عندي بغبغاء عمره 6 اشهر و ماياكل

[السولعي]

السلام عليكم ورحمة الله و بركاته
اخواني انا عندي بغبغاء عمره 6 اشهر خذته من 4 ايام تقريبا
اول يوم من جبته البيت ياكل حب عادي و ياكل كثير كان
اليوم الثاني بعد كان ياكل حب عادي مافي اي مشكله
اليوم الثالث قلت بنوع الاكل حطيت له تفاح و خس و الوالده قالت عطه فلفل
كل كل شي
بس المشكله يعض التفاح و الخس و تحسه يبغيه بس ياكله و يفره انا اقول يمكن ياكل جزء منه و يفر الثاني
بس بديت اشك ياريت تفيدوني
و للعلم اليوم ماكل شي انا عنده من الصبح ماشفته كل شي
!!!!!!
ياريت تفيدوني

[عاشق بغبغاء كاسكو]

لا تعطيه الفلفل لاانه يسسبب له الاسسهال وعلى ماضن هذا هو السبب

[عاشق بغبغاء كاسكو]

ونسسيت معلومه اكله البطاطس المهروسه والكوسه المهروسه واكله بيدك عشان يتعود عليك

[السولعي]

تسلم ياخوي ع الرد السريع و المعلومه المفيده
ان شالله مابعطيه فلفل

بس بخصوص اكل التفاح و الخس و طريقة اكله يعني يخذ قطعه بمنقاره و يفرها ع الارض
هل هذي طبيعيه ولا لا

[تشآرلي]

اخوي ان شاء الله الوضع طيب وربي يحفظ لك الوالده

بالبدايه

جدا حلو تنوع للطير الاكل

لكن نصيحه ابعد عن الفلفل خاصه في العمر هذا وحتى لو كبير ماانصح فيه

التفاح لما تشوفه وكانه يلعب فيه لعب يقطع ويرمي هذا طبيعي

لكن انت قطع له التفاح بشكل مربعات صغيره ويفضل انت تعطيه بيدك كل حبه او اي احد من اهلك

لكن لما تعطيه حبه كامله يبدا باللعب فيه وهوا بالاصح يشرب موية التفاح ولا تاكثر الاكل بالمشربيه

والخس عادي جدا اعطيه نص حبه راح ياخذ المستفاد منه ولا تقلق

بذكر لك اهم الاشياء

1- تفاح ( ومثل ماذكرت لك تقطعه قطع صغيره
2- كامثيره ( مقطعه )
3- ذره مسلوقه ( حاول انك تنقعها يعني تكون ناشفه شوي )
4- خس
5- كوسه مسلوقه
6- جزر
7- رمان
8- فجل
9- كيوي
10- بطاطه مسلوقه


الحبوب واهم شي ماتكون مملحه

1- دوار الشمس
2- فول سوداني
3- لوز
4- فصفص


---

ومن ناحية اليوم مااكل شي ان شاء الله كل خير

لكن ابعد الخضار عنه وحط له فقط دوار الشمس وثلاث حباب فول سوداني

واعطينا المستجدات وانا اتابع موضوعك

[السولعي]

تسلم ياخوي تشارلي
رحت للبيطري اليوم علشان اقص جناحه و اظافره لانه ياذيني يوم احطه على ايدي
جرحني لين ماقل بس باضافره قالي البيطري لا تقصها الحين لانه صغير مادري اذا كلامه صح او لا


اما من ناحية الاكل الحمدلله بدء ياكل و انت طمنتني من ناحيه ثانيه انه يعني يخذ ماي التفاح
المهم مايموت جوع علي
و تسلم مره ثانيه ع المساعده

[تشآرلي]

يسلمك ربي

قص الاظافر بهذا العمر يشكل خطر عليه ويمكن يصير معاه نزيف

اتحمل كم شهر وبعدين قصها عادي