ياشينهــــــا لو " بـ Make Up " .!

[ناصـر]

.







.






.


ساعات فيه لحظات شينه .!
لو توديها " للحميضي " يزينها


ماتزيـــن ، والمُر لاكنت مُجبور
تعيشها بكل دقايقها : /


مثل لاجاك ضيف " ثقيل "
على القلــب ، ويعلعل فيك .!


وتضيع سوالفك ومعها طواريــك .!
وكل اللي يجمعكم بس قهوة وشاهي

وحلويات ، وعشاء ثم رفسة ( شعور داخلي )
تتمناه يكون ( رد فعل ) خارجي .!

بس مالها داعي الحقوق والمُطاليب .!
والمشاريـه من جماعة " الجماعات "


والأدهى والأمرّ لما يجيك من دون
دعوة ، ولا إتصال ، يجيك من طقة راسه .!


" نعنبو هالرأس " يعتقد أن الناس
فاضيه له والبيوت تتمنى زيارته .!


والمشكلة تكرمه ، ولما يطلع من عندك .!
يطلــّع مستنقصك " مافيه خير "


وعاد من زين هالسوالف والهروج عنده ومن
زين ردوديّ وتفاعلي معه كلها أيه " ستلاف " مرة تتكرر .!


وماغيرّ " يصلخ " في جلود الأوادم ومافيه .!
إنسان عاجبه حتى هو ماهو مُعجب في " نفسه "


يطلـّع من عندك وتكون كاره نفسك والعالم .!
والمُحيط وحتى المناخ والغلاف الجويّ وطبقة الأوزون


ينفث عليك سموم تجلس تقاوم فيها
" ستلاف " سنة قدام عشان تتخلص من إثارها .!


صراحة ً هالنماذج قد تؤدي إلى إنقراض البشرية .!
محد عاجبه ولا أحد سالم من إنتقاده اللاذع


//

مانقول غير يا اللـــــــه السلامة
" شيء يقرقع " بقلبيّ وقلته .!

وسلامة عيونكم
وسلامة بيوتكم من " هالاشكال " : )

،،

* الحميضي : وكيـل للساعات

..