صابر والامر لله .. مشكله ثانيه مع الرمادي ..

[خالد المهيري]

السلام عليكم ورحمه الله وبركاته ..

اخواني انا من فتره نزلت موضوع اشتكي فيه عن عدوانيه الكاسكو لكن بدون الاذيه .. والايحاء انه راح يعض لكن في النهايه يكون عض خفيف ..

عمر الكاسكو مثل ماذكرت تقريبا 7 شهور .. لون العين رمادي ..

الطير صاير مزاجي جدا .. فيه اوقات اقدر ابوسه على منقاره بدون اي مشكله والعب وياه ويكون جدا لعوووب ..
لكن في حال اني حطيت له الاكل .. وهو عباره عن الخليط الجاهز الي فيه الفيتامينات وكل شي ..
يصير الطاير ياكل بشراهه وبدون توقف الى لدرجه اني احط له الصحن الساعه 6 .. ارجع له الساعه 8 وهو مازال ياكل في الاكل ..
حفاظا على سلامته قررت اعمل له مواقيت للاكل ..

لكن المشكله هي اني بعد ما اقطع عنه الاكل او خلال اكله للاكل يكون عدواااااااااااااااني جداااااااا .. ويصير العض حقيقي ومؤلم وصعب انك تتعامل معاه مع العلم اني في قمه الهدوء واتجاهل العض بدون ردود افعال سريعه تخوفه ..

اسإلتي هي قبل لا افقد الامل ..

شو سر مزاجيه الكاسكو خلال فتره الاكل ..
هل اني ااذا خليت الاكل جدامه طول اليوم راح يكبر راسه مثلا ومايهمه يتعامل مع الناس او كيف ؟

العجيب في الموضوع اني لما اقطع عنه الاكل .. بعد ساعه يرجع لطبيعته ويكون لعوب ...

اسف اذا الموضوع متلخبط لكن كل مافي الموضوع انه يصير عصبي وقت الاكل ولما اشل عنه الاكل ويعض عض مؤلم ..
واذا خليت الاكل جدامه .. يصير ياكل فيه طول اليوم بدون مايوقف .. وبعدها يبقى عدواني

[ريـــم]

ممكن يكون مابعد وثق فيك .. او انه اخذ منك موقف سيء

اللي فهمته منك انه هو مزاجي وبوقت الاكل يلهى عنك بالاكل .. ممكن انه جايع لاتشيل الاكل منه وحط له العاب


والله اللي يشوف مشاكل الكاسكو يهون يربيه ..

[سماوي الجبه]

عليك بالمعامله الهادئه ،واحتمال في شخص غيرك يغير حق الطير وينرفزه وهذا سبب تغير المزاج وقت الاكل وبعد الاكل من التغير، احتمال واتركه ياكل لين ينفجر ماعتقد الطير ياكل لين يصير مثل الفيل مستحيل ، خله لين يشبع وشكرا،

[سكر]

أخي الكريم ما عند الطير مشكلة

المشكلة عندك انت

اذا الطير وقت الأكل يصير عدواني, فهذي في عالم الحيوان شي فطري.

لكن مع الأيام تخف العدوانية وينسى هذي الغريزة, وهي غريزة تساعده على البقاء في ضل الموارد المحدودة.

نصيحتي لك حاول تدربه على الأكل من يدك.

وخلي كمية الأكل في القفص قليلة جداً, يعني كل ساعه غير له الأكل القديم وأعطيه شوي من الأكل الجديد.

ويصير عدد الوجبات مثلا 9 وجبات في اليوم. بس كل وجبه خليها قليلة جداً, بحيث انه يخلصها ولا يشبع.

تخيل الببغاء لما يشوفك 9 مرات تعطيه أكل؟؟

مع الأيام يصير اذا شافك يرتاح لأنك بتعطيه أكل.

وبعدها يتعاون معاك أكثر ويخف عدائه لك خصوصاً وقت الأكل.

في الأخير أحب أبشرك ان عدائيته تبشر بخير, وان طيرك مسيطر وشخصيته قوية, وهذا في صالحه صحياً.

تحياتي

[لوتيه]

يمكن بعد حد مطفرنه فالبيت مثل اليهال ايون يضربون على القفص او يزاعقون عليه و يحاول يفج غيظه فيك بالعض انا عندي وحده كانت حبوبه و طيوبه بس الدفاشه و كيف يعاملونها اليهال و اميه تو تهزبها الانها ماتخلي شي ماتقطعه مره حاطين كرتون بلاليط فالمطبخ و قطعته تقطيع و مره كيس قناد بعد قصته و عفست المطبخ فوق تحت و كل ماتخرب اميه تهزبها و اخر مره كان في كيس تمر عود و را باب المطبخ بعد قرمته قرام و تعودت كل يوم تخرب شي و اميه تهزبها و تغيرت 180 درجه طارت عدوانيه مع الكل الا انا كل ماتحاول تعضني اواقعها بصوت عالي و اروح اتم ساكته يوم اردلها اقولها تعالي بسرعه تيني ماشاء الله ركض جنها ادور رضايه عقب طبعن اراضيها امسح راسها ...
احس انك هامل لي عندك و لا في شي زاعجنها فالبيت اذا حسستها انك دايمن معاها و عودتها عليك صدقني مابتتجراء انها تعضضك و اذا على سالفة الاكل يمكن الانها يديده و قبل مب لاقيه اكل و الحين تحسها مستلهطه على الاكل بس حاول تعطيها تفاح و عنب لا تكثر منه يسببلها اسهال و نوعلها ذره و غيره من الاكل لا تعتمد على الحب المشكل لابروتينات و لا الله قاله عطها شي صحي ابرك و حاول دوم تخليها معاك حق تتعدو و نفس ماقال سكر عطها اكل من يدك احرمها الاكل و يوم تبا تعطيها عطها بأيدك .. و السموحه طولت