الله يخليكم ســاعدوني عطوني رايكم...

[*القلب الصافي*]

السلام عليكم ورحمة الله وبركاته

اشحالكم يا اعضاء توزو؟؟

اولا اسمحولي على الغيبة وانتو تعرفون اني مالي غنى عنكم

المهم ما ابا اسولف وايد و ازعجكم

انا ناوي اشتري قطو او قطوة بعد 3 شهور

بس المشكلة الكبرى اني مقدر احطها في البيت لانه ممنوع انتو تعرفون القصة مش لازم اعيدها

فلازم اسوي قفص في الحوش مالنا واحط القطوة في الحوش

بس انتو شو رايكم تشوفون انها فكرة زينة؟؟
لاني اخاف تموت من الحر

ولا اذا حطيت مروحة في القفص ينفع؟

(ترا القفص شوي كبير مش صغير)

فابا اعرف رايكم اذا اتشفونه راياي مش زين خلاص عيل بنسى موضوع القطوة

الله يخليكم احتاج الى ردكم باسرع وقت بليييييز

[*القلب الصافي*]

لــــــــــو سمحتــــــــــــــو..؟؟

[نسمة عبوود]

أنتوا عندكم حر

أحناعندنا برد موووت

المهم

عن تموت من الحر ما اعتقد لأن جيري لما يكون يوم حر عادي ولما نحطوا بي البلاكونه يجلس بحتى ظل وخلاص

وأنك تحبسهى في قفس بتكره نفسها لان جوا القفس بتكون وحيد ه

وممكن تحطها بي الحوش مش لازم قفس

ولو مروحه ممكن تحط يدها جوا المروحه انا أعرف القطط

وأتمنى الاعضاء يفيدوك اكثر مني
روري
تقبل م

[Dominique]

اولا ويلكم باك

ثانيا

الله يعينك على مابلاك

ثالثا

لو انت مضطر انك تحطها بالحوش بقفص مثل ماقلت

ممكن لكن بشروط:

اولا

لو القفص مش مسقف تحاول انك تركب مظلة الومنيوم فوق القفص

او انك تغطي القفص من فوق بطربال سميك

علشان حرارة الشمس وعلشان المطر

ثانيا

بفترة الصيف القطط تشعر بالحرارة وخصوصا لو كانت بره فلازم مكيف ماي او مروحة بالسقف

يعني المهم مكان ماتوصل ايد القطة للمروحة واهيا تتحرك

وترى المروحة ماتوسي شي بالجو الحار والرطب

فالمكيف احسن حل

ثالثا
تخلي القفص على ارتفاع 20 سم من الارض كأقصى حد

اولا علشان يكون سهل حق القطة انها تصعد للقفص

وثانيا علشان اذا طق مطر ما يدخل بالقفص ويبلل ارضيته وبالتالي تمرض القطة

رابعا

تفرش ارضية القفص بسجادة سميكة لأن القطط تحب تتسدح على النواعم والاقمشة اكثر

وتجهزلها بيت صغيرونو على قدها علشان تنام فيه


وخامسا

الله يوفقك
.
.
.

[Bruce]

ماقصرت دومينيك وانا رايي من رايها

[*القلب الصافي*]

مشكورة نسمة عبووود على الرد والمساعدة

ودومنيك اولا انتي الي ويلكم بااااك ليش هالغيبة كلها

عنبوة ما تدخلين المنتدى ولو ساعة وحده

المهم مشكورة وما تقصرين على مساعدتج والله انج فهيمة يا ام سلووم اقصد يا دومنيك

صدق ساعدتيني والله يعطيج الف الف الف الف عافية

بس تعالي عندي سوال المكيف اخليه تحت يعني في الارض ولا فوق؟؟

شو رايج؟؟

[sweet dreams]

السلام عليكم
الصراحة صعب جدا تربي حيوان داخل قفص لانك تحرمه من الحرية..
بس اذا ولا بد بنصحك انو القفص يكون كبير جدا لان القطط حيوانات نشيطة وكمان اذا ممكن تضيف في القفص شوية اثاث للقط والعاب عشان ما يمل .. بنصحك اول ما تشتري تقضي معاه وقت طويل عشان يتعود عليك وعشان تشوف كمان اذا مناسبه القفص او لا ..
بالتوفيق واذا شوفتومتضايق ما تتردد في اخراجة لان القطط تكرة الحبس
والله يوفقك

[looosy]

ما نصحك تحه بقفص
كيف قطو بقفص
القطو متعته يلعب ويناقز ويدخل البيت ويضايقك وينام على سريرك
اما في قفص كديكور
ابدا ما احسه ممكن

[muhannad2]

مايصير
قطوه بقفص
حرام تحرمه من اشياء وايد

حاول تقنعهم مره ثانيه انك تحطيه في البيت وماطلعه مكان الا بغرفتك وبس واشتري القطوه ودها البيت وحطهم بامر الواقع

[عاشق البدجيات]

القطط ماترتاح الا لما تكون بدون قفص لان القطط والكلاب يبيلها تتمقط ويجب ان توفر له الراحه