مبتدئه وابي مساعده

[قطريه حلوه]

السلام عليكم
اختكم جديده بالمنتدى وبتربية الطيور
انا من قطر من اسبوع اول مره في حياتي اخذ لي حيوان عشان اربيه
خذت لي كاسكو من سوق واقف هذا سوق شعبي عندنا
في المحل الكاسكو كان جدا هادي ومايتحرك وايد وطبعا لان ماعندي خبره سابقه نصبوا علي
شريته ومن يوم ماخذته لين ثلاث ايام تقريبا والكاسكو هادي ومايكل الا قليل واليوم الثالث وايد تعب ومرض وديته عياده بيطريه اول ماشافه قالي هذا وايط مريض المهم عطاه ادويه ومادري شنو وقال تعالي بكره ضروري لان نتيجة تحليله بتطلع ويمكن يكون صايده فيروس خطر عليه وعلى جنسه بشكل عام
طبعا انا من خذته وهو بنفس الحال من القهر كلمت صاحب المحل وقلت له انت معطني واحد مريض وانا ابي ارجعه واخذ واحد صاحي طبعا هو راضى غصب عنه لاني اخذت من عنده بعد سلاحف وغير هاي ماخذه من محلهم اللي فالوكره بعد كناري وسلاحف والدليل ان حيواناتهم مريضه ان حتى السلحفاء اللي شريتها من سوق واقف ماتت ثاني يوم بالضبط كلمته قلت انا باروح محلكم اللي فالوكره وبارجعه واخذ غيره قالي انتي تامرين ورحت الوكره اول ماشافني صاحب المحل قالي انا قلت لج قبل اخذي من عندي انتي عاندتي وخذتي من سوق واقف وشرحت له االي صار قال صج ان احنا محل واحد بس ىنا مانصح احد ياخذ من سوق واقف لان المحبات مفتوحه على بعضها وكله حيوانات هناك واي مرض ينتقل للكل المهم رجعت له الكاسكو وبعد يومين بتوصل له دفعه جديده وبيتصل فيني عشان اخذ واحد ثاني
ادري طولت عليكم هههههههههههههههه معليه جديده واستحملوني
المهم انا مالي اي خبره سابقه وبعد يومين او يوم باخذ لي واحد جديد ياريت احد يشرح لي بالتفصيل كيفية ترويض الكاسكو في فتره بسيطه ومنعه من العض وهل لازم اول ماجيبه ماخلي احد يشوفه اول يتعامل معاه غيري عشان ياخذ علي ويتعود على الوضع الجديد وهل لازم اغطي القفص والا اشلون بالضبط ياريت تشرحون لي بتفصيل كوني جديده بهالشغله ههههههههههه
اتمنى تساعدوني في طريقة ترويضه عشان يتعود علي وترى انا من النوع الخواف بس خاطري اربي كاسكو ههههههههههه
وممكن اعرف شنو نوع الاكل اللي اقدر اعطيه غير الحب
ولكم تحياتي والله يعطيكم العافيه على المنتدى الروعه الصراحه

[حبني لك]

هلابك اختي

و الله يعينك


قبل ما تاخذين الطير شوفي تحركاته و برازه الله يكرمك بالقفص حقه اهم شي مايكون فيه براز ساائل مره

الطير يكون سسليم مايكون نافشش ريشه الريشش نظيف و يكون عمره صغير

وتتقدرين تعرفين العمر و كل شي يخص الطير بـ هالرابط
ويارب تستفيدين

http://www.2zoo.com/vb/showthread.php?t=45945



واهم شي اختي لا تستعجلين بالطير


والله يوفقك

[فيوزي]

يالغلا اول ش انت مبتدي يعني من الافضل انك تاخدة لك فرخ بعمر 5 او 6شهور وكل ما كبر الطير كل ما صعب ترويضه
اول شئ خلي الطير اختي في البيت مدة اسبوعين او 3 لكي يتوالف على البيت ويتأقلم
بعدين ابدي يتأكيله من اليد
اول شئ خليه يولف على البيت
بعدين جيبي خشبتين وطلعيه على الخشبه وطلعيه على الخشبه الثانيه وبعدين على يدك
اهم شئ الصبر
وهذه طرق لي ترويضه
http://www.youtube.com/watch?v=Sib2aI8Szrc
بس هذه شوي كبير ي العمر

زي كذا بخشبتين
http://www.youtube.com/watch?v=XZGwL...eature=related
وراح ييدونك الاخوان والخبراء
تقبلي مروري

[بلاك بيري]

ماشاءالله

مالي كلام فوق كلام اخواني

موفقه بكل خير

[قطريه حلوه]

مشكورين على سرعة الاستجابه والله يعطيكم العافيه
اخ فيوزي يعني تقصد ماطلعه من القفص او امسكه لما يتعود على البيت؟
وفي ناس انصحوني بعد ان ماعرضه على اللي معاي فالبيت على طول يعني احاول اخليه بعيد عنهم واحاول بين فتره وفتره اغطي القفص واكلمه وانا بروحي عشان يتعود على صوتي
هل صحيح هالشي؟

[آنآستــآزيآ]

.. ماشــاءاللهـ الأخــووهـ مــا قصــرووا .. ^_^ ..

اخ فيوزي يعني تقصد ماطلعه من القفص او امسكه لما يتعود على البيت؟

.. آيــ نعــم .. تخلّينــهـ أسبــووع وااحــد كفاايــهـ مــع توفيــر الهــدووء والأمــآن بـ الــذاات ومــا تزعجــوونهـ بـ الصــرااخ والنفــااخ وتحريــكـ القفــص ! وتقدريــن بـ هـ المــدة تروحيــن عنــدهـ وتكلمينــهـ وممكــن تدخليــن يــدكـ وتأكلينــهـ بهــاا .. وبعــد هـ الأسبــووع تطلعينــهـ وتلعبيــن معــااهـ وتدربينــهـ ..

وفي ناس انصحوني بعد ان ماعرضه على اللي معاي فالبيت على طول يعني احاول اخليه بعيد عنهم واحاول بين فتره وفتره اغطي القفص واكلمه وانا بروحي عشان يتعود على صوتي
هل صحيح هالشي؟

.. هــوو طبيعــي الطيــر رااح يحــب مربيــهـ !! فـ لــوو أنتــي فقــط تروحيــن لــهـ وتأكلينــهـ وتنظفيــن قفصــهـ وتتكلميــن وتلعبيــن معــااهـ وتعاملينــهـ بـ لطــف رااح يحبــكـ حــب ديــد حســب حبــكـ لــهـ .. وطبيعــي رااح يتعاامــل مــع الآخريــن بـ شرااســة غالبــااً .. إلا لــوو حتــى الباقيــن يحبــوونهـ ويتناوبــوون فــي اللعــب معــااهـ .. فـ بـ اختصــاار .. الطاائــر يحــب مــن يحبــهـ ..

.. آنآستــآزيآ ..

[قطريه حلوه]

مشكور اخ اناستازيا على المساعده والله يعطيك العافيه على النصايح
ماقصرت اخوي