كوكتيلك هايقولك انت بتحبه اد ايه !!

[bonsho]

السلام عليكم ورحمه الله وبركاته
اعضاء المنتدى الاعزاء
واعضاء قسم الكروان خاصا
ازيكوا ؟؟
النهارده شوفت موضوع فى منتدى تانى عجبنى اوى بس انا بكرهه اوى موضوع انك تنقل موضوع
قلت لازم احط عليه لمستى
طبعا الموضوع كله بمجهودى بالمضضمون والصور كله
الفكرة بس هى اللى مش فكرتى

نبدأ الموضوع
كوكتيلك هايقولك انت بتحيه اد ايه
هاسألك شويه اسئله من خلالها كروانك هايقولك انت بتحبه اد ايه
هات ورقه معاك وسجل انت جاوبت بكام نعم وبكام لا

ونبدأ
1: هل كوكتيلك له اسم محدد دايما بتناديه بيه ؟
2:هل لما بتكون خارج برا البيت وترجع بالسلامه بتسلم على كوكتيلك ؟
3: هل بتكلم كوكتيلك وانت واقف قدام القفص او وانت بتغير الميا او الاكل؟
4:هل بتخرج كوكتيلك كل شويه من القفص تلعب معاه او بتدخل ايدك القفص كل شويه تلاعبه ؟
5: هل لما بتلاقى كوكتيلك بيصفر بصوت عالى او بيعمل نغمات بتحاول تكلمه من بعيد او تقلد صوته علشان يتفاعل معاك ؟
6:هل تعرف كل صوت كوكتيلك بيصدره بيبقى معناه ايه ؟
7:هل لما بتقف جمب القفص او تتأمله بتضحك دايما ؟
8:هل تعرف علامات مرض الكوكتيل؟
9:هل بتحس امتى كوكتيلك بيبقى عايز يلعب وامتى لا ؟
10:هل كوكتيلك بيسمحلك تحسس على جسمه وراسه من غير مايعضك ؟
11: هل كوكتيلك بياكل من ايدك ؟
12:هل كوكتيلك بيقف على كتفك ؟
13:هل كوكتيلك لما بتعدى جمب قفصه ومش تبص له بيصفر بصوت عالى ؟
14:هل بتعتبر كوكتيلك جزء من اسرتك ؟
15: هل تشعر ان كوكتيلك يحبك ؟
انتهت الاسئله ال15
نيجى للنتايج ونشوف كوكتيلك هايقولك ايه

شوف معاى عدد الاسئله الل جاوبت عليها ب(لا)

1: لو عندك من 1الى 5 اسئله متجاوب عليها بلا
كوكتيلك هايقولك
((انا وانت اعز اصحاب وانا بحبك جدا لانك بتحبنى واد ايه ببقى فرحان لما بشوفك واقف قدام القفص تكلمنى ))


2: لو عندك من 6 الى 9 اسئله متجاوبه بلا
كوكتيلك هايقولك
((انا بحبك بس انت مش بتحبنى زى ماانا بحبك وبحاول اعبرلك عن حبى بس انت مش حاسس بى اهتم بى اكتر لانى بفرح لما انت بتهتم بى ))


3:لو عندك من 9الى 13 اسئله متجاوبه بلا
كوكتيلك هايوقلك
((انا بالنسبه لك مجرد عصفور محطوط فى القفص ولا راح ولا جه ومش حاسس انى ممكن اكون افضل صديق ممكن تلاقيه فى حياتك فكر تانى وعيد النظر فى حبك لى ))


4: لوعندك من 12الى 15 اسئله متجاوبه بلا
كوكتيلك هايقولك
(( انت مش مهتم بى ولا بتحبنى ولا امثلك حاجة فى حياتك علشان كدا انا عمرى ماحب حد مابيهتمش بى ولا بحبى ))


ان شاء الله كلكوا كوكتيلاتكوا تقول الحاله الالولى
ولازم كل واحد يقول نتيجته طلعت بأيه

وانا هاكون اول واحده ارد على الموضوع واقول جبت كام

تعبت فى الموضوع علشان خاطركم واتمنى يعجبكم
تحياتى بونشو

[bonsho]

الصراحه
انا عندى اجابتين بلا
وانا كوكتيلى قالى
((انا وانت اعز اصحاب وانا بحبك جدا لانك بتحبنى واد ايه ببقى فرحان لما بشوفك واقف قدام القفص تكلمنى ))

[abo_hazm]

كلام جميل فعلا ..

واسئلة موثقة على حسب خبرات محبين الطيور وفهمهم لنفسيات الطيور

فعلا اشكرك على هذا الموضوع الرائع .

واصلي ابداعك ..

[mostafa107]

جمييييييييل جدا تنسيق و صور و اسلوب مميز ماشاء الله عليكى

بس كدة لو طبقته على الروز ممكن يشتمنى ههههههههه

شكرا على الموضوع المميز

[bonsho]

المشاركة الأصلية كتبت بواسطة mostafa107

جمييييييييل جدا تنسيق و صور و اسلوب مميز ماشاء الله عليكى

بس كدة لو طبقته على الروز ممكن يشتمنى ههههههههه

شكرا على الموضوع المميز

ههههههههههههههههههههههههههههههه
طبقه عادى هاتنفع باردوا
شكرا

[bonsho]

المشاركة الأصلية كتبت بواسطة abo_hazm

كلام جميل فعلا ..

واسئلة موثقة على حسب خبرات محبين الطيور وفهمهم لنفسيات الطيور

فعلا اشكرك على هذا الموضوع الرائع .

واصلي ابداعك ..

شكرا جزيلا لك
على التشجيع

[bonsho]

ردين بس يا جماعه
للدرجه الموضوع وحش

[مجنون بدونك]

ههههههههه ايش ذا الموضوع الروعه مشكوره

بس بي صراحه كل الاجبات نعم

[bonsho]

المشاركة الأصلية كتبت بواسطة مجنون بدونك

ههههههههه ايش ذا الموضوع الروعه مشكوره

بس بي صراحه كل الاجبات نعم

طيب يبقى كوكتيلك بيحبك )
وشكرا على التشجيع

[ابو ريمان]

الف شكر لكي اختي على طرحك

موضوع جميل ,,^_^,,

تنسيق جميل مما جعل الموضوع راائع

جهد تشكرين عليه اختي

و3 نجوم وختم التميز مضافه للموضوعك المرح