طرق لإقناع الاهل بإقتناء حيوان اليف (( من تجاربي الشخصيه ))

[نوني..]

بسم الله الرحمن الرحيم :

السلام عليكم ورحمة الله وبركاتهـ::

شفت بعض الاعضاء بالمنتدى يبغون طرق لإقناع الاهل بإقتناع حيوان اليف وخاصه القطط وكثثثثير شفنا زي الموضوع هذا :::

فقلت بكتب لكم أفكار من تجاربي الشخصيه بعضها نجحت فيها وبعضها فشلت ....

بقولكم الاشياء الناجحه على حسب نفسيا ت الاهل ::

أول تجربه وجربتها أنا وناجحه ميه بالميه انك تكتب رساله وتحطها بغرفة الوالد او الوالده بشرط مايكون موجود بالغرفه مع ورده والاشئ حلوو وتكتب فيها كل اللي بخاطرك وإسلوب حلووو بقولكم انا وش كنت أكتب

أول شئ أحط نكته حلوه أول الرساله بعدين اقول اهلين بابا كيفك اسفه اني كتبت الرساله بوقت مو حلوو وانت توك جاي من الدوام وتعبان بس يابابا وكذا وكذا عاد انت وشطارتك وتكتب كل اللي بخاطرك ... واذا ماانجحت بالمره الاولى لازم تكررها كم مرهـ وتغير الاسلوب بس يكون حلووو والصبر مطلوب لازم عشان تنفرج ويوافقون ان شاءالله مافي شئ يجي بالسهل لازم تصبر وتكرر العمليه

ثاني حل يشبهه الطريقه الاولى انك تكتب اللي تبغاه برسالة جوال وأول شئ نكته وتسأله عن احواله والشغل

بعدين تقول بقولك شئ بليز قول تم ولاتكسر بخاطري انا اتمنى كذا وكذا بليز ارسلي انك موافق والا كذا

وزيدوا من عندكم واكتبوا اللي تحسون فيه واللي بخاطركم ...

ثالث تجربه تجي لم أبوك أو امك وتبوس راسه وتقول بابا او ماما أبغى منك كذا وكذا بليز لاتكسرين بخاطري بليز قولي تم واعرف اسباب رفضه هذا الشئ وناقشه فيه >>>> بتكسر خاطره وبيوافق ان شاءالله علطووول

بس ضاروري يكونون رايقين ومو معصبين وتختار وقت مناسب وتتجنب الصراخ وتتكلم بهدوء وإبعد عن الاستفزاز والكلام اللي ماله داعي اللي بيخليهم يرفضون ..

واذا كنتوا تخافون من اهلكم وانتم حساسين بقوه واالاهل عصبين افضل الطريقه الاولى والثانيه


الطريقه الرابعه انك تحطهم امام الامر الواقع بس اذا كانوا رافضين بقوه ماافضل هاذي الطريقه ابدا لانه بتسبب مشاكل وهاذي الطريقه تصلح للي قرر يشتري حيوان اليف ومايعرف اهله بيوافقون اول لأ ومافتح معاهم الموضوع ويخاف يفتحه و يرفضون هاذي الطريقه ناجحه للي كذا 100 % >>> هاذي الطريقه جربتها يوم اشتري أرنوباتي  بس مااسرع ماطلعوهم اهلي من البيت لذالك لازم تجيبهم وهم مقتنعين

خامس طريقه الحنه والرنه يعني تجلس ليل نهار فوق روسهم وتصيح وحاله وتقنع فيهم يقولك كثرة الدق تطلع المسمار


يتبع

[نوني..]

سادس طريقه انك تجلس بين اهلك ماد بوزك مترين وتسوي نفسك زعلان وضايق صدرك بعدين هم بيسألونك يقولون وش فيك تنهد وقل لهم أبغى كذا وكذا والله تعذبت ونفسي تعبانه وكذا وكذا وقل اللي بخاطرك >>> بس إنتبهوا لاتبالغون بالحركات وخليكم عفويين




ملاحظه ضروري لازم تكونوا لحالكم انت والشخص اللي تبغى منه الموافقه يكون احسن والموافقه بتكون أحرى وبيرحمك اما اذا كنتوا بين جماعه يمكن يفشلك بينهم وبيرفض لانك طلبت عندهم

الطريقه السابعه انك تتدللهم وأي طلب تركض تنفذه لهم وتحتسب الاجر عند الله وهذا واجب علينا من بر الوالدين
وبعدين اذا طلبت منهم ماراح يرفضووون


الطريقه الثامنه انك تخلي احد يتوسط لك شخص غزيز على اللي بتطلب منه أنت وماراح يرفض واسطته وطلبته اذا كان أبوك اللي رافض ممكن تقنع أمك أو جدتك وتخليها تقنعه وتكالمه وترا الجده مفعولها قوي وماراح يرفض طلبها

أما اذا كانت اللي رافضه أمك خلي أبوك يقنعها او جدتك

أما اذا كانوا كلهم رافضين أنت اقنعهم وابدأ باللي رافض اخف من الثاني عشان يوقف معاك وتذكروا لازم الجو يكون مناسب .....

الطريقه التاسعه إنك تجيب الشهاده وتكون حلوهـ وتقول بابا او ماما شوفي شهادتي وكذا واذا شافوها

بوس روسهم وقول وابغى هدية نجاحي بس موافقتكم على الـ....... وهو بخاطري وكذا وكذا .........

