقى يتدرب حراسة لما يكبر شوية . فبلاش الحوار ده

بالنسبة للعب انا اللي بلعب معاه نادرا لما اخواتي بيلعبوا معاه و بلعب معاه كتتيير بس هو مبيزهئش م اللعب و انا اللي بألكله و بنضفله و بعمل له كل حاجة و انا اللي بحبسه و انا اللي بفتحله حتى لو نزل الشارع للتطعيم بيبقى معايا انا و كان بينام جمبي في السرير و كانت أوضتي هي بيته بس طبعا بسبب الحمام و البهدلة فرشتله الحمام يقعد فيه ...

شخصيته أعلى مني ازاي !! ده بيجري يستخبى مني تحت الكنب .. و لما يبقى بيعمل حاجة غلط و يشوفني بيجري و يستخبى .... انا مش بخاف منه بس لو هوهو فجأة ممكن أتخض خضة عادية يعني مش خوف

مش عايزاه يلعب معايا بالعض لانه خلاص بهدلني و بيقطعلي هدومي و سنانه عاملة زي الدبابيس لمستها بجرح او خربوش و جايباله عضاضة و جايباله كرتين و بلعب معاه بيهم بيسيبهم و عايز يلعب عض

انا لما بزعقله بالراحة بيقف يهوهو ويعترض و لو زعقتله جامد يجري يقعد بعيد و أول ما أمشي ييجيلي جري يلعب عض تاني

بص هو شقي جدا جدا و فظيع و مش بيهدى في مكان .. انا مش متضايقة من كده انا متضايقة من عضه و ليه بيزووم و هو بيلعب معايا ! بس أنا لاحظت حاجة بصراحة يعني أوقات ببقى مزعقاله و ييجي يقعد جمبي فبطبطب عليه و ألعب معاه و ببقى ناسية ان مزعقاله اصلا

انا معنديش شك في انه بلدي خالص بس عايزة اعرف نوعه بالضبط و ابقى متااكدة منه

و ميرسي اووي لمساعدتك و ردك

[موحا&عاشور]

المشاركة الأصلية كتبت بواسطة The Vix

مبدئيا كده حوار ان محدش يشوفه غيري ده مستحيل يحصل لانه في البيت و غير انه بقى بتاعي انا غصب عنهم لان انا اللي أخدت بالي منه و هو بيبي صغير و هو اصلا أخويا اللي جايبه و انا مينفعش حد من اخواتي يدخل عنده اقوله لأ عشان عيب لان عندنا الجيرمن كلنا بنلعب معاه من يوم ما جه بس كل واحد و له مكانة عند الكلب و ده باين من تعامله معانا .. هو كلب للبيت و هيبقى يتدرب حراسة لما يكبر شوية . فبلاش الحوار ده

بالنسبة للعب انا اللي بلعب معاه نادرا لما اخواتي بيلعبوا معاه و بلعب معاه كتتيير بس هو مبيزهئش م اللعب و انا اللي بألكله و بنضفله و بعمل له كل حاجة و انا اللي بحبسه و انا اللي بفتحله حتى لو نزل الشارع للتطعيم بيبقى معايا انا و كان بينام جمبي في السرير و كانت أوضتي هي بيته بس طبعا بسبب الحمام و البهدلة فرشتله الحمام يقعد فيه ...

شخصيته أعلى مني ازاي !! ده بيجري يستخبى مني تحت الكنب .. و لما يبقى بيعمل حاجة غلط و يشوفني بيجري و يستخبى .... انا مش بخاف منه بس لو هوهو فجأة ممكن أتخض خضة عادية يعني مش خوف

مش عايزاه يلعب معايا بالعض لانه خلاص بهدلني و بيقطعلي هدومي و سنانه عاملة زي الدبابيس لمستها بجرح او خربوش و جايباله عضاضة و جايباله كرتين و بلعب معاه بيهم بيسيبهم و عايز يلعب عض

انا لما بزعقله بالراحة بيقف يهوهو ويعترض و لو زعقتله جامد يجري يقعد بعيد و أول ما أمشي ييجيلي جري يلعب عض تاني

بص هو شقي جدا جدا و فظيع و مش بيهدى في مكان .. انا مش متضايقة من كده انا متضايقة من عضه و ليه بيزووم و هو بيلعب معايا ! بس أنا لاحظت حاجة بصراحة يعني أوقات ببقى مزعقاله و ييجي يقعد جمبي فبطبطب عليه و ألعب معاه و ببقى ناسية ان مزعقاله اصلا

انا معنديش شك في انه بلدي خالص بس عايزة اعرف نوعه بالضبط و ابقى متااكدة منه

و ميرسي اووي لمساعدتك و ردك

بصى يا جميل
انا قولتلك ع الصح لو مش مناسبك خلاص
استحملى

الخطوات دى لو عملتيها سلوكه هتغير تماما لو فضلتى كده سلوكه هيزداد سوء اكتر

العضعضه زعقيله لاما يجى جنبك شوفى الكلمه ال بتجيب معاه انا شخصيا بقوله لا مبيسكتش بقوله ثابت او بسكسكله توء توء بيسكت هههههههههه

وكده هيبقى كلب وليف اكتر منه شرس بموضوع ان الكل بيلعب معاه وبيطبطب عليه والكلام ده

[موحا&عاشور]

اه نسيت بمناسبة انه بيزوم وكده عاااااادى جدا جايبه معاه شراسه وحراسه بس بالتعمليه ده هيبقى بلدى هههههههههه بضربك ليه وان اى حد بيلاعبه والكلام ده

عايزك تعيشيه اكنه ف جيش كله بالامر ده صععععععععععععععب بس مش مستحيل

بالنسبه للهيبر مش اكتر من جولد كلبى بس الحمد لله شويه بشويه هدى وقت اللعب مجنوووووووون ووقت الاكل والتدريب بدأ يسمع وينفذ الحمد للللللللللله