تنصحوني اشتري ولا لا ؟؟

[عايد]

السلام عليكم .. لقيت ببغاء كاسيكو عمره على كلام البايع 6 او 7 شهور .. طبعا مش مدرب وكله يجعر ويعض .. هو قالي طبعاً .. اعطيه واحد من ربعي يدربه وبعدها مايجعر ولا يعض .. المهم سعره حلو طالب فيه 1000 ريال .. لكن للأسف انا ماعندي خبره لكن بحط لكم صوره وانتو قولو لي رايكم هل هو صح عمره زي ماقلت ؟ وايش جنسه ؟





























وبعد فيه بعض ريشه من عند اول الجناح .. وفوق راسه .. ريش منتف .. مدري وش سببه ؟ هل هو طبيعي يعني يتغير الريش بهالعمر ؟؟

وبالنسبه لعمره ... هل هو مناسب للترويض والتدريب وللكلام ؟؟ او يُفضل فرخ اصغر منه ؟؟

اتمنى تفيدونا الله يعطيكم العافيه

[CENA]

الصوره ماتتطلع.....؟؟؟

[&اكشن&]

ابجاوب على سؤال إذا كان عمره 6 شهور فهو جيد انا حقي عمره 6 شهور مر عليه اسبوعين صار يصفر تصفير غريب ومشكل ومدري وش بعد وياكل من اليبد ولا صار يجعر وحتى إذا شلته بيدي وانا لابس الدس لان يعض

يعني وزبدت الكلام يصلح التدريب والكلام

[عايد]

الصور شغاله عندي تمام .. سو رايت كليك على الصوره واضغط show picture

[عايد]

يعطيك العافيه يا اكشن .. 6 شهور تمام ولكن ! هل اللي بالصوره اكيد هو 6 شهور ولا اكبر من كذا بكثير ؟؟ فيه صوره لعينه لكن مش واضحه لي بصراحه يعني انا لما شفته مدري قلت ذا اصفر ولا رمادي :s

[KAKA_MILAN]

ماانصحك اخوي تأخذه خصوصاً هالنوعيه اللي تجعر
يعني تزيد عليه 200-300
تأخذ اللي نفسه بس هولندي ولايجعر ولاشي ويتعلم عليك بسرعه
واسأل مجرب
والله يوفقك

[عايد]

والله انا ما اعرف الهولندي .. هل هو نوع آخر ولا بس انتاج هولندا ؟ وايش الفرق بينهم من ناحية الشكل والمواصفات ؟

[KAKA_MILAN]

هو نفس الشكل وكل شي بس انتاج هولندا واغلبه يجيك محجل
وهالنوعيه ابداً ماتجعر
وبالنسبه لي افضل من الأفريقي العادي
وتبقى وجهه نظري واعتبرها نصيحه من اخ

[ابولمعه]

السلام عليكم
في صورة لعين مو واضحة لكن الببغاء عمره تجاوز السنة ونصف بالراحة

[عايد]

ها ابو لمعه يعني نكبّه ؟؟ لاني شاك فيه .. صاحبه يقول عيونه رمادي .. وانا اشوفها افتح شوي من الرمادي

كاكا .. دامك تحب كاكا .. وتنصحني بالهولندي .. اجل اكيد ذوقنا واحد