الطريقه العاشره انك تجي عند اللي رافض وتختار أي شئ هو يتمناه وتقوووله شفت امنية بكذا انا اضعافها اتمنى اجيب كذا وتلمح وكذا وتجلس تحن عليه وتقول الناس كلها فرحانه وتحصل اللي تبغاه بسهوووله وانا سعادتي بهذا الشئ لاتحرمني من سعادتي وتوقف بطريقها الله يخليك كل صاحباتي عندهم ودايم يتكلمون عنها وكذا وانا ينفطر قلبي وكذا وحاول تحنن قلبه


الطريقه الاحدى عشر والاخيره والناجحه ميه ميه ومفعولها قوي وصدقني راح يوافقوا بهالطريقه الا وهي ( الدعاء ) ياناس الدعااااااااااااااء مهم جدا تدعي بكل صلاة ربك وتتحرى أوقات الاستجابه والله لو كل الدنيا واقفه بوجهك
ورافضين والله قدر انك تجيبها راح تجيبها وراح يوافقون الله اذا قال لشئ كن فسيكون وبيوافقون علطول
والله الدعاااااء رفع ناااااااااااااس وغير احوال ناس ولام تتقرب لربك بالطاعات عشان يستجيب دعائك وتووب له
لان المعاصي تحجب الدعاء مايوصل للسماء بسبب المعاصي والالحاح بالدعاء والصبر مهم عشان ربي يحقق لك اللي تبغاه سبحانه قادر على كل شئ وهو اللي بيده كل شئ


يارب أكون أفدتكم وان شااءلله اذا تذكرت طرق ثانيه راح اضيفها ولامانع من مشاركتكم لنا بطرق ناجحه لإقناع الاهل اذا احد من الاعضاء مجرب طريقه حلوه لايبخل علينا فيها

واذا جربتوا أي من الطرق هاذي علموني وش صار معكم

الموضووع انا كاتبته وأي أحد ينقل المووضوووع يكتب المصدر ومااسمح لأي احد ينسبه له


ودمتم بخير



*((( نوني )))*

[ثويمر]

الله يعطيك العافيه
طرق حلوه وانشالله يستفيدون منها اللي محتاجين يقنعون اهلهم
بالتوفيق

[نوني..]

المشاركة الأصلية كتبت بواسطة ثويمر

الله يعطيك العافيه
طرق حلوه وانشالله يستفيدون منها اللي محتاجين يقنعون اهلهم
بالتوفيق

الله يعافيك

مرورك الاحلى ...

ان شاءالله يارب ....


مشكووور على مرورك العطر

[*(الدلوعه)*]

يسلمووووووووو نوني..

على الافادهـ

يعطيكـ الف عافيهـ ^_^.

[نوني..]

المشاركة الأصلية كتبت بواسطة *(الدلوعه)*

يسلمووووووووو نوني..

على الافادهـ

يعطيكـ الف عافيهـ ^_^.

الله يسلمك حياتووو

الله يعافيك والحمدالله انو فيه أحد يستفيد من موضوعي ...


مشكووور ه على طلتك الحلوه ...

[الكلاسيكي]

افففففففففف أن كيدهن لاعضيم
والله من التحايل يالبنات من جد خوفتون وانا اقول ليش اختي دايمن تجيني رافض تطلع من عندي على حسابي ومن جيبي بعد اهااااااااااااااااااااااااااااااا كذا السالفه لا انا اوريكم يبيلكم طرق جديده والله افضحكم خخخخخخخخخخخخخخخخخخ . لا تخافون امزح ومشكوره اختي نوني وبأذن الله بنتساهل بكرا مع عيالنا عشان ما يلجئون للتحايل علينا ،، وتقبلو مرروري ،،
مع الشكر ،،،

[نوني..]

المشاركة الأصلية كتبت بواسطة الكلاسيكي

افففففففففف أن كيدهن لاعضيم
والله من التحايل يالبنات من جد خوفتون وانا اقول ليش اختي دايمن تجيني رافض تطلع من عندي على حسابي ومن جيبي بعد اهااااااااااااااااااااااااااااااا كذا السالفه لا انا اوريكم يبيلكم طرق جديده والله افضحكم خخخخخخخخخخخخخخخخخخ . لا تخافون امزح ومشكوره اختي نوني وبأذن الله بنتساهل بكرا مع عيالنا عشان ما يلجئون للتحايل علينا ،، وتقبلو مرروري ،،
مع الشكر ،،،

هههههههههههههههههههههههههههههههههه لااله الاالله >>>>>>>

شفت عاد

العفووو خيوووو

من جد لازم تتساهلون ماتسوى فلذة كبدك يضيق صدره ويتكدر عشانك رافض انك

تجيب قطوه

ومشكووور على مرورك العطر

دمت بحفظ الرحمن

[*حامي الحيوان*]

الله يعطيك العافيه موضوع يستحق القراءة وبصراحة جبتيها على الوتر الحساس لاني أحب الحيوانات لاكني ما أقدر أربيها لان الاهل ما يرضون وبصراحة الطرق تستحق التجربة وشكرا.
(الله يسلم الوالد ويشافيه وتشوفه بأحسن حال)

[نوني..]

المشاركة الأصلية كتبت بواسطة *حامي الحيوان*

الله يعطيك العافيه موضوع يستحق القراءة وبصراحة جبتيها على الوتر الحساس لاني أحب الحيوانات لاكني ما أقدر أربيها لان الاهل ما يرضون وبصراحة الطرق تستحق التجربة وشكرا.
(الله يسلم الوالد ويشافيه وتشوفه بأحسن حال)

الله يعافيك

تسلم اخوي يشرفني انك قريت الموضووع وتستفيد منه انشاءالله واهلك يوافقون يارب



اميييييييييييييييين ربي يسمع منك يارب

تسلم اخوي ومشكوور على مرورك العطر

دمت بحفظ الرحمن