الفزعه ياالخبراء

[تفاحه حمرا]

مرحبا شحالكم اخواني

ا نا اشتر يت هامستر امس زوج بس ماعرف نوعه واالله

هو اليف ومايعض بس بغيت اسألكم من وين اييب له نشاره حق القفص مااااله ؟؟


وشوبعد

هيه شواخليهم ياكلوون

ياكلون خيار ولا؟؟

لاني اخاف اعطيهم اي شي يضرهم ويصيرلهم شي

ولوعندكم اي نصييحه ياليت ماتبخلون علي فيها ..

[the snipr]

tamam
nsharat al5ashab t7a9lenha 3end m7allat al7aiwanat
w taklenhom 7ab dawar alshams
aw fe 5ale6 men althora w al7bob hatha zen lehom
w ba3ad al5as imoton 3aleh
w al5iar sma3t ennah mob zen
w shokran

[قلب للبيع]

اذا كان الهمستر صغير جداً فهو روسي

واذا كان حجمه مثل الفأر تقريباً فهو سوري

واكيد مايعض لانه اليف ..

والنشارة تحصلها عند النجار.. روح له وقول انك تبي نشارة خشب خشنه

و\وعن الاكل:
حب شمسي يومياً
خس كل يومين او 3
خيار بس لاتكثر منه وايد يعني في الاسبوع مرة او مرتين تكفي
جزر
جبن لا تعطيه بالمررررررررررررررره
وتجنب الاطعمة المالحة والدهنية والحلويات

وماادري اذا تعرف هالشي او لا... لا تبلل الهمستر بالماء ولا تسبحه بالمره

[رعوود]

اختي



مبروكين عليج


وبالنسبه للنشارة

ما ينصح بالي عند النجار

الاحسن تاخذينها
من محل بيع المستلزمات
لانها تكون معقمه

وبالنسبه للاكل
خلطة الحبوب تلقاها بمحل بيع الحيوانات
وتعطيه خضروات وفواكه مرتين ابالسبوع

[تفاحه حمرا]

the snipr
ثانكس عالرد خيووو وماقصرت


قلب للبيع
بصراحه شككتني فيه انا قلت لراعي المحل هذه شونوعه
قالي روسي.. بس شكله شووي دب مثل ماقلت مثل الفار والحين شاكه
ان شاءالله اليوم بحط صوورته عشان تقولون لي شونووعه ..
وتسلم ماقصرت


رعوود
الله يبارك فحياتك خيوو ..
ان شاء الله بحااول اشووف من عند المحلات
وماقصرت عالنصايح
تسلم اخووي

[توتي]

حبيبتي بتلقينه في مكان ما يخطر على البال انا روحي تفجأة يوم لقيته لووووووووووووول

سيري الكارفور في ركن الحيوانات اللي يبيعون فيه اغراض ومستلزمات الحيونات من قطاوه وطيور واسماك وغيرها وبتلقينه هناك.. انا اشتريته من هناك حق سنجوبتي واشتريت بعد قش للأرانب.. مغلف وجاهز ورخيص ما توقعه بهالرخص..

أختج/ توتي

[تيمو]

اختي تفاحه حمرا الهمستر اذا كان لونه رصاصي او ابيض وفي منتصف الظهر خط اسود يبقي روسي اما اذا كان ملون برتقالي او ابيض ساده وهذه الالوان يبقي سوري

[Withered Rose]

ألف مبروووووووووكـ على الهامسترز تفاحة حمرا و الأعضاء ما قصروا و أتمنى لج تربية موفقة ..
و هذا موضوع يحتوي على كافة المواضيع المهمة ..
http://www.2zoo.com/vb/showthread.php?t=12329

[صاحبة وفا]

يبيعون اكل مخصص للهامستر ونشارة الخشب.. اذا انتي فالامارات بدلج وين

[تفاحه حمرا]

توتي
مشكورة ع الرد فديتج
بصراحه انا ماكد رحت كارفور قسم الحيوانات بس زين خبرتيني
بسير اشوووف وان شاء الله القى ...

تيمو
هو لونه اسوود كامل
والثاني لونه بني ويا ابيض اعتقد ولله نسيت خخخ
بس عقب بحط صورته وبخبركم

Withered Rose
الله يبارك فيج
وتسلمين ع الوصله
السموحه تراني يديده فهالقسم لوول
وشكراً عالمرور عزيزتي


صاحبة وفا
هيه انا من الامارات ومن بوظبي
اتريا ردج