اممممم شاركوني ارائكم (الهولي والكلاسيكي والمشرفين وباقي الاعضاء )

[rakan......]

بسم الله

السلام عليكم ورحمه الله وبركاته

اخواني حبيت اسالكم عن بعض الشغلات الي جد حيرتني !!

اخواني انا حاب اجيب لي جرو جديد للبيت وعندي كم شغله محيرتني

طبعا بيتنا الجديد للاسف مافيه اي حوض او اي شي يكون فيه تراب فايش اسوي برايكم ؟

(لقضاء الكلب حاجته فيه ) !!

والي محيرني زياده اني اشتريت بيت للكلب وجهزت كل شي بس باقي لي شغله بسيطه الي هي مكيف خاص للكلب خصوصا اننا ع بدايه الصيف والصيف بالسعوديه ماشاء الله معروف (لو تفقش بيضه اسستوت) ههههههههه عموما ابي الي يعرفون للمكيفات يفيدوني خصوصا الي تجي ارضيه وصغيرهه !

اممممممم وبس

دمتم بود / رآكآن

[jassim99]

هلا والله اخوي راكان

بالنسبه لمكان قضاء الحاجه ممكن تروح عند اي زاويه من زوايا البيت و من الطوفه تعمل زاويه مقابل زاوية الحائط بالطابوق

وتعبيه رمل و تغير الرمل كل يوم او على حسب حجم المربع الي بتسويه

اما بالنسبه للمكيف على حسب المكان اختار حجم المكيف

اتوقع سعر الـ واحد طن حول 1200 ريال جديده مكفوله

و مكان بيعها ماعرف بالسعوديه بس اكيد عندكم محلات الكترونيات شامل فيه كل شي

عموما الرجاء عدم ذكر اسماء محلات تجاريه لكي لا يتعرض الموضوع للأغلاق

تحياتي

[هايدلبيرغ]

انا لا ارى ان من الصواب وضع تكييف للكلب خاصة اذا كانت جروه لأنها تصاب بالزكام بسرعة وأعتقد أنه مضر لها

لأني فكرت بوضع تكييف في غرفة تقريبا 2*3 والحمدلله أني ماسويتها لأنها بتكون مذبحة لأني يوم اشتريتها كانت في غرفة 8*6 واصيبت بالزكام فمابالك بمكان أصغر.

مروحة تفي بالغرض في غرفة بهذا الحجم

[jassim99]

المشاركة الأصلية كتبت بواسطة هايدلبيرغ

انا لا ارى ان من الصواب وضع تكييف للكلب خاصة اذا كانت جروه لأنها تصاب بالزكام بسرعة وأعتقد أنه مضر لها

لأني فكرت بوضع تكييف في غرفة تقريبا 2*3 والحمدلله أني ماسويتها لأنها بتكون مذبحة لأني يوم اشتريتها كانت في غرفة 8*6 واصيبت بالزكام فمابالك بمكان أصغر.

مروحة تفي بالغرض في غرفة بهذا الحجم

اول سؤال انت من وين ؟

يمكن البلد الي انت فيها الجو معتدل والمروحه تفي بالغرض

اما عندنا فالحر يلعب بنفسية الكلب و مظهره و شهيته

و التكيف مايمرض الكلب لأن فيه درجات من البروده

يعني لا يكون جسم الكلب رطب و توضع تحت درجة حرارة 16 وتقول زكمت

دائما يكون جسم الكلب ناشف اثناء وجوده بالغرفه وتتثبت درجة الحرارة على 22 يكون الجو ممتاز

[Musab Pro]

المشاركة الأصلية كتبت بواسطة هايدلبيرغ

انا لا ارى ان من الصواب وضع تكييف للكلب خاصة اذا كانت جروه لأنها تصاب بالزكام بسرعة وأعتقد أنه مضر لها

لأني فكرت بوضع تكييف في غرفة تقريبا 2*3 والحمدلله أني ماسويتها لأنها بتكون مذبحة لأني يوم اشتريتها كانت في غرفة 8*6 واصيبت بالزكام فمابالك بمكان أصغر.

