اشترك في نشرتنا البريدية ليصلك كل جديد

الحلم الوردي · 23-10-2009, 12:01 AM

بسم الله الرحمن الرحيم

السلام عليكم ورحة الله وبركاته

اما بعد........

انا قبل يومين كتبت موضوع عن ببغاء لولو

وقلت فيه انه الببغاء مب طبيعي وما يتكلم

وهذا رابط الموضوع

http://www.2zoo.com/vb/showthread.php?t=125843

وقال لي بعض الاعضاء انه ممكن يكون حاله نفسية

حاولت اقرب منه اكثر واحاول العبة بس بدون فايدة

المهم انا قلت خلني اودي للبيطري

وديته للبيطري وراويته الببغء

وشاف البراز ماله الله يعزكم

واول ما شافه قالي انه الببغاء مريض وعندة جرثومة في عصب رجليه

وقالي انه بيعطين علاج قوي جدا

بس مو اكيد انه يتعالج وقال انه في احتمال 50% يتعاج ويرجع نفس اول

او ممكن انه العلاج ما يشفي والمرض يكبر فيه لين ما يسيطر عليه ويموت لا سمح الله

وقالي اي اجيبي له بعد ثلاث ايام عشان ايشوفه

بس ابي اعرف هل في حد سمع عن هذا المرض قبل

والي يعرف اي شي ياريت ما يبخل علي

لاني والله خايف عليه

ولو مات او شي والله الا ازعل عليه

لاني اتعلقت فيه كثير كثير

وما اقدر استغني عنه

ارجوكم الي يقدر يفيدني ما يبخل علي

اخوكم محمد

sneak-96 · 23-10-2009, 12:49 AM

الله يشفيه ان شاء الله

والطيور بشكل علم تصاب بالجراثيم

وانا شفت طير مقصوص منقاره وعينه ممسوحة

يقولوا جاته جرثومة وسوى له عملية

انا افضل انك توديه عند بيطري اخر وله خبرة اكثر

ولو كانت عيادة بيطيري راح يكون افضل

ولو الجرثومة كبيرة وراح تنتشر يمكن الافضل بتر الرجل

افضل من موت الطير .. والله اعلم

وان شاء الله يتشافى .

الكاسيكو · 23-10-2009, 01:04 AM

السلام عليكم

بصراحه هذا البيطري غريب امره كيف ينظر الى براز الطائر ويقول ان طائرك مريض في عصب رجله فمادخل رجله في معدته وكيف استطاع ان يحدد المرض من خلال النظر الى البراز دون تحليل مخبري .

فأذا كان هناك مشكله في رجل الطائر ممكن علاجها عن طريق نظافه المنطقه المصابه بالمطهرات ووضع مراهم او بودره كمضاد حيوي وكذلك اعطائه مضاد حيوي عن طريق ماء الشرب.

وبصراحه اول مره اسمع بموضوع الجرثومه وقد قضيت سنوات في دراسه و تربيه وتدريب وانتاج الكاسيكو لم اسمع مثل هذا الموضوع .

صوغة · 23-10-2009, 01:13 AM

يمكن الطبيب صاحب خبرة كبيرة ومن النظر لفضلات الطائر عرف السبب لانه اي التهاب باي عصب او بااي جزء بجسم الطائر تأثر على الطائر بشكل كامل ..

لكن مثل ماقالوا لك الاخوان جرب طبيب اخر والله يعينك

وان شاءالله يدخل من يفيدك

الحلم الوردي · 23-10-2009, 01:20 AM

مشكووووورين اخواني على المروور

وانا ان شاء الله باخذه بكرا عند دكتور ثاني وبشوف شو يصير

والله حالة غريبة ها الببغاء
بس انا اشوفه وهو واقف على العصا مال القفص تكون وقفته مب طبيعية

ريوله مب طبيعية

الله يعيني

وما اتقصرون

ابو محمــد · 23-10-2009, 02:22 AM

غريب هذا الدكتور أول مره اسمع بجرثومه عصب الرجل لكن ممكن ترسل لي ع الخاص وتزودني بالعلاج اللي عطاك وبالتقرير عن حالته وانا بكلم دكتور صديق لي عن حالته ،،

الحلم الوردي · 23-10-2009, 02:26 AM

مشكور اخوي ابو محمد على اهتمامك في الموضوع

والحين بزودك في المعلومات الي تباها على الخاص

راينو · 23-10-2009, 02:54 AM

يمكن تصير
ليه لا
انا درتي لو تشوفون منقارها تخافون
او السالفة منقارها اكسر كسره خفيفه
ثم بدت تكبر مع الوقت
وريته دكتور بيطري قالي هذا زي الجرثوم او صديد
عطاني اسم علاج
دورته بمحلات الحيوانات ما لقيته
لما دخلت على واحد فيه بيطري و سألته قال ما فيه ذا العلاج بس جب الطير و انا اشوف
و يوم وديت له الطير
بدون ما يشاور قال هذا صديد بالمنقار لازم ينشال
و شاله و يوم شاله والله انه جتني دوخه و هو يشيله
و الله يوم شاله رجعت حالته افضل من اول صارت تصارخ ( صراخ الدره المعروف )
و تلعب و نشطت
و معليش اخوي بس حبيت اوريك معاناتي مع طيري و الجراثيم

الحلم الوردي · 23-10-2009, 03:04 AM

بس اخوي انا مشكلتي ويا الكاسكو مالي انه

ما في شي يبين انه ريله مصابة او شي من ها الكلام

ريله طبيعية بس احس وقفته مب طبيعية في شي غلط

الله يكو في عوني

ومشكور على الافادة

الكاسيكو · 23-10-2009, 11:18 AM

السلام عليكم

هل طيرك يأكل ويشرب طبيعي وهل طيرك من الطيور المستورده المسماه هولندي وهل يقف بطريقه مائله اي على جنب واحد.

اما كلام الاخت صوغه بأن الطبيب يكون ذا خبره بحيث بنظره واحده يمكن ان ينظر ويحلل ويعطي النتيجه مباشره فهذا كلام غير منطقي من خلال خبرتي بالبيطريين الموجودييين لدينا.