ببغاء غيني ملكع شوفولي حل ... ^_^

[السلمي]

السلام عليكم ورحمه الله وبركاته
ان شاءالله الجميع بخير

أخوااني بختصار اناشريت طير قبل اسبوع نوعه ببغاء غيني وحسب قول اللى شريته منه عمره مايزيد عن 8 شهور (( عيونه سوداء وحولينا دائره صغيره العرض بيضاء ع رمادي ))


الطير هذا يجعر بصوره غير طبيعيه مسوي قلق كاني مربي كلب مو ببغاء ^_^ قلت يمكن توه خايف ادخل يدي وسط القفص ياكل من يدي امس لبست قفاز ومسحت ع راسه طبعا قبلها سوا فلم هندي كم نطه ع 30 شقلبه في الجو و15 عضه كلها في القفاز هههههههههه وطلعت انا بدور البطل ماجاني شي

المهم ودي اسالكم انا ابغاه يصير اليف يعني يوم يشوفني مو لزم يستقبلني بالاحضان بس ع الاقل لا يجعر وينفخ ريشه بيني وبينكم هو بعض الاحيان اجيه فله كاني من ثانيه باتدائي وحنا خويان يعني ياكل مني ولا يعض ولا يجعر وبعدها أغيب نص دقيقه واجيه تشوفه تقول هذا اول مره يشووفني !!

حطيت ع يدي عسل اكلته تفاح يقطعه ويرميه وفي مرات ياكلها وجربت عنب يقطعه اعتقد يمص الماء اللى وسطه المهم ومره سمعت الشباب يقولون انهم ياكلونها جزر جربت ماعطني وجه حسيته يقولي ياغبي ع بالك ارنب


انتظر ردووووووووودكم وارجو المساااعده وااسف ع الاطاله بس حبيت اشرح لكم الموضوع بالتفصيل المملل وعشان تكمل الصوره عندكم


في شباب متاكد بيقولون يا السلمي توك مالك اسبوع مسرع تبغاه يولف ...؟ ابقولهم في ناس تودي لهم طيرك في اسبوع يدربونه يعني مو شي مستحيل دام غيري يقدر ان شاءالله ابشغل الطاسه وانفض الغبار اللى فيها وطبعا ماستغني عن ارائكم وتوجيهاتكم وابطلع بنتيجه مثلهم واحسن شوووي

[سكر]

بقولك شي ويمكن أطيح من نظر كثير من الأعضاء.

الغيني ينسى كثير, وبعض الأحيان كنت أمسك راسه بقبضة يدي وأثبت منقاره فوق بقبضة يدي كأني أخنقه عشان ما يعض

وأشيله بهذي الطريقة. وأفر فيه فرة في الشقة.

تخيل ان هذا الفعل روضه!!!!

أدري اني سويت شي وحشي في نظر الكثير من الشباب, لكن كنت مدرك للي أسويه وحريص اني ما أعورة.

وهذا يرجع للشخص نفسه, وما أنصحك تسوي مثلي.

لكن قلت لك كذا لأني أبغى أوصل لك فكرة مع الغيني, يبغالك تكون حازم معاه وما تتهاون.

ما أقولك إئذيه,, لا

بس أقول حاول تجبره على التوليف, ولا تدلعه في الترويض.

امسك منقاره بأصابعك وثبتها, بتقدر لا تخاف, أصابعك أقوى من عظلات منقارة.

وحك راسه غصب, أو ثبته بقطعة قماش وحك راسه وكرر العملية كثير, لأنه ينسى مثل ما قلت لك.

تحياتي

[السلمي]

شــكرا لمرورك سكر ويعطيك العااااااااااافيه يالغالي ع النصايح اللى مانستغني عنها انا سالت كثير لكن ماقول نصهم ولا ثلاث ارباعهم يمكن 99% منهم ماردوا علي مثلك واهتم بالموضوع من جد حسيت كانه طيرك وداايم اقرا ردودك لانك مومثل بعض الاعضاء (( مع احترامي )) يوديك البحر ويردك ناشف كلامك مختصر وفي محله واعتذر عن الاطاله بس كلمه الحق تنقاااال
وانا اليوم سويت اللى قلت لي عليه جبت منشفه ومسكته وبعدين مسحت ع راسه وابكرهها وان شاءالله بعد كم يوم ابوافيك بالجديد


شاااااااااااااااااااكر ومقدر لك .........

[abdr]

افعل الطريقه الي تلفه بالمنشفه انا مجربها مع الافريقي ونفعت
بس نصيحة لا تعلمه الطلوع على اليد الا بعد ما تروضه مزبوط

[السلمي]

المشاركة الأصلية كتبت بواسطة abdr

افعل الطريقه الي تلفه بالمنشفه انا مجربها مع الافريقي ونفعت
بس نصيحة لا تعلمه الطلوع على اليد الا بعد ما تروضه مزبوط

شكر لمروك اخووي وان شاءالله تضبط معي وبالنسبه لطلوع ع اليد ماعتقد الحين مثل ماقلت قداام شووي شااكر لك