مروحة تفي بالغرض في غرفة بهذا الحجم

انا مع الاستاذ جاسم في كل كلمة قالها .

و خصوصا اذا كانت فصيلة الكلب جيرمن شيبرد او هاسكي او من الكلاب اللي اصلا تعيش في مناطق بارده او اللي فرائها كثير .

ممكن انت تحط مقياس حراره في غرفة الكلب اذا كنت تستخدم مكيف ويندو تايب

او تحط سيتينق اذا كنت تستخدم سبليت يونت .

هذا طبعا اذا كانت المنطقه حاره مثل الشرقيه او الوسطى .. اما اذا كنت ساكن في ابها على سبيل

المثال .. امورك طيبه

[Musab Pro]

بالنسبه للاخ راكان اتبع نصيحة اخوي جاسم بالرمل اللي في الزاويه .. سو له فريم من طابوق او خشب او اي شي

خلك كرييتف

او اذا مره مره حاول تجيب افكار زي ال Litter Box



بالنسبه للمكيفات ابتعد عن المكيفات الارضيييييه ... انت راح تقتني كلب

يعني اذا صار فاضي راح يسوي لك المكيف سلطه .

استخدم سبليت طن و نص او اي مكيف ويندو و ارفعه وانتبه ان الاسلاك تكون بعيده كل البعد عن الكلب .

و ترى اسعار السيبلت المستعمل ممكن توصل اقل من ١٠٠٠ ريال

والويندو تايب طن و نص اخر واحد شريته كان اعتقد ب ١٠٥٠ جديد .

الدعوه سهالات ولله الحمد بس لازم تفكر زين شنو راح تسوي .

[rakan......]

جزاك الله خير ي اخ مصعب

يعني اشتري المكيف حق الجدار ذاك الي تقصد ؟ العادي القديم ؟

خصوصا ان الكلب اشتريت له بيت وبيته يكون بزاويه حوش ببيتنا يعني مو غرفه

وبخصوص المكان قررت اخذ احد الزاويا من البيت بعد واحط طوب واحط رمل بس مو معقوله كل يوم بغير الرمل يتعبني كثير كذا بس استفساري هل الرمل لما احطه وسوا حاجته الكلب بتطلع ريحه مع الرمل ولا الرمل بيغطي !!!!!!!

[Musab Pro]

والله ما ادري كيف افيدك بالنسبه لمشكلة التكييف .. اللي ابي اوصله لك ان المكيف اذا صار قريب من الكلب

بيلعب فيه لعب و بيقعد يعضه و يحاول يكسره و هذي طبيعة الكلب اذا صار فاضي يسوي اشياء تقهر

اما الرمل نعم بيطلع ريحه لانه ما يغطي فضلاته و لازم يوميا تغير الرمل .

في طريقه اسهل لكن يبيلها شغل شوي .

شوف الليتر بوكس اللي في الصوره اللي فوق .. ممكن تسوي له غطى شبك من حديد و تركبه فوقه

و تفرش على الغطى حصى كنكري بحيث ان السوائل تنزل من خلال الشبك و الكنكري تحت .

وترهم لك فتحة تصريف و توصلها لاي مجاري الله يكرمك عشان تبقى العلبه نضيفه .

اما الفضلات الكبيره هذي لازم تشيلها كل يوم اول ما يسويها الكلب و الكنكري تقدر تغسله يوميا بالماي

افضل من انك تغير الرمل كل يوم .

قلت لك بي كرييتف و تظبط معك

[rakan......]

الله يعطيك العافيه ي مشرفنا الغالي

كفييت ووفيت وجاري التنفيذ ودعواتكم

دمتم بود / رآكآن ^^