ابي مساعده مهمه في بيض الكروان

[الكروانـه nodi]

السلام عليكم ودحمة الله ،بركاته


اليوم انتبهت ان الكروان انتج بيضتين ، البيضه الاولى لقيتها في البوكس اللي هو العش وجالس عليها الذكر
اما البيضه الثانيه لقيتها طايحه بالقفص تحت ،، جيت ابي اشيلها احطها بالبوكس بس لقيتها كنها مكسوره خليتها مكانها

وقريت فمنتدى ثاني ان الانثى تستمر في وضع البيض لاكثر من يوم الين يصيرون 5 بيضات تقريبا

ايش اسوي ؟؟؟

احط منشفه عشان اذا طاح البيض ما ينكسر ؟؟ واصلا ايش اللي خلاها تبيض برا البوكس ؟ مو غريبه ؟


وكيف اهتم بالطيور في فترة الحضانه !!




بليز ساعدوني انا مبتدئه وحتا طيوري ماهي متالفه علي :[ ماتحبني

الانثى شوي اقدرلها اما الذكر ماقدر اقرب جمبه حتى !

[طير المملكة]

عليكم السلام ورحمة الله وبركاته

بالنسبة عن البيضة في الخارج فهناك سببين رئيسيين

اما ان الانثى كانت بتبيض وماسكة نفسها ما قدرت حتى تنتظر الى ان توصل للعش
فطاحت وانكسرت

او انه حس الزوج فلما يعرفون ان في بيضة مو ملقحة راح يتخلصون منها خارج العش

الانثى مو لازم 5 بيضات فالمعدل من 4 الى 9 بالكثير

واحيان تضع بيضها بأيام متتالية واحيان يوم تضع ويوم لا واحيان يوم تضع ويومين لا
واحيان غير منتظم

بس عليك بالتغذية واهتمي بالكالسيوم للأنثى لانه تخسر كالسيوم كثير هالفترة

مو ما يحبونك بس يحتاجون الى ترويض لانهم مو متعودين على البشر
لاكن الحين دام يحطون البيض لا تزعجينهم وتحاولين تمسكينهم وتخرجينهم
خليهم براحتهم

وان شاء الله الفروخ روضيهم وبتشوفين كيف راح يعتادون عليك

[الكروانـه nodi]

يعطيك الـــــــــــــــــــــــــــــــف عافيه يارب

ششكرا ...


بس ايش الكالسيوم اللي اعطيهم ؟؟ وقريت اني احط زيت كبد الحوت مع المويه !! احطه صدق ؟

[طير المملكة]

المشاركة الأصلية كتبت بواسطة الكروانـه nodi

يعطيك الـــــــــــــــــــــــــــــــف عافيه يارب

ششكرا ...


بس ايش الكالسيوم اللي اعطيهم ؟؟ وقريت اني احط زيت كبد الحوت مع المويه !! احطه صدق ؟

الله يعافيك ويخليك يارب

ولو حاضرين للغاليين

الكالسيوم الله يخليك في اشياء وايد فيها الكالسيوم
انا سمعت عن زيت كبد الحوت بس ما اعرف نتائجه لاني ماقط استخدمته واشوف اني ما احتاجه اصلا

عندك بيض البقسماط + قشور البيض الغير مطبوخ + ظهر الحبار
هذولا اكبر مصادر الكالسيوم
وزيادة الخس والخيار والجزر
لهذا السبب ما احتاج الزيت

فيوم الاهل مسوين طبخة فيها بيض اخذ القشور افرفتهم صغار واحطه مع اكل الطير

ومرة في الاسبوع اعطيهم بيض البقسماط

ومرتين في الاسبوع احط لهم الي يزيد من عند الاهل خس وجرجير واحط له خيار مبشور وجزر مبشور مو كثير الي يزيد في البيت بس من السلطة

فمافي خسائر ولا شيء والطيور عايشة بصحة وعلى كيفها والكالسيوم متوافر

ان شاء الله افدتك
واي خدمات حاضرين

[الكروانـه nodi]

ذبحـــــــــــــــــــــــــوا بيـــــــــــــــضهم ايش اسوي فيهم اذبحهم الحين ؟؟؟؟

متى تصير عملية التخصيب الثانيه ؟؟؟؟


قهروني ... بيضتين طلعتها برا العش والبيضه اللي كان يحضنها صقر رموها وكنها بلونه منفشه كذا اوف منهم




:[ بس بحطلهم كالسيوم

[ابو ريمان]

المشاركة الأصلية كتبت بواسطة الكروانـه nodi

ذبحـــــــــــــــــــــــــوا بيـــــــــــــــضهم ايش اسوي فيهم اذبحهم الحين ؟؟؟؟

متى تصير عملية التخصيب الثانيه ؟؟؟؟


قهروني ... بيضتين طلعتها برا العش والبيضه اللي كان يحضنها صقر رموها وكنها بلونه منفشه كذا اوف منهم




:[ بس بحطلهم كالسيوم

قولي الحمدلله يا اختي ولعله خير لكي ان شاء الله ولا تزعلين

بخصوص البيضتين اللي طلعوها برا البيااضه( العش )
يا انك يا اختي تزعجيهم وكل شوي تفكين عليهم العشه اكيد راح يتضايقو ويخافو وراح يهملو
موضوع الانتاااج عندك

او ان البيضه غير ملقحه يا اختي ورموها في الخارج

لكن الاحتمال الاول اقرب يا اختي الله يسعدك

المهم عليكي الان تبدئي من جديد بدايه صحيحه علشان ما تعانين مثل هذه التجربه الاولى

وفري اكل مفيد وصحي وعليكي بالفيتامينات للتخصيب
وفري عظمة الحبار يا اختي ( الكالسيوم )
واهم شي يا اختي انك لا تزعجيهم ابد ابد ابد يعني يا اختي
في الاسبوع مره تفتحين البيضه علشان تشوفين في بيضه او لا اذا كان عندك شغف

وان شاء الله الانتاج الثاني راح يكون احسن يا اختي
ارجع اقلك ثاني لا تفكين العشه كل شوي وتطفشيهم علشان يحسو بالأمان والراحه
ويتقبلو ا انهم ينتجون عندك