اكل القطط !! هام

[n5ltah]

السلام عليكم

حبيت اسال عن اكل القطط غير الدراي فود والاكل المعلب

يعني مثلا تقدر تاكل مثل اكلنا لان وقت الاكل تجي عند رجولي وتنط ع الطاوله تبي تاكل واخاف يضرها اكلنا مع اني احطلها اكلها بس مانفع دايم تنط وتشم بعض الاحيان يعجبها وتاكل وبعض الاحيان مايعجبها وتروح وش اسووي ؟؟

[باغيرا]

وعليكم السلام ورحمة الله وبركاته
اكيد ممكن تاكل من البيت
مثل الدجاج المسلوق واللحم المسلوق بس طبعا من غير بهار
وارز ومعكرونة وكوسة مسلوقة وبيض وزبادي قليل الدسم وسيرلاك
والعديد من الوجبات المفيدة

[Latti]

اكيد يضرها لان فيه ملح وبهارات وغيره من الاشياء الي ما تنفع لها

ممكن تاكلها دجاج مسلوق بدون ملح فقط مويه وكمان ممكن لحم نفس الشي بدون ملح وسمك وممكن تخلطه مع خضار

وتقدر تاكلها مكرونه مسلوقه بدون ملح فقط مويه وتحط لها من الدجاج او اللحم المسلوق بس مو دايما مكرونه يعني بين فتره وفتره

وبعد زبادي قليل الدسم تحميه وتزيده شوي مويه وتخليه دافي وتحط جواته لحم كتغيير

وبعد رز مسلوق مع شوي دجاج وخضار

ممكن سريلاك القمح

وبعد بيضه مسلوقه

ممكن كورن فليكس

الاشياء الي ممكن تضر قطتك ولازم تبتعد عنها الي هي الملح والبهارات والطماطم والشوكلت والثوم والبصل
اشياء كثيره بس هذول الي حضروني الحين

والسمك لا تكثر لها لانه كثرته تسبب تساقط الشعر

وبالعافيه عليها

صح ممكن ما تتقبل بعض الاشياء يعني ما تعجبها انت جرب وشوف الي راح تحبهم وخليهم بقائمتها وكل مره سوي لها تغيير

ان شاءالله افدتك