السلام عليكم ورحمة الله وبركاته
كيفكم وش اخباركم وش اخبار كلابكم عساها كلها بخير وتزقح
وبصحه وسلامه مبارك عليكم الشهر وكل عام وانتم بالف خير
انا طالب جديد كح تعودنا على طالب قصدي عضو جديد
اتمنى تساعدوني وتفكون الازمه اللي عندي انا انسان
قدر الله علي يطر ذا >> وشريت كلب بلجيكي منلوي
عمره شهر ونص على حسب كلام راعيه اذا ماكان ينصب علي
وديته وفحصته يقول مهجن للحين مو باين نوعه لما يكبر شوي
عندي كم سؤال وان شاء الله ماتبخلون علي بس تكفون ياخوان عندي طلب
صغير جدا اللي مايعرف للكلاب لايجلس يتفلسف ويضيق صدري ترا طفشان منه
ودي انطله باقرب زباله مهبل فيني والمشكله امسس شريته من تاريخ الموضوع
شوفوه فوق عاد المهم ماعلينا تكفون ياخوان ساعدوني عندي كم سؤال ولاتبخلون على اخوكم
وبعد الاسئله ان شاء الله برفق لكم صورتين تشوف صورته
بس اتمنى تكون طريقة الاجابه عالاسئله تكون مفهومه مو ترد ولا ادري على اي جواب
زي كذا لبى قلوبكم
-----------------------------
س1/وش رايكم في كلبي..!
ج1/زي وجهك
--------------------------
حلو فهمتو الفكره ندخل للاسئله وزي ماقلت لاتبخلون واللي مايعرف يقول ماعرف
ترا والله عادي مايصير شي اذا قلت ماتعرف عادي قسم بالله عادي افا شكلي انلحست
من هالكلب مااش هبل فيني يلا يلا ندخل عالاسئله
---------------------------------------------------
س1/وش فصيلته وهل هي صحيحه انه بلجيكي منلوي بوليسي وركزو انه قالي بوليسي
عالعموم مايهمني كثير بوليسي او لا بس بشوف هو نصاب او لا
-------------------------------------------------
لا ماليه اي اصل من البوليسي ولا بالبلجيكي ولا المالينو والرجال نصب عليك
س2/بالنسبه لااكله انا اعطيه علبة بوبي وحليب بدون دسم ومويه واشوفه يسهل وانتم بكرامه
مادري وش فيه للعلم ان امه مو عنده امه مبيوعه
-----------------------------------------------
يمكن في بطنه دوود لازم توديه البيطري وتطعمه
س3/في حشرات في شعره ملتصقه فيه وش هاذي طلع لي الدكتور بعضها يقول انها تضعفه وممكن تموته
وباقي كثير جدا مانتبهت له ولا دريت عنه ولا ادري وش العله وهل هي برغيث او القراد وش الفرق بينها
-----------------------------------------------------
الي ملصوق في شعره اظن انه قراد
الفرق هو انه القراد يبين شكله كبير
والبرغث صغير
س4/وهو اهم شي هل هاذي الحشرات ممكن تنتقل لي او لاحد افراد البيت لاني اشوفها بالبلاط حق البيت حتى
ومرره مسببه لنا ازمه لانها تطير واشوفها فوق القفص حقه
------------------------------------------------
اخوي لازم تبعده الفترة الحاليه عن البيت لسلامتكم
س5/كم تتوقعون سعره الحين وسعره لما يكبر للي يفهم لها او شراء واحد مثله
وكيف بيكون شكله ياخوفي يطلع جعري
----------------------------------------------
اي هو جعري وسعره مايطوف 200 ريال
س6/بالنسبه لمكان الفضلات وانتم بكرامه هبل بي جنني شريت له تراب قطاوه
اللي ماله ريحه هو حصى بعد واحطه فيه مايسوي شي وانا احطه بعد الاكل ولا يسوي شي
ويجلس ينابح شوي لما اطلعه يسويها عالبلاط هبل بي
---------------------------------------------------
لازم تدربه على الترز في المكان المطلوب ابحث قي قسم التدريب وبتحصل كل شي فيه
س7/تتوقعون ارجعه لراعيه احسسن وانه مايستاهل تربيه لاني تعبان عليه مرره
-----------------------------------------------------
اكيد رجعه عليه
س8/مكانه الافضل اني احطه جوا البيت ولا برا وكيف نظامكم اللي جوا وين اخليه يسويها
--------------------------------------------------------
الين داخل البيت الأفضل الحمام
والين خارج البيت انت شوف له المكان الي يناسبك
س9/ابدله بكلب دلع احسسسن ولا هاذا احسسسن
-----------------------------------------------------
انا افضل انك تبدله بكلب دلع الين راس براس او تزيده شوي
س10/من وين جاه هاذا المرض ..؟ تتوقعونه من الزرع الثيل اللي كان عليه
----------------------------------------------------
والله يجي هذا المرض من المكان الوسخ والعدم ترويشه
س11/ايش الحل للمرض وايش اسوي بالقفص ارشه بفليت القفص عادي؟
------------------------------------------------------
وده الى البيطري وهو بيعطيك الدوه المناسب
لالا لا ترش الفليت لأنه يمكن يفتله
في اغراض يبيعونها للتنظيف
هاذي الصور المرفقه رافعها على كم موقع عشششان الكل يشوفها وماتكون بعض الموقع مسكرتها او مو موجوده
طبعا هي صورتين تفضلوووها على كم موقع
=============================================
http://store1.up-00.com/Aug10/7yi52010.jpg
http://store1.up-00.com/Aug10/zZS52010.jpg
---------------------------------------------------------
http://files03.arb-up.com/i/00207/hma4xwdyapel.jpg
http://files03.arb-up.com/i/00207/ssy89rk7tr7q.jpg
-------------------------------------------------------
http://www.m5zn.com/uploads/2010/8/2...g2r3m6icum.jpg
http://www.m5zn.com/uploads/2010/8/2...4w3luxu3sa.jpg
----------------------------------------------------------
http://www.alhnuf.com/up/pics-gif/up...ile=ce861e478c
http://www.alhnuf.com/up/pics-gif/up...ile=b6705e3437
=================================================
في النهايه اشكركم الف الف الف شكرا لانكم شفتو مووضوعي ورديتو علي
ويعطيكم الف عافيه على تفاعلكم لبى قلوبكم ماتقصرون والله
واعذروني على اسئلتي يمكن البعض يشوفها بايخه شوي بس
اول مره اشتري كلب ومبتلش فيه الله يهديييه
=====================================
ممكن احد ياخذ الكلب يربيه عنده؟؟؟؟؟؟؟؟؟؟