صغار السمك مجهولين الهوية في حوضي.. أرجو المساعدة ؟؟؟

[نياز]

مرحباااااااااااااااااااااا

قبل 3 أيام حصل لي شي غريب في حوضي
نبدأ من البداية ,, انا عندي سمكة مولي حامل ومخليتها في حوض منفصل لاني انتظر ولادتها بالسلامة لان بطنها وايد كبر وطبعا موفرة لها كل سبل الراحة

بس الغريب اني شفت (بيبي) صغير واحد في الحوض الكبير وكان هذا الكلام من الصبح طبعا لازم يصبحون على ويهي كل يوم وأول ما شفته رحت اركض لزوجي والمسكين قعد متخرع وخليته يدور معاي على الباقي وقعدنا ندور لين ما حصلنا واحد ثاني

المهم بعد جهد جهيد ما حصلنا الا اثنين >>>>>حلوة جهد جهيد ما ادري شلون طلعت مني خخخخخخخخخ

المهم شلنا الام الحامل ورجعناها للحوض الكبير وخلينا الصغار مكانها

بس السؤال اللي محيرني من وين طلعوا الصغار ..؟؟

ملاحظة1:: عندي سمكة بلاتي من اول ما شريتها وهي كله بالحوض وحتى ما تاكل وما عليها اي اعراض للحمل

ملاحظة2:: كمان عندي سمكة جورامي لاحظت من كم يوم ان الذكر يضرب الانثى كثيرا .. ما أعرف ليش

سؤال ؟؟ >>>>>>>>> ويا كثر أسألتج
1. من هي الام ؟؟؟؟
2.شنو اسوي للمولي الحامل اذا ولدت هل افصلها الحين او انتظر إلى ان تولد وانا ما اعرف متى راح تولد .. وما عندي حوض ثالث >>>>> على هالحسبة بنترس البيت كله أحواض

اتمنى تساعدوني وتردون على أسالتي ومسامحة على الاطالة بس علشان الصورة تطلع واضحة ..

[Mr. MeMo]

اختي الكريمه



هذول الاسماك لقطاء ما لهم ام


طبعا يصعب التكهن من الام او ابناء من هم

يفضل في حين وجوده سمكه حامل ان تضعي حضانه سمك
صغيره يمكن و ضعها داخل الحوص و يمكن و ضع اكثر من واحده

و بعد الولاده نقوم بعزل الصغار

و اتمنى لك التوفيق

[نياز]

مشكور اخوي ميمو على ردك السريع ,, بس انا حاولت احصل على هذي الحاضنات وما حصلت ,,

وياريت أحد يقدر يخلي لي صورة هذي الحاضنات اكون ممنونة >>>>>ويا كثر طلباتج

[نياز]

ماااااتت الأم هي وأطفالها.. رحت أتطمن عليها لقيتها.....................

ومشكورين إخواني .. ترى أتقبل التعازي في أي وقت ..

[Mr. MeMo]

اختي الكريمه نياز


الله يعوض عليك بأحسن منهم شوي

و ترى ما في احد يتعلم بسهوله

بس دائما يفضل معرفه سبب الموت حتى نستطيع ان
نتجنبه في المرات القادمه

اختى الكريمه هل الحوض به سخان ام لا ؟

[نياز]

هلا أخوي ميمو .. شكرا على تواصلك
الحوض الكبير فيه سخان
بس .................................................. الحوض الصغير ما فيه لان حوضي ما يتسع حق سخان هو مو صغير وايد ولا هو كبير .. وحاولت أدور على حاضنة ماحصلت عشان أخليها بنفس الحوض (الكبير)

بس انا بعد ما رجتها الحوض الكبير بيومين >>>>فارقت الحياة

فما أدري يمكن تغيرت عليها درجة الحرارة أو شي ثاني ما دري والله بس قبل ما تموت كانت نشيطة وتاكل

[Mr. MeMo]

غالبا اختلاف دراجات الحراره المفاجئه للسمك ما تصيبه

بجلطات في الاوعيه الدوميه فلا يستحملها ويموت

و الصغار لا يستطيعون استحمال بروده المياه

و يفضل وضعهم في درجه 27 مئويه

[نياز]

مشكور أخوي ميمو ..
بس سؤال إذا ممكن ؟؟

يصير اخلي الصغار (2) في الحوض الكبير الحين ..؟

أرجو الرد للضرورة أخاف يموتون علي لأن عندنا وايد برد ..

[Mr. MeMo]

يمكن ذلك و لكن يجب ان يكون الحوض به اماكن لاختباء الصغار

مثل بعض النباتات و المناظر و الاحجار

و لكن ايضا ربما يتعرضون لهجوم الكبار

[نياز]

مرحبااااا
الحوض فيه أماكن للإختباء ومو بعيدة في صغار ثانيين منخشين في الحوض ..
المهم هل هناك إحتمال إن الاسماك الكبيرة ياكلونهم ؟؟؟؟
أبر سمكة عندي هي الجورامي