بعض التساؤلات عن البلبل

[elegant]

السلام عليكم ورحمة الله وبركاته

اخواني بسألكم عن كم شغلة محيرتني عندي بلبل توه عمره ثلاث شهور وودي اعلمه كم شغلة :

1 - التغريد وهو واقف بالايد .. انا اشوف مقاطع كثيرة بالنت لبلابل ماشاء الله يغردون وهم فوق اليد
2 - التجنيح وهو رفع الجناح لأعلى والتغريد بصوت عالي عند رؤيتي وانا اشوفها عند كثير من مربين البلابل وهي تعتبر تحية من البلبل لصاحبه .
3 - ليش لجيت امسح على رقبة البلبل مايرضى يحاول يوخر راسه من صبعي لكن باقي جسمه عادي .. يمكن لاني ماعودته وهو اصغير ؟
4 - كيف اصفر للبلبل واخلي يجيني ،، انا من زمان عندي بس تصفيرتين احاول انه يحفظهم واسمعه تصفيرات مسجله ،،، هل يميز تصفيرات كثيرة ولا كيف ؟

ارجو المساعدة اخواني

[بلاك بيري]

اهلا اخوي

بخصوص السؤال الأول \\ لابد من تعويد الطير دوما على ان يكون على يدك
السؤال الثاني \\ هذه تحدث عند التعود الشديد من البلبل على مربيه وخصوصا لما يكون هو الي يعطيه اكله وشربه باليد
السؤال الثالث \\ قد يكون غير محبب له هذه الحركه
السؤال الرابع \\ سمعه مقطع واحد حتى لا يتلخبط ويتقنه بشكل ممتاز

تحياتي

[al_ameer707]

واضيف على الاخ بلاك بيري لسه الطير صغير جدا ويبغى له فتره يعني لما يصير 10 شهور تقريبا يصير بالغ و يبدء يعطيك الرفرفه والتغريد اصبر عليه وخليك دائما انت تاكله والله يوفقك