كرواني حركاته غريبة

[عبير الدلوووعة]

عندي كروان اشتريتة فرخ يمكن عمره كان اسبوع
وله عندي تقريبا شهرين يعني عمره الان شهرين ونص تقريبا

انا ما قصيت جناحه
اذا خرجته من القفص يطير ويجي على كتفي او راسي

هنا المشكله
وهوا في القفص طول الوقت محاولات للخروج من القفص ما تتوقف
ويحاول يطير داخل القفص ويخبط في حديد القفص

ما عمري سمعت منه تغريد للان بس يصيح عشان يخرج من القفص
اشغل له مقاطع من اليوتيوب تغريد كروان كثيرة ولا يهتم لها ابدا

[abo_hazm]

مبروك عليك الفرخ ويتربى بعزك

وماشاء الله واضح من الفرخ الحركة الكثيرة والنشاط

في الغالب يبدأ التغريد من 3 شهور او 4

انتي عليك انك تستمرين في تشغيل المقاطع الصوتية بإستمرار وان شاء الله في القريب يبدأ يغرد ويتكلم

اتمنى لك التوفيق

ولو تشاركينا بصور الفرخ الجميل

[تووتـي0510]

مثل طيري بالضبط

وبعدين اهو صغير ماراح تسمعين منه تغريدات الا لما يكبر هذا اذا كان ذكر اما اذا انثى ماراح تغرد

ومحاولاته للهروب هذا لانه تعود يكون برا القفص انصح ماتخلينه بالقفص الا وقت النوم لانه خلاص تعود عليكي


ولما يطير يجي على كتفك وراسك هذا شيء جمييييل جدا جدا هذا دليل على تعوده عليكي

ومايحتاج تقصين اجنحته ويبيلك تعلمينه يجيك لما تصفرين له عشان لو طار برا يقدر يرجع

ولا تحبسينه بالقفص غصب لانه ممكن تتعب نفسيته لانه مو متعود واحتمال يموت اذا منعتيه من شيء انتي عودتيه عليه

وبعدين عندك طير جميل تعود عليكي هذا شيء حلو

الله يبارك لك فيه

[عبير الدلوووعة]

طيب سوال كيف اعرف هوا ذكر او انثى مع اني متاكده انه ذكر فيه نشاط ماشاء الله
وسوال ثاني هل الكروان يمسك الاكل برجله مثل الببغاء لاني ما عمري شفته سوا هذا الشي

[عبير الدلوووعة]

[تووتـي0510]

المشاركة الأصلية كتبت بواسطة عبير الدلوووعة

طيب سوال كيف اعرف هوا ذكر او انثى مع اني متاكده انه ذكر فيه نشاط ماشاء الله
وسوال ثاني هل الكروان يمسك الاكل برجله مثل الببغاء لاني ما عمري شفته سوا هذا الشي

تقــدرين تعرفيــن انه ذكـر عن طريــق التغريــد وعـدم وجـود نقــاط بكامــل الجنــاح لاكــن مو ألحيــن بعــد 6- 7 اشهــر


لا مايمســك برجلــه انا صار لــي سنــه اربـي طيــور الكوكاتيــل ولا مــره شفـت هالحركـه

وبخصـوص هالسـؤال ان شـاء الله يفيدونـك باقـي الاعضـاء اذا احد شـاف مثـل هالحـركـه امـا انـا مـاشفـت

[تووتـي0510]

مـا شـاء الله تـــبـــارك الرحمــــن

طيـــر جميل جداً اعتقــد انه نوعــه الفراشــه

ادخلـي هذا الرابـط وتعرفـي على انـواع طيـور الكوكاتيـل

موضوعي الشامل عن جميع انواع الكروان (الالوان + الطفرات)

اهتمــي فيه زيــن والله يحفـظـــه لج يـارب

[عبير الدلوووعة]

شكرا لاهتمامك وبارك الله فيكي
كان نفسي في كروان ابيض بس مالي نصيب

[تووتـي0510]

المشاركة الأصلية كتبت بواسطة عبير الدلوووعة

شكرا لاهتمامك وبارك الله فيكي
كان نفسي في كروان ابيض بس مالي نصيب

العفــو

والكــروان مو مهــم لونه مهم ذكـائــه وأنه مميز وغير كل هذا يكفــي وجـود كروان لانه كـل الكروانات روووعـــه وهذا غير تعلق طيــرك فيكي هــذا وحده شيء جميــل جداً وبصراحــه انا اعجبـت بطيـرك من ناحيـة اللون والشكل ماشاء الله تبــارك الرحمـــن وودي انـه يكـون عنــدي مثلــه مستقبــلا

اهتمــي فيه كويس ولا تهملينه لانــه هــذا روح وان شاء الله مستقبلا تقدرين تقتنين كروان ابيض وتربينهم كلهم مع بعــض

بالتــوفــيق لكي أختي

[عبير الدلوووعة]

فديت اهل الامارات