الجرجير يقتل الارانب ؟؟؟؟ ساعدوني :(

[7mamah]

السلام عليكم ورحمة الله وبركااته


اخواني قريت في أحد الردوود انه لازم ما اعطي للارانب جرجير وبقدونس

وانا صار لي يومين اعطيهم جرجير وبقدونس

علما بأنهن صغار أعمارهن أقل من شهرين

وفي اليومين أكلوا كل اللي حطيته لهم

قريت انه يقتلهم

وانا ما كنت اعرف هالمعلومه


هل بيموتون ؟؟

وهل هناك شي يمكنني فعله لمنع الضرر ؟؟؟


اتمنى تساعدوني بسرعه

[i! سآهي !i]

بالنسبة للمعلومة وصلت لك خطأ اخوي ..
الجرجير و البقدونس يسبب الامراض و الألتهابات الي
تأدي للوفاة وليس للوفاة مبـاشرة ..

امنع عنهم الجرجير و البقدونس بما انهم صغار
لانه قد يؤثر عليهم نوعاً ما ..
وشوف صحتهم حالياً اذا هي كويسه او لا ..
اذا ما تأثرت صحتهم امنع عنهم و استبدله
بـ البرسيم او مكعبات الارانب ..
و مايصير الا الخير بإذن الله ..

موفق

[7mamah]

الله يسمع منك ولا يصير فيهم شي

تسلم على الرد السريع

جزاك الله خيير

[رعوود]

اختي 7mamah

كلامي نفس كلام خيو i! سآهي !i

وحاولي تعتمدي على غيرهم

من برسيم وخس وقليل من الملفوف

وطبعا علف الارانب الجاهز سواء كرات او مكعبات

وبالتوفيق

[mooog]

مايشوفون شر ان شاء الله



والله انا راعي محل نصحني مره لا احط لهم ملفوف(قرنبيط) يقول يسبب لهم انتفاخ بالبطن والله اعلم

تقبلي مروري

[7mamah]

مشكوورييين على ردكم الطيب

والحمدلله اليوم شفت الأرانب ما شااء الله صحتهم واايد زينه وشهيتهم للأكل ما تغيرت

يعني ان شااء الله ما ضرهم

وخلاص تعلمت ما بعطيهم جرجير وبقدونس مره ثانيه

بس هل أقدر اعطيهم الفليفله الحلوه اللي هو الفلفل الرومي المدور ؟؟

بالاضافه إلى الملفوف هل أقدر أن أعطيهم قرنبيط وقرنفل ؟؟

وخبز ؟؟ اذا كنت اريد أعطيهم خبز .. هل يفضل يكون يابس والا لين أو مبلل بالماي ؟؟


لأني أريد أنوع لهم بالأكل قد ما أقدر علشان ما يملون الأكل

[رعوود]

اختي 7mamah

الفلفل الرومي والقرنبيط ممكن

لكن القرنفل ماعرفه والله

والخبز ممكن تعطينهم بكميات قليلة

مره بالاسبوع ويكون ناشف

وبالتوفيق

[7mamah]

شكرا اخي ع الرد والمساعده

وانا اسفه أخطأت بالاسم ما كنت اقصد القرنفل هههههههه

اللي اقصده البروكلي واللي هو يشبه القرنبيط بس أخضر

وهذي صورته




شكرا