اسئلة بخصوص الاغوانا

[iguana lover]

هلا اعضاء

شخباركم؟؟؟

عندي بعض الاستفسارات ..

طبعا من كثر ماكنت متحمسه ومستانسه اني لقيت الاجوانا .. نسيت اسال هالاسئله

كيف اعرف عمر الاجوانا؟وكيف اعرف اذا هي ذكر او انثى؟

وهل لازم اوديها عنند البيطري عشان يجيك عليها ولا؟؟

الشي الوحيد اللي اعرفه ان يايبينها من امريكا

وهاي هي

[iguana lover]

وبخصوص الماي .. كيف احطه لها .. لان حطيت لها بصحن صغير شبه مسطح وماكانت تقرب منه او لازم يكون عمستوا اعلى ولا كيف؟

وبخصوص الاكل .. ما اشوف ان هي بروحها تروح للاكل .. انا كنت ااكلها بيدي .. واكلتها خس وجزر

[*حامي الحيوان*]

أول شيء مبروك على الغوانا

وصدقيني راح تحبين تربيتها


كيف اعرف عمر الاجوانا؟

بالنسبة للعمر صعب معرفته وهي صغيرة ولكن عطيني طولها

وأنشاء الله أعرف

وكيف اعرف اذا هي ذكر او انثى؟

ألي عندك أنشاء الله أذا ما خاب ضني أنثى لان الذكر

يكون على أيدة ورجلة من تحت يعني السيقان لون برتقالي خفيف

نفس ألي على ظهرها

وهل لازم اوديها عنند البيطري عشان يجيك عليها ولا؟؟

هو مو لازم بس أذا حبيتي تودينها للفحص عادي مافي أي مشكلة

__________________________

وبالنسبة للماء حطي لها في بيتها وعاء( مهم ) نفس البركة المصغرة لها

ويفضل أنها تكون تحت الاضاءة حتى تدفي الماء

والاكل أنا أول ما شريت أغوانا كنت أوكلها من أيدي حتى تتعود علي

ولكن بعد ما تعودت قمت أخليها تأكل بنفسها

يعني أنتي وكليها من أيديك لين تتعود شوي وبعدين

تقدرين تحطين الاكل ببيتها وهي تأكل


وأي سؤال أنا حاضر




تحياااااااااااااااااااااااااااااااااااااااااااااتي

[iguana lover]

المشكله اني من الصبح فالدوام لين العصر او المغرب

والله فالدوام يالسه وقلبي عندها اذا كلت او لا .. ولا شربت ماي او لا

واول مارديت من الدوام اليوم احاول وياها عشان تاكل من ايدي بس ماشي فايده .. شكلها مسطله ولا بترقد ماعرف شوو

وهذا شكل الحوض



وهذا هو (كالما) كلمة اسبانيه يعني هادي



هذا ثاني يوم له عندي

وماعرف هل هالاشيا اللي تصير وياي عادي او لا .. لان بصراحه اول مره امتلك حيوان خاص فيني انا .. بالعاده يكون عنا فالبيت قطوه وكاسكو كناري ببغاء صغير

بس حيوان زاحف .. ها اول مره .. حتى اخواني ماعندهم خلفيه عن تربية الزواحف

عشان جيه اسال

وتسلم حامي

[*حامي الحيوان*]

هو مو بالضرورة توكلينهم بيدك خلاص أنتي حطيلهم الاكل في البيت

وهم أنشاء الله بياكلون وأذا ما كلت عادي أنتي تقولون أنه صارلك يومين

يعني يبيلهم فترة يتعودون

وأهم شيء متى ما لقيتي وقت فراغ طلعيها من البيت وحطيها على كتفك

وهي بنفسها راح تصعد على ظهرك وراح تتعود أنشاء الله

وهذا الموضوع راح يفيدك

http://www.2zoo.com/vb/showthread.php?t=5951




تحياااااااااااااااااااااااااااااااااااااااااااااااااتي

[iguana lover]

تسلم

عالتجاوب السريع

لاني كنت احاتي بصرااحه

يزاك الله خير

[روووني]

بآلتوووفيق آن شآلله تتعودون ع بعض بسسرعه ومااتتفآرقوون يآرب


مشآلله حآمي مآقصرر


كفى ووفى