ساعدوني لا استطيع النوم +سأطرد من الشقة

[no comment]

سلام


بدخل في الموضوع مباشرة بلا مقدمات طويلة عريضة....

من العنوان باين مشكلتي كبيرة ابي حل ضروري...

احترت مع قطتي والله
اذا اخليها بالليل بدون شي عاادي او مب بالصندوق مالها<<<<< تجي على السرير واهداف متحركة يكون عندها تقعد تعضض يدي رجللي كل شي ,, وأخاف توصل الى وجهي وتشمخه بعد تالي عاااد شلون اروح الجامعه

في بداية الامر قمت بالليل اخلي لها الغرفة واروح انا انام بالصالة<<<< بعدين بالصراحة انكسر ظهري من النوم على الكنبة.

شريت لها صندوق وحطيتها فيه بالليل ما فاد هذا الحل تقعد طول الليل تموء وتعور راسي ولا أقدر أنام ولا شي

الحل الثالث شريت لها مثل الحبل اربطها به بالليل وصار ازعاج اكثر واكثر

وصحباتي بالشقة بيطردوني بالليل اهم بعد ما ينامون من الصوت واهما اصلا يخافون من القطط يعني اهي تظل بس في غرفتي وازعاج على الآخر




بليييييييييييز ساعدوني

ابي حل ضروري

لازم حل اللي العض جربت كل الحلول معاها وما فاد ولا شي
وحل الى النوم بالليل



أخليكم الحين انا راح أروح الجامعه الحين

وان شاء الله ارجع والاقي ردود منكم


لا تردوني




لو ما يبقى الا حل أخير الا وهو اني ابيعها

[iyado]

يعني القطة إذا كانت مستيقظة طول النهار ستنام بالليل و العكس صحيح .إذا ما كنت فاضية لها بيعيها .

[قايد الرييم]

الله يعينك بس شوفي وش سويت أنا

البارح شريت قط من صديقي واحطه بمكان شاعري حلوووو
وهاتك مواويل اخر الليل وش ذا النشبة

نعنبو ابليسك أسكت فضحاتنا عند الجيران ولكن ما فيه فايدة

والله أني خذته وحطيته بشنطة السيارة قلت صيح منا لبكرة

على طوووووول أوديه المزرعة عند كووووووومار خليه يونسه في وحدته

يعني بصراحة ما فيه الا هالحل

من جد يامن شراله من حلاله علة
الله يعيييينك دوريله على شريكة حياته والا بيوريك نجووووم القايلة

سوووووري على الاطالة

[no comment]

ردين بس


عالعموم شكرااا

قطتي عمرها يمكن الحين 50 يوم

وانا ادرس بالخارج يعني ما اقدر اوديها المزرعه ولا مكان


وعلى قصة النوم انا احاول ما اخليها تنام بالنهار

لكن بعد تنام


والعض شلون اخليها ما تعض مشي تنط على رجلي

والله مشكلة كل ما تشوفني قاعده على الاب توب تجي تنط على يدي بتعضهم ولما امشي تحاول تعض رجلي



ابي حل بسرعه



ضروري




يعني لهذي الدرجة الرد صعب

انتوا اكيد كلكم مو اول مرة تربون قطط
يعني ما اعتقد السؤال غريب او صعب الا اذا كانت عندكم مثل الحالة وما عندكم حل وهذا مستحيل لانه لو الكل عنده جذي جان ولا واحد ربه عنده قطة او بالاصل يمكن ما تبون تردون


و سوري على االازعاج

[Black Diamond]

اختي انا راح اعطيج الحل

شوفي هذا الموضوع للاخو القلب الصافي وانشاء الله يفيدج

اسمة كيف تمنع قطتك من اشياء لا تعجبك

http://www.2zoo.com/vb/showthread.php?t=24853

[قايد الرييم]

اذا الدعوة على العظ يمكن اوخيتي

مجوعتها يعني صحيح الاكل غلا بس عاد لاتبخلين عليها

عموما في العمر هذا طبيعي دونت وري

والمسألة ماهي بكثرة الرودود لاكن على الله يطلع واحد فاهم يفيدك

طبعا مهو انا

ثي يو

[no comment]

المشاركة الأصلية كتبت بواسطة Black Diamond

اختي انا راح اعطيج الحل

شوفي هذا الموضوع للاخو القلب الصافي وانشاء الله يفيدج

اسمة كيف تمنع قطتك من اشياء لا تعجبك

http://www.2zoo.com/vb/showthread.php?t=24853

شكرا

جربت كل الحلول ولكن بدوون جدوى

[no comment]

المشاركة الأصلية كتبت بواسطة قايد الرييم

اذا الدعوة على العظ يمكن اوخيتي

مجوعتها يعني صحيح الاكل غلا بس عاد لاتبخلين عليها

عموما في العمر هذا طبيعي دونت وري

والمسألة ماهي بكثرة الرودود لاكن على الله يطلع واحد فاهم يفيدك

طبعا مهو انا

ثي يو

الاكل 24 ساعه جدمها

واذا طبيعي في هالعمر الى متى سيستمر؟؟؟

[اوكسنارد]

العصر أو أخر العصر خذيها ودور فيها بأي مكان ودها الدكان وتمشى معها ودهى الكرنيش



أو حتا فشقة خذها ولعبها وشيلها ووكلها وخلها تنبصط عشان إذا جيت تنا م تكون داخت وجاها النوم


وبعدين ما تزعجك أبداً وذبعد تشتري لها كرة صغيرة على قدها تقعد تلعب فيها وترا يمكن تكون جوعنا


أو تبي تقضي حاجتها عشان كذا تقومك فاليل وخذها من ترجع للجامعة معها لعب ووناسة وفلة .....













وشكراً

[تايني]

مرحبا اختي ..

بالنسبة للقطوة فهذا شي طبيعي بالذات في هالسن

انا عندي 5 قطاوة و عمرهم 50 يوم وماشاء الله عليهم نشاط

مو طبيعي ... بالعكس اختي القطوة مافيها شي بس انتظري

عليها شوي وراح تهدا كلما كبرت ...

بس لا تحاولين تحبسينها وخصوصا انها في هالسن

بالعكس خليها تتعود عليج عشان تسمع كلامج لين كبرت ...

انا كنت مثل حالتج .. عندي قطوة ومسافرة بره بس التجربة وايد حلوة

عالاقل تحسين في احد يونسج وكانت تسوي لي مثل قطوتج تبهدلني

تنام طول النهار و طول الليل تناقز على فراشي وتعضضني ..

اتركيها فترة على راحتها وبس تكبر شوي تتعود ان شاء الله ...

السموحة على الاطاله واتمني اكون افدتج