موضع مهم ابي آرئكم .

[EVO46]

انا اليوم وديت كاسكو مالي عند البيطري بسبب الاسهال مسكين الكاسكو حصل على أبره فالرقبة وعطاني دوا بودره اخلطله فالماي المهم يلس يسألني الدكتور كم سؤال عن الكاسكو فجاوبتة لين ماقالي الكاسكو يرفع رجل وحدة يوم ينام قلتله نعم شو المشكلة انا الي عرفتة من المنتده انه يكون مرتاح ومستانس رد علي الدكتور قالي لا الطير يوم يرفع رجلة بسبب الالم وتجمع البكتيريا في رجلة استغربت وسألت دكتور بيطري بريطاني عدنا فجاوبني بنفس الجواب ونتو يا اخواني الأعضاء شو رايكم

[EVO46]

ماشي اي رد هل يعني كلام الدكتور صحيح

[فتفوته]

اخوي الله يشفي طيرك

وسالفة وقوفه على رجل وحدة انا اللي اعرف انو صحة الطير ممتازة ودايم اشوف ببغائي يوقف على رجل وحدة والحمدلله ما فيه الا العافية ما شاءالله

فما ادري اذا ممكن يكون الوقف على رجل وحدة ايضا من علامات المرض !!

بعدين انت تقول الطبيب طق ابرة برقبة الطير

ليه ما ضربها بالعضل احسن ؟

لو تسأله عن هالشي

[عاشقة الطيور]

السلام عليكم ورحمة الله وبركاته

الله يشفي ببغائك

جايز ..

[stt95]

الطير يرفع رجله إذا كان بياخذ قيلولة أو بيرتاح أما طول اليوم فهو مثل ما قال الطبيب


وممكن عطاه الإبرة في العضلة في الرقبة لكن إعطائه الإبرة هنا لها عدة مخاطر ولا تعطى إلا في حالة الضرورة

والإسهال ممكن يكون حاد لأن الطبيب عطاه إبرة



ممكن توصفلي الإسهال

وتوصف حالة الطير أكثر علشان أساعدك

[stt95]

الطير يرفع رجله إذا كان بياخذ قيلولة أو بيرتاح أما طول اليوم فهو مثل ما قال الطبيب


وممكن عطاه الإبرة في العضلة في الرقبة لكن إعطائه الإبرة هنا لها عدة مخاطر ولا تعطى إلا في حالة الضرورة

والإسهال ممكن يكون حاد لأن الطبيب عطاه إبرة



ممكن توصفلي الإسهال

وتوصف حالة الطير أكثر علشان أساعدك

[EVO46]

قبل كان السهال الي عنده سائل بس من بعد الابره خف الاسهال بس انا ابا اعارف لين متى يبقا الاسهال فالطير من بعد العلاج وحالت الطير من بعد الطبيب يلعب وياكل ويشرب الماء المخلوط بالدواء لون رشقة الطير الاخضر الغامج ممزوج بالون الابيض عليه بعض السأل الشفاف يميل على الفقاعات والرشقة الطائر بحجم الحصا الصغير

[stt95]

حالت الطير عادية واستمر بالعلاج


وإنشاء الله بعد 3 أيام يتشافى

[EVO46]

مشكور اخوي stt95 طمنتني الله يطمنك دنيا وأخره