بأعطيكم مواصفات واعطوني سعر

[المستمتع]

السلام عليكم ورحمة الله وبركاته
كيف حالكم شباب انا بأعطيكم مواصفات افريقي وابغاكم تعطوني السعر اللي ممكن يجيبه في سوق الرياض قبل انتشار الأنفلونزا وبعد انتشارها

(بس في البدايه انا خايف عليه فألي يقرا يقول ما شاء الله فالعين حق)

البطاقة الشخصية:
النوع: افريقي جامبو (الحجم الفاخر)
الأسم:سيكو
العمر: سنه وثمنية شهور
_______________________

الترويض:الطير اليف جدا لا يغص ابدا ابدا يسمح لي ولغيري يشيله زي الحمامه (قولو ما شاء الله)
يحب صاحبه جدا لدرجة انه يلاحقني في البيت
________________________

الكـــلام:
الطير ما شاء الله عليه متكلم درجه اولى ويضبط نبرة الصوت الله لا يضره
الكلمات التي ينطقها هي: (سيكو - السلام عليكم - هلا والله- شـــاطر _ يطق الباب - حكني -ويقول:مـــــــين - محمد(انا) - وإذا دق التلفون يقول :الووووووو ....... إلخ) والقادم في الطريق إن شاء الله
________________________

الحركات:الحركات الي يسويها الحين:
1- يطلق على يدي لما اقوله
2-يولع اللمبه ويقول لنفسه شاطر
3- يصافحني لما اقرب يدي من رجله واقول :سلام عليكم
4- ينام على يدي
5- يبوس
____________________________

الأخلاق والنفسية:
النفسيه ما شاء الله تمام يصفر ويلعب ويتكلم ويصيح زي البزران
بس عندة بعض العادات السيئه بس إن شاء الله تنحل وهي
*إذا اكل وخلص وعلبة الأكل على القفص وسوتله زحمه يمسك العلبه ويرميها بعيييييييييد
*إذا اعطيته خياره كبيرة يقعط يقطعها قطع صغيره وإذا بي شويه اكلها (فسقان)
__________________________
( يحب ياكل ديريتوز ازرق)


اتمنى تعطوني سعر بالريال
بس ترو مافيه امل ابيعه مستحيل لو (بمليون) ريال

اخوكم المستمتع

ملاحظة: الطير الموجود في التوقيع مو حقي

[تركي .ي.م]

في الدوحة هذا تحفة يمكت 5000 رال قطري اما السعودية 3900

[@الزير@]

المستمتع والله ماشالله الطير حلو والسعر بتوقعي ممكن 5000 ريال بس ليه تسال انت كذا تحط براسك بيعته واله يباركلك فيه ويحميه من العين(العين حق) تراي شراي اذا فرطة فيه

[very smart]

السلام عليكم ورحمة الله وبركاته

ان من اهل الرياض

والطير يجيب من 3500 الى 5000 بس بشرط انه يكون جريئ ويتكلم قدام الناس
ويتكلم اذا انت طلبت منه الكلام
لاكن اذا كان كلامه فقط اذا مسكت معه على الكلام فهذا مايتعدى 3500

[guitara]

ما شاء الله طيرك يهبل لاتفرط فيه ..

أتوقع سعره سعره 4000 الى 4500

[LiLi]

ما شاء الله ما شاء الله ما شاء الله

الله يحمي هذا الطير وين ما كان

يا ريت كل الأعضاء يسوون بطاقة شخصية لطيورهم

مثل إلي سويته

و ربنا يوفق الجميع

[salom]

ما شاء الله علية ومرة ثانية لا تتكلم عنة لان العين اتصيب .......انا كاسكوي مريض واشك بوحدة ضربتة بعين ....كانت عندي وهو يسولف وينادي ويصفر ,جان اتقول هو واحد ويصفر بكل النغمات حتى رنة تيلفونج...........ومن يومها وهو مريض وما يتكلم ............دير بالك وربي يجعل كل العيون علية بااااااااااااااااردة