هذي مشكلتي وبنفس الوقت مشكلة غيري...!!

[koRoto]

صباح الخير يا افضل مناقشين في تاريخ الامه العربيه >>>> بنظري اكيد بس مدري عن غيري


بصراحه انا قريت موضوع واحد من الشباب وخلاني اتشجع اطرح المشكله هذه للنقاش


هي مشكلة شخصيه لكن موجوده عند كثير من شبابنا للاسف ويمكن طرحت زمان لكن حبيت اطرحها للاستفاده اكثر

التهور

كلمه يا كثر ما سمعناها ويا كثر ما سببت ماسي وعملت الي ما قدرت الحروب انها تسويه شردت عوائل واثكلت امهات ورملت نساء يارب الستر


بصراحه انا من الناس الي اشتكي من التهور وهنا احكي عن تهورالقياده


يعني من اول ما اركب السياره وتقولوا في رالي مو في شوارع >>>>مايكل شومخر العرب


لا اذكر اني مشيت داخل الرياض اقل من 140 في الخطوط الطويله اما برا الرياض والخطوط السريعه ما اهدى ولا اسلطن الا فوق 200 وصدقا مو متذكر متى اخر مره مشيت فيها تحت 200


انا عارف انه غلط وعارف انه مصايب صارت من هذا الشي وكثير من الناس كلمتني وحتى لما احد يطلع معي تحصله خايف

يعني اذا جيت اقول لخواتي والا امي والا اي احد حتى من ربعي يالله نطلع يقولي اوكي بس مو معك خل نطلع مع فلان او كذا


يخافوا مني هههههههههههه مدري وش مسويلهم انا لدرجة اذا اصريت بعضهم ينطق الشهاده والي يقولي تكفى طفي المسجل احسن وقصص كثيره


وكل هذا خلاني افكر كثير وياما حاولت وبقوة اني اغير هذا الشي والى الان ما توفقت


كل ما مشيت ما انتبه الا وانا معدي ام السرعه وطاير


طرحت المشكله عليكم لسببين


الاول نبي نناقش مواقفنا وارائنا على هذا الموضوع


الثاني والي هو يهمني اكثر ابي حل ولما اقول حل اقصد حل مجرب وفعال ابي شي يخليني اهدى واركد على قولة الوالد الله يحفظه ويخليه

اتمنى الاقي منكم التفاعل والاقي عندكم جواب شافي

[princesya]

والله لو تشوف الناس اللي كانو يسرعون شكثر ماتو...الله يرحمهم شبابنا المسلمين



التهور ماله فايده في النهايهـ

[i love cats]

لا لا يا أخـوي لاازم تخفف من السرررعه والله ياكثر اللي ماتوا بسبب حوادث هالسيارات

والشباب الله يهديهم دايماً مسرعين بهالشوارع بشكل غير طبيعي ..اذا ما همهم نفسهم في ناس يهتمون فيهم مثل الابو والام والخوات والاخوان والأهل .."الله يهديهم بس"

وانت أخـوي عشان أهلك حاول تخفف السرعه ..والله يحفظك ويخليك لهم يارب

أختك:i love cats..

[زين ابوها]

حلووو الموضوع ..

اشتري سيارة سرعتها ما تتجاوز الـ 200 ..وراح تتعود ..

كثيييرين ماتوا بسبب الحوادث ..,.,
لا تسرع وبعدين لا قدر الله يصير شي ولا شي !!


,.,موفق ان شاءالله ..ولا تسرع حياتك اهم ..^^