شو رايكم أعرفكم على طيوري؟؟ ( صور )

[توتي]

السلام عليكم ورحمة الله وبركاته

بدايتا.. حبيت اشكر كل القائمين على هذا المنتدى الرائع.. وشكر خاص لمشرفين منتدى طيور الزينه والببغاوات بالذات..

بما اني عضوه معاكم في المنتدى حبيت اعرض لكم اليووم صور طيوري..

بسم الله ابدأ..

أول طير اربيه في حياتي هي ( توتي ) دره هنديه أليفه 100% إهداء من اخويه الكبير.. وكانت امنيتي من زمان اني اربي طير.. وهو حقق لي هذي الامنيه وسواها مفجأه لي..

هذي صورتها ما عندي غيرها للأسف..



وبعد ما طارت توتي وحزنت عليها.. اهداني اخويه ( موني ) الرمادي الافريقي.. حبوب جدا جدا.. كان يخاف في البدايه بس توتي قضت على خوفه وصار صديقها.. يتكلم والحين شوي قام يتعلم الرقص من عشبوه اشوفه هالايام يهز راسه شوي.. اليف.. ويسمع الكلام دايما وذكي جدا جدا..

وهذي موني مفجوعه على شي اسمه ذره...



وبعدين يتنا عشبوه.. عاد ( عشبوه ) لو بتكلم عنها ما بخلص.. عشبوه هاي حبيبتي.. اختي سمتها بهذا الاسم الانها اول ما يتنا كانت صغيره ولونها مثل لون العشب الاخضر.. دره نيباليه انثى.. وما توقعت انه تربيه النيبالي حلوه وممتعه اذا كان صغير لهذي الدرجه.. عشبوتي تتكلم وتقلد بكاء الاطفال وتقلد ضحكات الناس.. وترقص فديتها يوم اقولها ارقصي.. ودايما تسمع الكلام ادخلي القفص تدخل اطلعي تطلع تعالي اتي.. الله يحفظها ويخليها لي يا رب.. كملت عندي اكثر من سنه ما شاء الله.. (اوعدكم بمقطع فيديوا وهي ترقص قريب..)

وهذي عشبوع على ستاراتي... خبلتي هالعشبوه..



وبعد عشبوه بشهرين رجعت من السفر لقيت رمادي ثاني من اخويه.. وصار صديق موني.. بس كان متوحش وما عندي وقت اربيه من يديد... عطيته اخويه الكبير وليتني ما عطيته الانه اهمله ومات.. ويوم مات اخفوا عني الموضوع ما خبروني.. ويوم سألت عنه قالوا لي انه طار.. وبعد مده عرفت انه مات بسبب البعوض.. الله يسامحهم بس..

وهالثنائي المرح..



وبعد بفتره طويله كان ودي اربي كوكاتيل.. وقلت الامي وهذيك الفتره كانت فتره انفلونزا الطيور.. فكانوا خايفين من كل شي حتى طيوري.. وانا كنت مصره على الكوكاتيل.. وسبحان الله تفجأه بطباخنا الهندي ماسك كوكاتيل من برع لقاه في الشارع جدام البيت وهو يعرف اني احب الطيور ومسكه لي.. وعطاني اياه.. في البدايه لقيت رفض من الوالد والوالده.. لكن اقنعتهم بطريقتي الخاصه.. وسميته ( كوكو ) وللحين عندي.. حبوب واليف ما يعض.. وقتها كان صغير.. والحين قام يطلع اصوات حلوه وغريبه..

وهذي كوكو مجابيلي على اللاب..



بلحظه جنون قررت اني ابيع طيوري كلهم.. مع انه هالطيور ما يتعوضون ابدا.. حاولت بكل الطرق اني ابيعهم لكن سبحان الله الله ما كتب لي هالبيعه.. وللحين عندي.. فديتهم كلهم الله يحفظهم ويخليهم لي.. تربيه الطيور شي رائع وفن ممتع وجميل.. امنيتي بمشروع مزرعه كبيره فيها جميع انواع الطيور.. الله يوفق الجميع..

أختكم/ توتي

[عاشقة الطيور]

واااااو الله يخليهم لج يارب
موضوع رائع والصور اروع من عضوه رائعه
اتمنى ان تتحقق امنيتج

[توتي]

ثانكس.. حبيبتي عشوقه.. وشكرا على المرور الحلوو.. والرد الاحلى..

[فطوم]

فديتهم يهبلون الله يخليهم لج انشاءالله وتتهنين فيهم ومايحرمج منهم وتشوفين انتاجهم يااااااااارب

ماشاءالله عليج مبين انج صج مهتمه فيهم ومجابلتهم الله لايحرمج منهم

[عاشق الطاؤوس]

حلوين وظريفين
الله يخليهم لكِ
وانشاء الله يزيدون

[توتي]

فديت روحج ياااا فطووم نورتي الموضوع الغاليه.. شكرا على الرد اللي اسعدني.. والله يسمع منج..

هلا بك اخوي عاشق الطاووس وشكرا على المرور..

[قلب الماس]

ماشاء الله عليهم ياتوتي الله يخليهم لج مجموعه اكثر من رائعه وتحملي تفكرين تبيعينهم ومبين انج مهتمه وان شاء الله دوووم هالاهتمام
والله يحقق لج امنييتج

[توتي]

تسلمين لي والله يا قلب الماس.. بس خلاص ما بفكر بهالتفكير موول.. طيوري احبهم وااايد عشرت عمر.. توتي زعلت وطارت الاني اهملتها اول ما توظفت.. وحزنت عليها واايد.. سبحان الله يقولون الطيور تحس بصاحبها وانا ما كنت اصدق.. الا يوم اهملت توتي وطارت عني..
شكرا مره ثانيه..

[Luis]

عسى الله يوفقج يارب ويعطيج على قد نياتج...

وتفتتحين مشروعج ويصير ناجح بإذن الله...

طيورج جميلة ماشاء الله...

[مشاغــب]

موضوووع صج رائع


وزين الي علمتينا عن ببغاواتج


بس حسافه .. موطالعه معاي الصور


والله لا يحرمنا من جديدج