طريقة تدريب الكاسكو على بعض الحركات

[sweet_heart]

السلام عليكم اعزائي

لو سمحتم ابغى طريقة تدريب الكاسكو على حركة البوسه اللي يقول بوسه بوسه بعدين يبوس

وحركة هات راسك وينزلك راسه تحكه

وطريقة السلام اللي يمد رجله ويقولك السلام عليكم

وشكرا لكم

[حبني لك]

اهم شي طيرك يكون اليف

وعادي كل يوم علمه على شي معين لين يتقنها
امسك رجله وقل السلام
و ارجع اتركها
و ارجع مره ثانيه امسكه و قل السسلام
و على هالحال
و حاول انك تجوعه و تعلمه
يعني مثل تقوله تعال وتخليه يشوف الاكل
وكل ما جا عطه
وراح يفهم

وانا سويت هالحركه بطيري قبل

[أبو الببغاوات]

السلام عليكم
يا هلا والله
شوف حبيبي كل حركة وطريقتها ونبدأ بـ بوسة بوسة
انه كل شوي تجي تقله بوسة بوسة وتبوس منقاره وكررها ومع الأيام تلقاه هو الي يقلك
وأما السلام عليكم مثل ما قال أخوي حبني لك فقد اصاب في رده
وأما هات راسك تقله راسك راسك أو هات راسك وامسح على راسه وكرر الحركة

العملية بما فيها تكرار الحركات بالقول والفعل ومع الوقت تلقاه إن شاء الله اتقن هالشيء
ويا رب يوفقك في تربية ببغائك

[sweet_heart]

الف شكر لكم ابو الببغاوات وحبني لك ما قصرتو ان شاء الله ببدا من اليوم بتطبيقها

[أبو الببغاوات]

الله يوفقك حبيبي
وأي مشكلة فالمنتدى بخدمة كل سائل إن شاء الله ^.^

[sweet_heart]

شكرا ابو الببغوات على متابعتك

وننتضر اراء بقية الاعضاء

[بلاك بيري]

اهلا وسهلا

بالنسبه لحك الراس يوضع الطير بمكان واسع ومفتوح ونبدأ بتحريك الأصبع على المنقار اولا مع ذكر كلمه راسك راسك راسك راسك ونصعد بشويش على راس الطير وعلى اذنه وعلى اسفل منقاره ورقبته

بخصوص بوسه بوسه ويبوس تردد عليه وتعطي البوسه على المنقار لا بد ان يكون وجهك مقابل المنقار اثناء التلقين ليتوزع صوتك بشكل متساوي على كلا من الأذنين

بخصوص السلام عليكم ويرفع رجله لابد ان يكون الطير على استاند ومعك كليكر وتبدا بلمس رجل طيرك وعندما يرفعها انقر بالكليكر مرة واعطيه مكافئه كررها 100 مرة وبشكل يومي ومع كل مرة تسويها قوله السلام عليكم
بيفهم الطير وبيربط كلمه السلام عليكم بحركه رجله فلما يسمعها بيرفع رجله وكأنه يحيك

موفق بكل خير

[عبدالعزيز2121]

تبيه يطير على يددك جوع الطير ساعتين كذا وطبعا انت راعيه وحاول تجيب له شي يحب ياكل او اكل المهم ابعد متر عن البغبغاء وخله يشوف الاكله على يدك واحس شي يعني مثلن تناديه بأسمه يعني مثلا اسمه كوكو توريه الاكل وتقول كوكو بعدين هو بيطير عشان ياكل وكل مره ابعد اابعد ابعد بعدين بعد فتره من التدريب تقوله كوكو يجيك طيران بدون اكل ولا شي اتمنى اني افدتك

[sweet_heart]

شكرا اخي بلاك بيري راح اتبع طريقتك ولا يهونون بقية الاخوان

اخي عبدالعزيز شكرا على افادتك بالنسبه لحركة طيران الطير على اليد الف شكر لك

ننتضر بقية الاخوان يفيدونا ببقية الحركات

الف شكر لكل من تجاوب معنا

[بحر الكلام]

اخوي بالنسبه لتدريب الطير علي الطياران علي الكتف او اليد انه يجيك هذي الحركه لها امرين اثنين اولاا تعلمه بطريق الاكل ولازم يكون صغير الطير الحركه الثانيه وهي الافضل اذا تعلق الطير فيك وحبك لحاله يجيك ويطير لكتفك