العنايه بأقدام الببغاء

[كاسكوكيه]

عندي ببغاء الكاسكو من شهر و لانه يديد نصحوني اني اربطه بسلسله خفيفه اقدر اشلها عنه متى ما اريد

بس لاحظت انه ما شاء الله عليه يعرف كيف يفتحها و يرمي السلسله بعيد

بس بعد.. على ساقه في أثار السلسله ... انا الحين اخليه بدونها لانه بدا يتعود ع المكان

سؤالي هو...

كيف اقدر اني اهتم بأقدام الببغاء؟ للعلم ما يخليني اتجرب منهم لو شو ما صار.. تقبل المسح بس ع الظهر الين الحين


و لكم مني أطيب تحيه

[عاشقة الطيور]

السلام عليكم ورحمة الله وبركاته

السلسله تنحط للببغاء اذا كان يطير وتبين اطلعينه .. وانا الصراحه ماأأيد فكرة السلسله

وعن العنايه بالقدم سؤالج حلو بس مايحتاي تتعبين نفسج خليه اهو يعرف يعتني فيها بس لو قدر الله وصاده جرح ولا التهاب الله ليقوله وديه للبيطري

وعن انه مايخليج تقربين من ريله شي طبيعي لان شهر شويه عليه

وبالتوفيق ان شاءالله

[كاسكوكيه]

تسلمين ^^

انا بعد ما احب السلسله و الحمد لله يوم تعلم يبطلها اروحه ^^

نصحوني احط عليها فازلين عشان ما تنشف.. خفت احطه و يطعمه الببغا ويصير فيه شي

تسلمين ولا قصرتي

[عاشقة الطيور]

الله يسلمج ويخليج .. تدرين مره سيكو اهملته لان صادتني الامتحانات وماقدرت اطلعه واهو ماشاءالله عليه لازم كل يوم يطلع بس كنت اطلعه شووويه وادخله بعدها صار القشور الي في قاع ريله جنهم طاحو وصارت ريله حمره حتى ماقدر يمشي عدل وكنت بوديه للبيطري بس محد متفرغ لي واخر شي وعليه الحمدلله الله شافاه وردت ريوله طبيعيه وقمت اطلعه وجذي

تقدرين كل يوم تغسلين ريوله بماي دافي وان شاءالله بترد مثل قبل

حاضرين اختي

[كاسكوكيه]

^^ الله يخلي لج سيكو

انا احاول اني كل يومين اغسل القفص و الستاند عشان ما يوقف ع الوسخ اللي في القفص

بس المشكله ما يخيلني اجرب من ريوله .. فاحتمال اني احط له ماي في صحن واخليه يتسبح فيه براحته

تسلمين و مشكوره ع الافاده ^_^

[؟!بدون اسم؟!]

ما شاء الله عاشقه الطيور ما قصرت ...

[كاسكوكيه]

هيه والله ما قصرت ^^
و تسلم لي ع مرورك الطيب

[عين الامارات]

اهم شي البيطري

[كاسكوكيه]

يا ليت القى لي حد يوصله ^_^ للاسف بس الحمد لله تغير شامبيه الحين

[5552]

بصراحه عاشقة الطيور ماخلت شيئ


كفة ووفت